Populära bibelverser från Matha 28

Dela

Imṫiġiḋ‐se, d’á ḃriġ sin, agus déanaiḋ deisceabail as na náisiúnaiḃ go léir, g‐á mbaisteaḋ i n‐ainm an Aṫar, agus an Ṁic, agus an Spioraid Naoiṁ: g‐á ṫeagasc dóiḃ gaċ ar órduiġeas daoiḃ do ċóiṁlíonaḋ, agus féaċ, atáim‐se ’n‐ḃúr ḃfoċair i gcóṁnaiḋe, go deireaḋ an tsaoġail.

Agus ṫáinig Íosa ċuca agus do laḃair sé leo, g‐á ráḋ, Tugaḋ ḋaṁ‐sa gaċ cuṁaċt ar neaṁ agus ar talaṁ.

Agus d’ḟreagair an t‐aingeal agus aduḃairt sé leis na mnáiḃ, Ná bíoḋ aon eagla oraiḃ: tá a ḟios agam go ḃfuil siḃ ar lorg Íosa, an té do céasaḋ. Ní annso atá sé; óir d’aiséiriġ sé, fá mar aduḃairt sé roiṁ ré. Tagaiḋ, féaċaiḋ an áit ’n‐a raiḃ an Tiġearna ’n‐a luiġe.

Annsin aduḃairt Íosa leo, Ná bíoḋ eagla oraiḃ: imṫiġiḋ agus abraiḋ lem’ ḃráiṫriḃ imṫeaċt do’n Ġalilé, agus do‐ċífiḋ siad annsin mé.

Agus nuair do ċruinniġ siad le ċéile i ḃfoċair na seanóir, agus do ġlacadar cóṁairle le ċéile, ṫugadar mórán airgid do na saiġdiúiriḃ, g‐á ráḋ, Abraiḋ‐se, Ṫáinig a ḋeisceabail fá scáṫ na h‐oiḋċe, agus do ġoideadar é, nuair do ḃío mairne ’n‐ár gcodlaḋ. Agus má ċluineann an riaġaltóir ’n‐a ṫaoḃ, laḃarfaimíd‐ne leis, agus cuirfimíd slán ó ḃaoġal siḃ‐se. Agus do ġlacadar‐san an t‐airgead, agus do‐rinneadar fá mar aduḃraḋ leo: agus do leaṫ an scéal sin i measc na nIúdaċ go dtí an lá indiu.