Populära bibelverser från 1-Каринфвийриз 12

Dela

Руьгь гьар садаз уртах кардин хийир патал винел акъатзава.

Гьа икӀ куьн Месигьдин Беден я, квекай гьар сад са пай я.

Са паюниз азият жезватӀа, адахъ галаз амайбурузни азият жезва, са паюнин тариф ийизватӀа, адахъ галаз амайбурни шад жезва.

Садаз Руьгьди акьул квай ихтилатар авун гузва; муькуьдаз гьа Руьгьди чирвал агакьарун гузва; са низ ятӀани гьа Руьгьди кьетӀен иман гузва; са низ ятӀани гьа Руьгьди дири хъхьунин паяр гузва. Садаз аламатдин таъсир квай къуватар, муькуьдаз пайгъамбарвилер, пуд лагьайдаз Руьгьдилай вуч атанва-атанвач чара ийидай алакьун гузва; са масадаз течир жуьреба-жуьре чӀалар ганва, амма са низ ятӀани гьа чӀаларал лагьанвай гафарин мана ачухардай алакьун ганва.

Ибур вири гьа са Руьгьдин гьерекатар я, Ада Вичиз кӀандайвал гьар садаз Вичин пай гузва.

беден пайи-паяр тежедайвал, амма сада садан къайгъу сад хьиз чӀугвадайвал авунва.

Паяр гьар жуьрединбур ава, амма Руьгь гьа сад я. Везифаярни гьар жуьрединбур ава, амма Ребби гьа сад я. Гьерекатар гьар жуьрединбур ава, амма абур гьа са Аллагьди арадал гъизва.

Иманийрин кӀватӀалда Аллагьди сад лагьайбур илчияр яз, кьвед лагьайбур пайгъамбарар яз, пуд лагьайбурни муаллимар яз тайинарнава. Ада садбуруз аламатар къалурдай къуват ганва, муькуьбуруз дири хъийидай алакьун пай яз ганва, садбуруз муьгьтежбуруз куьмек гун пай яз ганва, муькуьбуруз идара авун пай яз ганва, бязибуруз течир жуьреба-жуьре чӀалар ганва.

ГьикӀ лагьайтӀа, беденни гьа са паюникай ваъ, гзафбурукай ибарат хьанва.

Аксина, чаз чеб амайбурулай зайиф яз аквазвай паяр гьакъикъатда виридалайни гзаф лазимбур жезва.

Вири беден са виликай ибарат тиртӀа, бес чаз гьикӀ ван къведай? Вири беден са япукай ибарат тиртӀа, ни гьикӀ къведай? Амма Аллагьди Адаз Вичиз кӀандайвал бедендин гьар са паюниз вичин ийидай кӀвалах гана. Тамамдиз анжах са паюникай ибарат жезвайтӀа, бедендин гьал гьикӀ жедай?