Populära bibelverser från मलाकी 3

Dela

सारो दशोवं हिस्सो भण्डारे मां आनां कि मेरे भवने मां खानेरी चीज़ां भोन। ते सेना केरो यहोवा एन ज़ोते, कि एरू कम केरतां मीं परखा कि अवं तुश्शे लेई अम्बरेरी दैरी खोलतां तुसन पुड़ बड़े बरकतां केरि झ़ड़ी केरताईं कि नईं।

अवं तुश्शे लेई नाश केरनेबाले एन्च़रे सज़ाह देइलो, कि तै तुश्शी ज़मीनरी फसल नाश न केरेलो, ते तुश्शी दाछ़री बागां केरे फल कच़्च़े न झ़ड़ेले, सेना केरो यहोवा एन ज़ोते। तैखन सैरी कौमां तुसन जो धन ज़ोली, किजोकि तुश्शो मुल्ख खुशहाल भोल्हो, सेना केरो यहोवा एन ज़ोते।

सेना केरो यहोवा एन ज़ोते, “ज़ै दिहाड़ी मीं ठहरेवरीए, तैस दिहाड़े तैना लोक मेरे खास लोक भोल्हे, ते अवं तैन पुड़ एत्री महरबानी केरेलो, ज़ेरि कोई अपने सेवा केरनेबाले मट्ठे पुड़ केरते। तैखन तुसां धेर्मी ते दुष्टेरो फर्क मतलब ज़ै यहोवारी सेवा केरते, ते ज़ै तैसेरी सेवा न केरे, तैन दूईयां केरो फर्क पिशैनी सकेले।

सेना केरो यहोवा जुवाब देते, “हेरा, अवं अक अपनो दूत भेज़ताईं, तै मीं अग्री-अग्री बत तियार केरेलो, ते प्रभु ज़ैस तुसां तोपतथ, तै अचानक अपने भवने मां एज्जेलो; हाँ करारेरो तै दूत, ज़ैस तुसां सुखातथ, शुना, तै एज्जी राहोरोए, सेना केरो यहोवा एन ज़ोते।”