Populära bibelverser från Mark 8

Dela

Okoe acʼ lạgitʼ jiwetʼ tahene menjoṅkan uni do jiwiye khuạutaea; menkhan okoe iń ar Isorakʼ bhage sombat iạte acʼakʼ jiwiye khuạutae, uni do onae rukhiyạitaea.

Jãhãege goṭa dhạrtiye labte acʼakʼ jiwiye khuạutae enḍekhan cetʼ porho hoyokʼtaea?

Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe monejoṅ uni do acʼakʼ sana leka aloe calakʼma; bickom acʼakʼ krus gokʼkateye pańjayiń ma.

Ente jiwi ńam ruạṛ lạgitʼ uniakʼ do emokʼteakʼ ar cetʼ menakʼtaea? Niạ piṛhiren bepạtiạu ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Unre Jisui kuliketʼkoa, “Menkhan ape do okoe kạnạń mentepe meneda?” Patrase roṛ ruạradea, “Am do uni Mạsi kanam.”