Populära bibelverser från ກິດຈະການ 16

Dela

ພວກເພິ່ນ​ຕອບ​ວ່າ, “ຈົ່ງ​ເຊື່ອ​ໃນ​ພຣະເຢຊູເຈົ້າ ອົງພຣະຜູ້ເປັນເຈົ້າ ແລ້ວ​ເຈົ້າ​ກັບ​ຄົວເຮືອນ​ຂອງ​ເຈົ້າ​ຈະ​ໄດ້​ຮັບ​ຄວາມພົ້ນ”.

ປະມານ​ທ່ຽງຄືນ ໂປໂລ​ກັບ​ຊີລາ ກຳລັງ​ພາກັນ​ອະທິຖານ ແລະ ຮ້ອງເພງ​ສັນລະເສີນ​ພຣະເຈົ້າ ແລະ ພວກນັກໂທດ​ຄົນ​ອື່ນໆ​ກໍ​ຟັງ​ຢູ່. ທັນໃດ​ນັ້ນ ກໍ​ເກີດ​ແຜ່ນດິນໄຫວ​ຮຸນແຮງ​ຈົນ​ຮາກຖານ​ຂອງ​ຄຸກ​ສັ່ນ​ສະເທືອນ. ໃນ​ທັນໃດ​ນັ້ນ ປະຕູ​ຄຸກ​ທຸກ​ບານ​ກໍ​ໄຂ​ອອກ​ທັນທີ ແລະ ໂສ້​ທີ່​ມັດ​ນັກໂທດ​ທຸກຄົນ​ກໍ​ຫລຸດ​ອອກ.

ແລ້ວ​ລາວ​ກໍ​ໄດ້​ພາ​ພວກເພິ່ນ​ອອກ​ມາ​ແລ້ວ​ຖາມ​ວ່າ, “ທ່ານ​ເອີຍ, ຂ້ານ້ອຍ​ຈະ​ຕ້ອງ​ເຮັດ​ຢ່າງໃດ​ຈຶ່ງ​ຈະ​ໄດ້​ຮັບ​ຄວາມພົ້ນ?”

ເມື່ອ​ເຈົ້າໜ້າທີ່​ຕື່ນ​ຂຶ້ນ ແລະ ເຫັນ​ວ່າ​ປະຕູ​ຄຸກ​ໄຂ​ຢູ່ ຈຶ່ງ​ຖອດ​ດາບ​ອອກມາ​ກຳລັງ​ຈະ​ຂ້າ​ຕົນ​ເອງ​ເພາະ​ຄິດ​ວ່າ​ນັກໂທດ​ໜີ​ໄປ​ແລ້ວ. ແຕ່​ໂປໂລ​ຮ້ອງ​ຂຶ້ນ​ວ່າ, “ຢ່າ​ເຮັດ​ຮ້າຍ​ໃຫ້​ຕົນ​ເອງ! ພວກເຮົາ​ຍັງ​ຢູ່​ທີ່​ນີ້​ທຸກຄົນ!”