Populära bibelverser från Motíosi 28

Dela

Ɛ́dá nɔnɔ kanɛ́, no íyenye batɔ behúúní bámɛ naá bɛdɔŋɔ biimée bɛ́ɛbɛ naá cí, no bó yumeninye go ufíno yá Isée, na yá Moɔnɔ́, na yá Gimmúmpúu gá Giliíli. No bó húunenye goŋaá bá beŋe buimée bɔ́ɔbɔ mmbaá nyó lɔsɛ́nɔ́. Gɔnɔ́ íyíme nɔnɔ goŋaá, ndɛ́ nɛnyɔ́ miisí miimée gó ɛ́da húme aŋa cí ɛ ŋgaá maná.»

Yésusu go bó báyɛkɛna, go bó oyana a amɔ́: «Asaŋa a lɛ́ páalú nɛgaŋa niimée naá mmoɛná na naá cí.

Kanɛ́ ɛ́ŋgɛlɛsɛ go gɔ́lɔ dogálɔ, go oyana bakɔ́dɔ a amɔ́: «Bɛɛnyɔ́ɔ, no do bɛáa bofoá, ŋgíyimene caá no fúmbemú Yésusu mɔ́ɔnyɔ bá mbaá giléné naá kolósi. A dɛ báá háalá. Mammana, a á fúfúgé aŋa a mboó oyɛ́dá. Úlé nɔnɔ, no nco go ɛ́na hoóma háaha bá mbaá mo bídígínyée.

Gɔ́ɔ Yésusu a bó oyanamɔ́ a amɔ́: «No do bɛáa bofoá; ɛ́dá nɔnɔ no oyana bolimóní bámɛ goŋaá, ŋgáa bɛ́ ɛ́da naá Gelilée, hɔ́ɔ háa bá gaá ná ŋgɛ́ná.»

Bɔ́ɔbɔ moánɛ, go lumene na bafɛanɔ́ɔ bá gɛdɔŋɔ go nɛganda, gáábɔ́ go íŋene bebeŋíbéŋí gɛbɛ́lá gɛca gá muinyí. Bá amɔ́ gáábɔ́ aá: «Oyɛ́da nɔnɔ no amɔ́: “Behúúní bɛ́hɛ́ bá báá nco mo íbe na budúgú, gɛcamɛna gɛ́ɛgɛ dɛ báá lɔmɔ́ go dɔnɔ́ɔ.” Gó gunde, gɛsɛnɛ moánɛ gɛ́ amɔ́ gɛ́ oba naá edúu yá ŋgɔ́mɔnɔ, bɛɛcɔ́ɔ báa dɛ gaá ná ŋaáa goŋaá a dɛ́ɛna gɛsɛnɛ, no do luméné na gɛdɔmbɔ.» Gáábɔ́ go gɔ́lɔ muinyí, bá báá ŋaáa aŋa bá mbaá bó lɔsɛ́nɔ́. Kɔ́ɔ ŋgoyáamɔ́ yɛ́ɛyɛ ɛ mbaá saáa naá Beyúdene, gó nco go éme ínoni.