Populära bibelverser från ᒨᓯᓯ ᐂᑉᐸᖏᑦ 16

Dela

ᐅᖃᕐᓗᑎᒡᓗ, “ᐄᑦᔨᑉᑎᒦᑎᓪᓗᑕ ᐊᑕᓂᐅᑉ ᑐᖁᑎᓐᓂᕐᐸᑎᒍᑦ ᐊᑲᐅᓂᕐᓴᐅᑲᓴᖕᓂᕐᐳᖅ, ᑍᑲᓂᓕ ᓂᕿᑐᕈᓐᓇᖃᑦᑕᓚᐅᕋᑦᑕ ᐊᓯᖏᓐᓂᒡᓗ ᓂᕆᔪᒪᔭᓕᒫᑦᑎᓐᓂᒃ, ᒪᐅᖓᓕ ᓯᐅᕅᓐᓈᓗᖕᒧᑦ ᑕᒪᑦᑕ ᑳᖕᓂᕐᒧᑦ ᐱᕐᓕᕐᑎᒋᐊᕐᑐᕐᓂᕐᐱᑎᒎᑦ?” ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᓂᕿᒃᓴᑦᓯᓐᓂᒃ ᕿᓚᖕᒥᑦ ᑲᑕᒐᕐᑎᑦᓯᓂᐊᕋᒪ ᓯᓚᓗᒃᑐᑎᑐᑦ. ᐃᓄᐃᑦ ᖃᐅᑕᒫᑦ ᐅᓪᓗᒧᑦ ᐊᑕᐅᓯᕐᒧᑦ ᓂᕿᒃᓴᒥᖕᓂᒃ ᑲᑎᑦᓯᔭᕐᑐᖃᑦᑕᕆᐊᖃᕐᓂᐊᕐᐳᑦ, ᑍᒤᓕᐅᕐᑎᓪᓗᒋᑦ ᖃᐅᔨᓴᕈᓐᓇᕐᓂᐊᕐᐸᒃᑲ ᐱᖁᔭᓐᓂᒃ ᐊᑐᕐᓯᔪᓐᓇᕐᓂᐊᕐᒪᖔᑕ.

ᑕᕝᕙᓂᓗ ᐃᓄᖃᖏᑦᑐᒥ ᓄᓇᖃᓕᕐᓗᑎᒃ ᐃᓴᕆᐊᓕᒥᐅᓕᒫᑦ ᓈᒻᒪᒃᓴᖏᑦᔪᑎᒥᖕᓂᒃ ᐅᖃᓕᕐᐳᑦ ᒨᓯᓯᒧᑦ ᐂᕉᓂᒧᓪᓗ.

ᒨᓯᓯ ᐅᖃᓕᕆᕗᖅ, “ᐊᑕᓂᐅᑉ ᑭᓯᐊᓂ ᓂᕿᒥᒃ ᓂᕆᓂᐊᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᐅᓐᓄᒍᒻᒥᑕᒃᓴᑦᓯᓐᓂᒃ, ᐅᓪᓛᕈᒻᒥᑕᕆᓂᐊᕐᑕᑦᓯᓐᓂᒡᓗ ᓂᐊᖂᔭᒥᒃ ᐱᔪᒪᔭᓕᒫᑦᓯᓐᓂᒃ ᐱᑎᓐᓂᐊᕆᕚᓯ, ᓈᒻᒪᒃᓴᖏᓐᓂᓯ ᑐᓴᕐᒪᒍ, ᐅᕙᑦᑎᓐᓄᑦ ᓈᒻᒪᒃᓴᖏᑦᔪᑎᒋᔭᑦᓯᓐᓂᒃ ᐅᖃᕌᖓᑦᓯ ᐅᕙᑦᑎᓐᓄᑐᐃᓐᓇᖅ ᐅᖃᕐᕕᖃᕐᐸᖏᓐᓇᑦᓯ ᐊᑕᓂᕐᒧᓪᓕ ᓈᒻᒪᒃᓴᖏᓐᓂᕋᕐᐸᒃᐳᓯ.”

“ᐃᓴᕆᐊᓕᒥᐅᑦ ᓈᒻᒪᒃᓴᖏᓐᓂᖓᑦ ᑐᓴᕐᓯᒪᕙᕋ, ᐅᖃᐅᑎᒃᑭᑦ ᐅᓐᓄᓕᓵᕐᑎᓪᓗᒍ ᑖᕐᓯᓕᕐᐸᑦ ᓂᕿᒥᒃ ᓂᕆᔭᒃᓴᖃᕐᓂᐊᕐᐳᑦ, ᐅᓪᓛᓐᖑᕐᐸᓪᓗ ᓂᐊᖂᔭᕐᑐᕈᒪᔭᓕᒫᒥᖕᓂᒃ ᐱᔪᓐᓇᕐᓂᐊᕆᕗᑦ, ᑍᒫᒡᓗ ᖃᐅᔨᓂᐊᕐᐳᑦ ᐅᕙᖓ ᐊᑕᓂᖅ ᑖᒃᑯᓄᖓ ᒎᑎᒋᔭᐅᓂᓐᓂᒃ.”