Populära bibelverser från Vibʼanoʼm inqʼa Apoostol 14

Dela

Tul ech motx tal s-eche: —¡Ex tenam sekaqaayil! Yeʼ laʼ utxh enatxhkʼuulat oʼ. Tan oʼat kuxh invaʼl aanima, eche ex. Tul aʼ kuxh vinuqul nik qal sete, tiʼ uvaʼ yeʼ laʼ enima vet kam uvaʼ nik enima uvaʼ yeʼxhkam vaʼq nik taqʼeʼ. Pet aʼ ebʼana uvaʼ laʼ ejalpu vetxumbʼal, tul aʼ vet quBʼaal Tiuxh laʼ enima uvaʼ itzʼlele. Aʼe u quBʼaal Tiuxh u viinqixsan tetz u txʼavaʼ tuchʼ jankʼal inqʼa at s-vatz, atz tuchʼ u amlikaʼ tuchʼ jankʼal inqʼa at s-vatz, atz tuchʼ u maar tuchʼ jankʼal inqʼa at s-tuul.

Tabʼietz u vinaq inqʼa yol uvaʼ tal Paʼp tiʼ Jesuus, tul isaqi Paʼp u vinaq s-bʼaʼn. Tul til Paʼp uvaʼ kʼuqlichxh ikʼuul u vinaq tiʼ quBʼaal Jesuus tiʼ ibʼant bʼaʼn. Yaʼne taqʼ jaʼ Paʼp tiʼ iqul. Tul ech tal Paʼp te u vinaq s-eche: —¡Txakpen! Tul ¡jikxh atxakeʼv tuchʼ inqʼa avoq! —xeʼt Paʼp. Tul yuqel ijaʼ u vinaq. Tul xaon veteʼ.

Tul nikich pal toksa ka Paʼp iqʼonaq iviʼ xoʼl inqʼa niman tetz Jesuus t-junun inqʼa tenam. Tul nikich imaq Paʼp itxʼaʼon tuchʼ Vernavee tiʼ inatxhax Tiuxh. Tul nikich toksa ka inqʼa iqʼonaq iviʼ tiqʼabʼ quBʼaal Jesuus, inqʼa yaʼnaqich kuxh tok siqʼonaq iviʼ.