Populära bibelverser från Xhun 13

Dela

Poro toq inbʼekʼ ka val u yol sete uvaʼ yaʼnxh toq vaqʼ etootzaqi. Aʼe uvaʼa: Atoqxh etaanima sevatzaq laʼ ibʼana. Tan kamxh u vaanima setiʼ, tul echatxh vetaanimae laʼ ebʼan sevatzaq. Echetz laʼ motx tootzaqile taʼn inqʼa xaol uvaʼ, ex niman vetz, oq laʼ motx esaʼ etibʼ sevatzaqil, —xeʼt Jesuus.

Pet in kuxhte nik viqʼo kuʼl vibʼ sexoʼl, tul nik intxʼaj etoq. Tan in Txhusul etetz, atz in veBʼaal. Poro aʼetz nik elkaʼpun uvaʼ nik inkʼutxh sexoʼl uvaʼ laʼ etiqʼo kuʼl etibʼ sevatzaqil. Tan vaʼl kʼutxhbʼal tetze qat inbʼan sevatz s-txheel. Echetz kam uvaʼ qat inkʼutxh sevatz, tul echatetz uvaʼe laʼ motx ebʼane sevatzaq.

Tul ech tal Jesuus s-eche: —Kam uvaʼ nik inbʼan s-txheel, tan yeʼ nibʼen see. Pet xamtel laʼ bʼen see, —xeʼt Jesuus.

Pet tira toq val sete uvaʼ jit aʼ vaʼq aqʼonvil palnaʼql viʼ viqʼesal taqʼon. Atz jitat aʼ vaʼq u bʼanol txhaq palnaʼql viʼ uvaʼ qat txhaqon tzaan.

Tiʼetz uvaʼ nik ibʼen inqʼa yol sete uvaʼ nik valeʼ, tul laʼ enima, atz laʼ ebʼana, atetz vibʼaʼnil quBʼaal Tiuxh sekʼatza.

Tul txakeʼv Jesuus, tul teesa el Jesuus u qinkin toksaʼm s-tiʼ. Tul tiqʼo tzaan Jesuus val u bʼuʼq. Tul toksa Jesuus xeʼ tuul. Yaʼne taqʼ kuʼ Jesuus aʼ tuul val u palankaan. Tul xeʼt Jesuus tiʼ itxʼaax toq junun inqʼa nikich itxhus tibʼ s-kʼatza, eche nik ibʼan invaʼq kʼuulanal. Tul yek nikich itzaqsa Jesuus tuchʼ u bʼuʼq uvaʼ toksa xeʼ tuul.