Populära bibelverser från Kod 1

Ala ko: «An ka mɔgɔ dan an yɛrɛ jaa la, a ka kɛ i n'a fɔ an yɛrɛ. A ka kɛ jigɛw, ni kɔnɔw, ni begɛnw, ni dugukolo kan fɛɛn bɛɛ kunna, ani fɛɛn minw bɛɛ be fofo dugukolo kan.» Ala ye mɔgɔ dan a yɛrɛ jaa la, a y'a dan k'a kɛ i n'a fɔ ale yɛrɛ. A ye cɛɛ ni muso dan.

Ala ye barika don u la k'a fɔ u ye ko: «Aw ka deenw wolo ka caya ka dugukolo fa k'a kolo. Aw ka kɛ jigɛw, ni kɔnɔw, ni fɛɛn ɲanamanw bɛɛ kunna, minw be yaala dugukolo kan.»

Ala y'a ka danni daminɛ tuma min na, a kɔnna ka sankolo ni dugukolo le dan.

Dugukolo labɛnnin tun tɛ, a lakolon tun lo. Yɔrɔ bɛɛ tun ye jii ye, min ka dun, ni dibi b'a sanfɛ. Ala Nii tun be munumunu jii sanfɛ.

Ala ko: «Yeelen ka bɔ.» Yeelen bɔra.

Ala ye fɛɛn minw bɛɛ dan, a y'a ye k'o ɲɛna kosɔbɛ. Suu kora, dugu gwɛra. O kɛra loon wɔɔrɔnan ye.

Ala y'a ye ko yeelen ka ɲi. A ye yeelen ni dibi faran ka bɔ ɲɔgɔn na.

Ala ko: «Ne be dugukolo kan biin bɛɛ di aw ma, ni yiri dentaw bɛɛ, kisɛ be minw deen kɔnɔ, aw k'o kɛ aw ka dumuni ye

Ala ye yeelen tɔgɔ la ko tile, ka dibi wele ko suu. Suu kora, dugu gwɛra. O kɛra loon fɔlɔ ye.

Ala ko: «Jii ka faran ka bɔ ɲɔgɔn na, furancɛ ka kɛ u la.»

Dugukolo kan seen naani fɛɛnw bɛɛ ni kɔnɔw bɛɛ ani fɛɛn minw bɛɛ be fofo dugukolo kan, ninakili be fɛɛn o fɛɛn na, ne be biin di olu ma u ka kɛ u ka dumuni ye.» A kɛra ten.

Ala ko: «Yeelenbɔfɛnw ka kɛ sankolo la ka tile ni suu bɔ ɲɔgɔn na. U ka kɛ taamasiɲɛw ye ka ɲanagwɛw ni tilew ani saanw cogo yira.

Ala ko: «Dugukolo ka biin bɔ ka kisɛ kɛ ani yiri minw be den, o sifa bɛɛ ka falen.» A kɛra ten.

A kɛra ten, Ala y'a kɛ furancɛ bɔra sanfɛ jii ni duguma jii cɛ.

Biin sifa bɛɛ falenna, kisɛ be minw na, ani yiri minw be den, o sifa bɛɛ, ka kɛɲɛ n'u cogo ye. Ala y'a ye k'o ka ɲi.

Ala ye yeelenbɔfɛn belebele fila dan, u la belebeleba be yeelen bɔ tilefɛ, fitini be yeelen bɔ sufɛ. A ye lolow fana dan.

Ala ko: «Duguma jiiw ka lajɛn yɔrɔ kelen na, yɔrɔ janin ka bɔ.» A kɛra ten. A ye yɔrɔ janin tɔgɔ la ko dugukolo, ka jii lajɛnnin tɔgɔ la ko kɔgɔji. Ala y'a ye k'o ka ɲi.

Ala ye barika don u la k'a fɔ u ye ko u ka deenw wolo ka caya ka kɔgɔji fa, kɔnɔw fana ka caya dugukolo kan.

Ala ko: «Dugukolo ka fɛɛn ɲanaman sifaw bɛɛ bɔ: begɛnw, fɛɛn minw be fofo, ani kongosogo sifaw bɛɛ.» A kɛra ten.

Ala ko: «Nimanfɛn ka kɛ jii kɔnɔ caaman yɔrɔ bɛɛ, ani kɔnɔw ka to ka van sanfɛ.»

Ala ye kongosogo sifaw bɛɛ dan, ni begɛn sifaw bɛɛ, ani fɛɛn minw be fofo dugukolo kan, olu sifaw bɛɛ. Ala y'a ye k'o ka ɲi.