Populära bibelverser från Sant Vaze 27

Dela

Hag e‐tro an naoved heur, Jesus a griaz gant eur vouez krenv, en eur lavaret: Eli, Eli, lama sabachthani? da lavaret eo: Va Doue, va Doue, perag ec’h euz‐te va dilezet?

Er memeus amzer ar voal euz an templ en em rogaz en daou hanter, adaleg an neac’h beteg an traoun, an douar a grenaz, hag ar rec’hier a fraillaz, ar beziou a zigoraz, ha kalz a gorfou zent, pere a oa maro, a resussitaz

Neuze Jesus, o veza criet adare gant eur vouez krenv, a rentaz he spered.

Neuze ar c’hantener hag ar re a oa ganthan o tiwall Jesus, pa veljont an douar o krena ha kement a oa c’hoarvezet, a oe spountet braz, hag a lavaraz: E gwirionez, he‐man a oa Mab Doue.

Hogen, adaleg ar c’houec’hved beteg an naoved heur, e oa goloet an douar holl a devalijen.

Pilat a lavaraz dezhe: Petra a rin‐me eta euz a Jesus a c’halver Christ? Holl e leverjont dezhan: Ra vezo crucifiet. Hag ar gouarner a lavaraz: Mes pe seurt drouk hen deuz‐han great? Neuze e crijont c’hoas krenvoc’h, en eur lavaret: Ra vezo crucifiet.