Populära bibelverser från MATIU 19

Dela

Mbɛ Chisɔsi‑a an gbɛɛ ma fɛn, mbɛ a‑a a fɔ an ye, a ɔ, “Mɔ gbu ee che koe chɛ n ma‑a, chɛɛ Yataa ɛ che wan ko ɔ ko ma‑a.”

Chɛ‑a a ɔ yian fan, mbɛ mɔ fea ma to an na, chɛɛ mɔ dɔndɔ gbe mu gbɛ an na. Chɛ an fɛ mu, fuu ɔ, ni Yataa‑a mɔ fea chɛ an nyɔn dɔ, mɔ ɔ mɔ kan kɔ kan ma an tɛ du.”

Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, mbɛ dunya a dan tima a, Yataa‑a mɔ gbu nyan fea an na, kai an fea musu a. Chɛ an fɛ mu, Yataa‑a a fɔ, a ɔ, ‘Ni mɔ kaima‑a musu fuu, ɛ a de to wan, a basan a fa a, mbɛ an chɛ‑a an nyɔn dɔ, an fea a 'a musu a. A sin, an fea chɛ, an mbe ma‑a wan mɔ dɔndɔɛ a.’

Chɛɛ Chisɔsi ɔ, “Wo ma an ma bai. Wo a ma den mɛsɛ n ni na n tena. Koe min na mu, mɔɛ miin maen mu yɔ den mɛsɛ chɛ nu, Yataa an mbe ma‑a an 'na mansa a.”

Chɛɛ mɔ sɛsɛ nu, miin mbe sɔ ɔ ya ɔ sanche, Yataa ɛ an na yɛ‑a wan gbaa a. Mɔɛ miin mbe gbaa sanche, Yataa ɛ an sɔ‑a wan ya ɔ dunya nama chɛ ɔ.”

Chenɛ, suun ma nyɔɛ nu, woo mɔɛ nu, denɛ nu, a basan sɛnɛ n na, an nyin fan. Chɛɛ mɔɛ min mbe an dɔndɔ wɛɛ to‑a n ko a, Yataa ɛ a kɔ‑a wan an fen chɛ a, a si tena chɛmɛ dɔndɔ ni a kun ma a a. A sin, Yataa ɛ kuɔ fɔ fɔɛ be‑a wan to a ma.

Mbɛ Chisɔsi ɔ, “Ni i ma to ni tɔmbɛ sima wɛɛ ni ma i ma Yataa tena, ta, i ni i boo fenɛ n gbɛɛ ma tachɛ. Mbɛ i‑a a kɔpɔɛ chɛ ya, i‑a a be yɔn tɔɛ n ma. Chɛ‑a a ma wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a i ma‑a n fɛ denɛ a.”

Mbɛ Chisɔsi ɔ, “Fen mu i toen mu n fan ni a ɔ yian i a, ni koe min nyin a ma koe a? Yataa dɔndɔ gbe an mu mɔ chɛndɛ a. Ni i toen mu i ni kuɔ fɔ fɔɛ ma sɔn, mbɛ don a 'a sawa n kɔɔ.”

Ka wɛ n mbe a ma din to wo tena, mbɛ a ɔ gbɛ kaka nyan tɔɛ ko a, a ni don Yataa 'a mansaya kɔɔ, a ni ben ninchi don koe ma miichi woe a.”

A sin, n ni a ma din wo tena, mbɛ ni mɔ ɔ mɔ‑a a boo ka a 'a musu a, ko dɔ mende ko a, min ma waa ma basan koe a kai dɔ mende a, mbɛ a‑a musu dɔ gbɛɛ si, a‑a waa ma basan musu a, a ee fuu ɔ min na, Yataa ya a.”

Kamin tɔngbɔɛ chɛ ta‑a kɛn, mbɛ Chisɔsi‑a a fɔ a fɛ denɛ n ye, a ɔ, “N ni a ma din wo tena, mbɛ a ɔ gbɛ nyan tɔɛ n ko a, an ni don Yataa 'a mansaya kɔɔ.