Populära bibelverser från Vibʼanoʼm inqʼa Apoostol 2

Dela

Yaʼne ech tal vet Luʼ s-eche: —Itzʼavaq etibʼ t-inqʼa epaʼv. Tul jaqvaq ekuya tiʼ inqʼa motx ebʼana. Tul laʼ eqej u tiqleʼm JesuKriisto tiʼ ikuyux inqʼa epaʼv. Tul laʼ aqʼax kuʼ ex xeʼ aʼ junun ex tuchʼ ibʼij JesuKriisto. Echetz laʼ ikuyuxe inqʼa epaʼv taʼn u tiqleʼm JesuKriisto. Tul laʼ ekʼul vibʼaʼnil viTiuxhil tetaanxelal.

Tul mij nikich motx iyaʼ vet tiʼ itxhustaq tibʼ tiʼ inqʼa txhusbʼal uvaʼ nikich tal inqʼa apoostol. Tul bʼiitxhaqul kuxh tuul nikich motx imoltaq tibʼ s-vatzaq. Tul nikich motx itxʼaʼonaq s-vatzaq, atz nikich motx ipixheʼl u paan s-xoʼl s-vatzaq tiʼ tulsataq vikamebʼal Jesuus s-kʼuul. Atz bʼiitxhaqul tuul nikich motx inatxht Tiuxh inpaqte.

Tul tira ok vet viTiuxhil Tiuxh s-bʼaʼn t-taanxelal jankʼal inqʼa niman tetz Jesuus. Tul xeʼtaq vet yolon t-joltaq yolbʼal uvaʼs tok viTiuxhil Tiuxh t-taanxelal. Tul aʼ nikich tal vet kam uvaʼ nikich ijaʼ vet ul t-taanima taʼn viTiuxhil Tiuxh.

Tul yeʼ kuxh taqla tabʼi ivulun itzaj val uvaʼ tu amlikaʼ, eche ijuman ipal mam kaqiqʼ uvaʼ oqxh iyakʼile. Tul tira noj vet u otzotz taʼn tal uvaʼ kʼuqlich inqʼa niman tetz Jesuus. Tul motx txhej vet, eche taqʼ xamal tiibʼa junun niman tetz Jesuus. Tul tira ok vet viTiuxhil Tiuxh s-bʼaʼn t-taanxelal jankʼal inqʼa niman tetz Jesuus. Tul xeʼtaq vet yolon t-joltaq yolbʼal uvaʼs tok viTiuxhil Tiuxh t-taanxelal. Tul aʼ nikich tal vet kam uvaʼ nikich ijaʼ vet ul t-taanima taʼn viTiuxhil Tiuxh.

Tul ant kuxh vaʼlaqich iyol tiʼ imolt tibʼ jun qʼij tu nimla tuulbʼal u tostiuxh. Tul nikich motx itxʼaʼonaq s-vatzaq t-inqʼa otzotz. Tul nikich motx ipitxheʼl u paan s-xoʼl s-vatzaq tiʼ tulsataq vikamebʼal Jesuus s-kʼuul. Tul chiibʼebʼalichxh tatinaqe, atz ayaʼlaqichxh bʼaʼn s-te s-vatzaq. Tul vaʼlaqxh nikich toksat iqʼij quBʼaal Tiuxh. Tul mam yol tatinich vet inqʼa niman tetz Jesuus vatz jankʼal inqʼa xaol, inqʼa yeʼnaqich motx okoq s-niman tetz Jesuus. Tul aʼlxh nikich tok vet inqʼa xaol s-niman tetz Jesuus jun qʼij taʼn quBʼaal Tiuxh, jaʼl inqʼa nikich isaʼ ikolt tibʼ vatz u kʼaxkʼo tiʼ inqʼa ipaʼv.

«–Tuulbʼal vimotxtebʼal inqʼa qʼij, tan ayaʼlxh inkʼuul laʼ vaqʼ vinTiuxhil t-taanxelal jankʼal inqʼa xaol. Laʼetz motx tal elaʼp inqʼa ekʼaol vinyol. Atz laʼ motx tal elaʼp inqʼa emeʼal vinyol. Tul laʼ til inqʼa chelem vinaq kam uvaʼ, in laʼ kʼutxhun s-te. Atz laʼat til inqʼa qʼes vatzikʼ uvaʼ, in laʼ kʼutxhun s-te.{*}

Tul vaʼlichxh iyol inqʼa xaol s-vatzaq tiʼ inimal Jesuus. Atz vaʼl kuxh vet nikich motx ibʼanbʼet inqʼa kamaq tetz s-vatzaq. Tul at inqʼa nikich kʼayin itxʼavaʼ. Atz at inqʼa nikich kʼayin kamaq tetz. Tul antxh nikich jatxaxik u puaq xoʼl inqʼa niman tetz Jesuus. Poro aʼ nikich bʼenk taqʼax u puaq tiʼ kam uvaʼ nikich isaʼon te junun.

Pet jatvaʼletzxh inqʼa xaol uvaʼ laʼ qʼiilan in, tul aʼetz uvaʼe, laʼ inkoleʼl vatz u kʼaxkʼo, –chich quBʼaal Tiuxh,» chich u yol uvaʼ tzʼibʼamal ka.

Pet u etxhlal uvaʼ laʼ ibʼan vatz u amlikaʼ, tan aʼe, uvaʼ laʼ bʼen u qʼij s-tokto; atz laʼ bʼen u ichʼ s-kaq. Aʼetz uvaʼe, laʼ utxhi, tul laʼ opoon vet viqʼiil vaqʼt kuʼ inqʼa yol tinuqul. Poro mam yol laʼ tilixeʼ, atz mam yol laʼ ikʼutxhuxeʼ.