Populära bibelverser från Mfa' Ghantum 2

Dela

Pétro bùnte bo ndù: Bin kaṅ ntù tsine, bo nyu' mba we lo netèt bin ntse num lén Yésu Kristô ndù Nsi lagte nukebwô tsine; ndùlala bin nsi kwé Ywèt Nelàne.

Bo nke nkagtùn ntùm ju nezi'te ghantum mba ntùm netamte fètfèle, nke mbe'te bàn, mbèn nke nde'te Nsi njoṅ yub fa.

Bo dun Ywèt Nelàne, nto' neke ntshob ntshob nzenze mba Ywèt Nelàn ke mfà bo ndù bo tshob là.

Be ndùse, mo' tshu'te swe' kamànyam mba fetmbaṅ ndùb là, ndun ntùm ndà dù' ze bo tswe là. Tsemo' tshu mba ngwatmbwôg là ṅwag bo, njabte num tu bo. Bo dun Ywèt Nelàne, nto' neke ntshob ntshob nzenze mba Ywèt Nelàn ke mfà bo ndù bo tshob là.

Bo nke nkagtùn nèn Ndà Nsi njoṅ lé'njù fa ntùm ntù ntshù', nke mbe'te bàn, mbèn nke njù jujù yub ntùm tsiaṅte mba ntùm nefite ntùm ndà tshobe, nke ngamte Nsi, nke ngù nu ts'a bwô benntùn nà. Tshùaben nke nkwi'te ben ts'a ke njôg yub là ntùm ntse'te.

Nsi tshob ndù: Me nsi naṅ Ywèt tshàm num njoṅ benntùn fa num miagte lé'njù, bon tsin tse bandum mba tse bènnzwi nke ntshob ntshob Nsi; tsin bonnshum yen njem, tsin ywèn benntùn zi njem.

Njoṅ benntùn fa tse bo bam nà nke mb'a ntshu ntshù', tshu tshob b'a ntam. Bo nke nswèn nà yub mba tshu tse bo ghù là, ngabte nkàb i netèt bo, mfà mba we lo be mb'a ku'ni num i là.

là mba we lo z'a nsi tsiaṅ lén Tshùaben nà nsi yôge.

Lagnyam nsi kaṅ tù' njame, maṅwù tù' lem, kà lé'njù Tshùaben se ndùb mba se neghamte se'e