Populära bibelverser från MARKUS 4

Dela

Pelapah Yésus betéé' ke' Néh meta' kepu gahang nah, ka' ha' Néh, mokoo ke', ha' Néh. Ha' Néh ngan lipak nah, Pawah ke', ha' Néh. Tioo pawah lah kepu ngan lipak nah. La'ah ha' Yésus ngan irah bakéh Néh, kineu' keh medai kenat, to deke' keh bé' ngelan, ha' Néh ngan réh.

Matek medai mu'un réh, boh réh pepané belah irah, ka' ha' réh, Kineu' péh kelunan iteu' tu' ke' kepu ngan lipak omok kivu sohoo' néh ha' réh.

La'ah Yésus pu'un saa' murin alut pegen éh ngan ulun néh bau unan. Pelapah irah bakéh néh peto'ot éh, ka' ha' réh, Guru' bé' ke' paréé' tam juk matai kaham teu' tu', ha' réh.

Yésus bara' kepéh ngan réh, Seruh keh jian-jian tong kekat éh nenéng keh. Pekua' jalan keh petuneng irah éh jah, barei' inah ke' jalan Allah petuneng keh kepéh, ngan ukum keh neu' Néh pelapah bahat.

Ha' Yésus kepéh, Tong jaka' Allah Pengeja'au, pu'un éh barei'-okoo' ha' tapan tong kelunan éh mulah parai tong térék néh. Tovoo' dau merem iah pegen, dau rema iah lakau kereja', kelebéé' néh kenat, parai nah nyekaa', ngan murip mu'un. Kelunan éh mulah éh nah bé' éh jam kineu' éh ke' néh omok murip kenat.

Hun keh pu'un kelingen omok menéng, jian keh menéng éh mu'un, ha' Néh.