Populära bibelverser från Vibʼanoʼm inqʼa Apoostol 25

Dela

Kamal vajxaqt kuxh qʼij, atz maq lavat kuxh qʼij ibʼan Feesto tu tenam Jerusaleen, tul bʼen vet Feesto tu tenam Sesareea. Eutalichetz vet taqʼbʼ Feesto tu tenam Sesareea, tul ex vet Feesto tu tabʼibʼal. Tul ibʼekʼ vet Feesto taqʼbʼ Paʼp s-vatz. Okaʼpetz vet Paʼp vatz Feesto, tul nalxh imolaq vet ok tibʼ inqʼa iqʼesal inqʼa tij imam Israeel tiʼ Paʼp, inqʼa een tzajnaʼqich tu tenam Jerusaleen. Tul tzaʼlichxh inqʼa ipaʼv Paʼp, tul sibʼalich kuxh ipaʼv Paʼp nikich motx taloʼk inqʼa iqʼesal te Feesto. Poro yeʼl ixeʼ inqʼa ipaʼv Paʼp nikich itxhejaʼ.

Yaʼne xeʼt Paʼp tiʼ taqʼax ichʼexel u yol tiʼ ikolt tibʼ. Tul ech tal Paʼp s-eche: —Yeʼl in nik inpaʼvin tiʼ teesal iqʼij inqʼa bʼekʼbʼal uvaʼ itzʼibʼa ka Moisees s-qe, oʼ inqʼa tij imam Israeel. Atz yeʼl u tostiuxh nik veesa iqʼij. Atz jitoq nik inpaʼvin vatz u mam iqʼesal tu Rooma, —xeʼt Paʼp.