Populära bibelverser från Džiibén 24

Dela

I phendiá: “Rajo Devlale, Dévla miré xuláske Avraamóskiro! Bičháv adadyvés te dykhavpe mánge, i ker lačhipén miré xuláske Avraamóske

i čhajori, savjake me phenáva: “‘Bandiákir tyró khoró, me pjava nábut’, i saví phenéla: ‘Pi, me i vierbliudenge tyrenge davá te p'jén’, – ĥáda, isyn odoia, savjá Tu vykedyjan Tyréske pisharíske Isaakóske; i pir davá me udžinava, so Tu otlydžasape lačhipnása ke miro xulái.”

I Isaáko lydžijá la dre Sarrakiri šátra, péskire-dakiri, i lyjá Rievieka, i joj iaciá léske romniása, i jov pokamdia la; i Isaáko pirijaciá te tuginel pal péskire date.

I bahtiakirde Rievieka, i phendlé láke: “Amári phéne! Mek te bijandjon tútyr šelá šel, i mek te xulainél tyré – čhavéngiro ródo tyré vergéngire kherenca!”

i sovlahá mánge Rása-Devlésa (Jahvasa), bolybnáskire i phuvjákire Devlésa, so tu na lésa miré čhavéske romniá Xananiejoskire čhajéndyr, maškír savénde me dživáva, ne tu džása pe mirí phuv, kaj me bijandyjom, i lésa miré čhavéske Isaakóske romniá.”