Populära bibelverser från Iba 11

Dela

Ongyesɔ ongwu gyafa fo agba mgban, man ela ama okwukwo tɔ mi esho le gbɛɛ: <<Esutɔ ongwi ɛsɛ yɛɛ esutɔ mgbi Otsɛ mgbi eyi yi iKrestu mgban, o dika kyuutɔ nghataa imbise gyegwu.>>

Ɛsɛ gbeka buntse; ikyekyɛ onɔ itingga mgbi abu gyɔ. Onɔ gyɔ ogbɔ emi ikwukwɔ ikwɔ wa, odi nu engbidɔ mgbi abu ama ogbɛɛsɛ umba bɛyi emi osaan mgbi abu yi ama nsunu iyi mgbi abu mani, ama ongbungbɛ yi ama nshewo duu; odi dzili ama ndzili ɛsɛ mani.>>

Man ani ka kye mfye nu obwɛndɛ mgbi ani nghi efa ntonani, a ka kye angwuto ikwu wo di yegbɔ esɔ mgbi Imgbasho mi onova eta yi ofyia egyin.>>

Kpaa ngwi i wa nyɛ egbe eta yi itsi nɛ, mmyɛ kyɛ mbi Imgbasho wa kaka ma, man a kyato dzɛkunto, idzidzi si kwulu ama ndi mani.

A dzɛ yi mfye okye esho tukwu, gbɛɛ ni mmbwo ka kya ba, mi egbe ngwi ama le gbeesɔ mgbi Imgbasho mani. A di dzɛ yi mfye okyata eni yɛɛ eyi, odi nu ali itɔ isɔ okwulewo, alonɔ ngwi a mina duu.

Obwɛndɛ efa ntonɛ li ekwɔ olivi nghi efa mani, bɛyi akoola nghi efa nkwoto iyayi Otsɛ Imgbasho mgbi ɛsɛ nɛni. Ma ali inggisɛ nmina okyɔ ma ungwɔ yɔ, ola li tɔ mi ondu mgbi ama kye ma gye: li itɔ ofɛ ngwi ali inggisɛ nmina okyɔ ma ungwɔ duu ka kwulu joani.