Populära bibelverser från BBN 7

Dela

Dɛnaa pɛ Muizu-n kɛnɛn: «Á ke, ma nə n boe n koɛ, ka Lawa bɛ́ lɔn *Faarahɔn gɔn, n gologiĩ Aarɔn nə die goɛ̃ n boo gii-dali lɛa.

Sɛnɛ, ma din tá re Faarahɔn too kaka koe. A laanɛ n tá re sii nyaa ǹ sii dadaran zɛnɛɛ ǹ mɔnaa Ezipti gána nɛ, Faarahɔn ba re n too koe n lon wa. Ma á re dɔlɔ boe Ezipti gána ganaa, man pàã nyaa nɛ, ma tɔn soo ka maa zaman kɛ nɛ, Izirayeli nɛnyaanan lɛn, kun ka zia-balin bɛ́ lɔn, ma ǹ bɔ Ezipti gána kɛ nɛ.

Ma á re dɔlɔ boe Ezipti gána minin lɛn ganaa, man pàã nyaa ǹ nɛ. Bɛ̀ má bɛ zɛnaa ǹ mɛn waáraa, má soo ka Izirayeli nɛnyaanan lɛn nɛ, má ǹ bɔ gána lɛ nɛ, Ezipti gána minin kɛn tá re doɛ̃, mà ma din lɛ n Dɛnaa Lawa lɛ lɛa.»

Sɛnɛ, Faarahɔn dɔ lɛ dia a màn-dɔ̃lin laanka a kɔ́lɔnbaalin la, ǹ dɔn ná a din dí lɛ nya, ka ǹ boo sii la ǹ pàã baraa kɛ nɛ. Ǹ gogoonmaa ná a bàlà zũ tán, á n bɔyaa á miɛ̃ baa. Sɛnɛ, Aarɔn a bàlà lɛ miɛ̃ mɛn baa, bɛ nə́ ǹ wɔn lɛn kũ á ǹ mui.

Bɛ lɛ nɛ, Dɛnaa á boo diɛ kɛnɛn: «N tá re doɛ̃ kɛ li, mà n laanka masɛ din Dɛnaa Lawa n kɔn. Man die tà lɛ a mu duwii ka bàlà kɛ lɛ-n ma gɔn, a n bɔyaa a mà baa.

«Bɛ̀ Faarahɔn boo da ka nɛ, ka sii nyaa ǹ sii goon zɛnaa, n pɛ Aarɔn nɛ: N bàlà lɛ saa, n zũ tán Faarahɔn yɔrɔ-a, a n bɔyaa a miɛ̃ baa.» Muizu laanka Aarɔn daa Faarahɔn li, ǹ nə́ sii lɛ zɛnaa ka Dɛnaa bɛ́ á pɛ ǹ nɛ lɔn. Aarɔn bàlà lɛ zũ tán Faarahɔn laanka a kiodɛnan yɔrɔ-a, bàlà lɛ miɛ̃ baa.