Populära bibelverser från Vibʼanoʼm inqʼa Apoostol 16

Dela

Yaʼne ech tal Paʼp tuchʼ Siilas s-eche: —Taʼn kuxh toq qal see uvaʼ: Kʼuqbʼa akʼuul tiʼ kam uvaʼ qat ibʼan u quBʼaal Jesuus. Echetz toq achitpe t-inqʼa apaʼv tuchʼ jankʼal avatin tavotzotz, —xeʼt Paʼp te u xeen tzeʼ.

Poro aʼetzxh itxhaqʼaan aqʼbʼal, tul nikich inatxhkʼuula Paʼp quBʼaal Tiuxh tuchʼ Siilas. Atz nikichaq ibʼitz tiʼ toksal iqʼij quBʼaal Tiuxh. Tul nikich kuxh tabʼi jolt inqʼa pereexho inqʼa bʼitz uvaʼ nikich tal Paʼp tuchʼ Siilas. Yaʼne yeʼ kuxh taqla ul val u mam kabʼnaano. Tul xeʼt vet ixeʼ u tzeʼ tilkabʼoq el taʼn u kabʼnaano. Atz yekichxh motx jaqp vet inqʼa ijubʼalil u tzeʼ. Tul chitp vet el inqʼa kadeena, inqʼa qitzbʼal tetz jankʼal inqʼa pereexho.

Yaʼne iqʼol vet eluʼl Paʼp tuchʼ Siilas taʼn u xeen tzeʼ. Tul ech tal vet te Paʼp, atz te Siilas s-eche: —Txa vinaq, ¿kam toq inbʼaneʼ, tul laʼ chitp in t-inqʼa paʼv? —xeʼte.

Uletz vet ivatz u xeen tzeʼ, tul tila uvaʼ jaqlich vet inqʼa jubʼal. Tul tiqʼo vet jaʼul viespaada. Tul junt kuxh kol iyatzʼ vet el tibʼ tala. Tan aʼ titzʼa uvaʼ maʼtich itzʼeqt vet tibʼ inqʼa pereexho. Yaʼne jankʼalxh iyakʼil Paʼp sichʼini. Tul ech tal Paʼp s-eche: —¡Yeʼ kuxh ayatzʼeʼl eebʼ! ¡Il oʼ, at oʼ s-qukaqaayil! —xeʼt Paʼp.