ᒨᓯᓯ ᓯᑕᒪᖏᑦ 27
27
ᓯᓘᕕᕼᐋᑉ ᐸᓂᖏᑦ
1ᔨᓘᕕᕼᐋᑉ ᐸᓂᖏᑦ ᕾᓚᐅᕐᐳᑦ, ᕼᐃᕙᕐ ᐃᕐᓂᖓᑕ, ᕼᐃᕙᕐ ᒋᓕᐊᑎᐅᑉ ᐃᕐᓂᕆᕚ, ᒋᓕᐊᑎ ᒪᑬᕆᐅᑉ ᐃᕐᓂᕆᕚ, ᒪᑬᕆ ᒫᓇᓯᐅᑉ ᐃᕐᓂᕆᕚ, ᒫᓇᓯ ᔫᓯᐱᐅᑉ ᐃᕐᓂᖓ; ᓯᓘᕕᕼᐋᑉ ᐸᓂᖏ ᐅᑯᐊ: ᒪᕼᐊᓚ, ᓄᐊ, ᕼᐅᒡᓚ, ᒥᐅᓪᑲ, ᐊᒻᒪᓗ ᑏᕐᔭ. 2ᒨᓯᓯᐅᑉ ᓵᖓᓂ ᓇᖏᓚᐅᕐᐳᑦ, ᑐᓂᕐᕈᓯᕐᑎᑦᓯᔨᐅᓪᓗ ᐃᓕᓯᕆᐅᑉ ᓵᖓᓂ, ᐃᓴᕆᐊᓕᒥᐅᓪᓗ ᑲᑎᒪᔪᕐᔪᐊᑦ ᓵᖓᓂ, ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ, ᐅᖃᕐᓗᑎᒃ: 3“ᐊᑖᑕᕗᑦ ᑐᖁᓚᐅᕐᒪᑦ ᐃᓄᖃᖏᑦᑐᒥ; ᐊᑕᓂᕐᒥᒡᓕ ᐊᑭᕋᕐᑐᑐᓂ ᐃᓚᒋᔭᐅᓚᐅᓐᖏᓚᖅ, ᑰᕋᒃᑯᓐᓂ ᐃᓚᐅᓚᐅᓐᖏᓚᖅ, ᓇᖕᒥᓂᕐᓕ ᐊᔪᕐᑐᓕᓂᕐᒥᓄᑦ ᑐᖁᓚᐅᕐᐳᖅ; ᐃᕐᓂᖃᓚᐅᕋᓂᓗ. 4ᓱᖕᒪᓪᓕ ᐊᑖᑕᑦᑕ ᐊᑎᖓ ᐲᕐᑕᐅᔭᕆᐊᖃᓕᕐᐸ ᐃᓚᒥᓂᑦ ᐃᕐᓂᖃᓚᐅᖏᓐᓂᖓ ᐱᑦᔪᑎᒋᓪᓗᒍ? ᑐᓂᓯᕕᒋᓚᐅᕐᑎᒍᑦ ᓄᓇᖁᑎᒋᓂᐊᕐᑕᑦᑎᓐᓂᒃ ᐊᑖᑕᑦᑕ ᖃᑕᓐᖑᑎᖏᑕ ᐊᑯᕐᖓᓐᓂ.”
5ᒨᓯᓯᐅᑉ ᑕᒪᓐᓇ ᐅᖃᐅᓯᕆᔭᕐᑐᕐᐹ ᐊᑕᓂᕐᒧᑦ. 6ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ: 7#ᒨᓯᓯ ᓯᑕᒪᖏᑦ 36:2.“ᔨᓘᕕᕼᐋᑉ ᐸᓂᖏᑦ ᓱᓕᓪᓗᑎᒃ ᐅᖃᕐᐳᑦ; ᓱᓕᔪᒥᒃ ᑐᓂᓯᕕᒋᔭᕆᐊᖃᕐᐸᑎᑦ ᓄᓇᖁᑎᒋᓂᐊᕐᑕᖓᓐᓂᒃ ᐊᑖᑕᖓᑦᑕ ᖃᑕᓐᖑᑎᖏᑕ ᐊᑯᕐᖓᓐᓂ, ᐊᑖᑕᖓᑦᑕ ᓄᓇᒥᒃ ᑐᓂᓯᕕᒋᓚᐅᕐᑕᖏᑎᑐᑦ. 8ᐃᓴᕆᐊᓕᒥᐅᑦ ᐅᖃᐅᑎᔭᕆᐊᖃᕐᐸᑎᑦ ᐅᖃᕐᓗᑎᑦ, ‘ᐊᖑᑦ ᑐᖁᒃᐸᑦ ᐃᕐᓂᖃᖏᓪᓗᓂ, ᐱᒋᔭᖏᑦ ᐱᔭᐅᔭᕆᐊᖃᕐᐳᑦ ᐸᓂᖓᓄᑦ. 9ᐸᓂᖃᖏᑉᐸᓪᓕ, ᖃᑕᓐᖑᑎᖏᓐᓄᑦ ᓄᓇᖁᑎᖓ ᑐᓂᔭᕆᐊᖃᕐᐹᑦ. 10ᖃᑕᓐᖑᑎᖃᖏᑉᐸᓪᓗ, ᓄᓇᖁᑎᖓ ᐊᑖᑕᖓᑕ ᖃᑕᓐᖑᑎᖏᓐᓄᑦ ᑐᓂᔭᕆᐊᖃᕐᐹᑦ. 11ᐊᑖᑕᖓᓗ ᖃᑕᓐᖑᑎᖃᖏᑉᐸᑦ, ᑕᕝᕙ ᓄᓇᖁᑎᖓ ᐃᓚᖓᓄᑦ ᖃᓂᒋᓂᕐᐸᖓᓄᑦ ᑐᓂᔭᕆᐊᖃᕐᐹᑦ, ᑖᑦᓱᒪ ᐱᑖᕆᓂᐊᕐᐹ. ᑕᒪᓐᓇᓗ ᐃᓴᕆᐊᓕᒥᐅᓄᑦ ᐱᖁᔭᕆᔭᐅᓂᐊᕐᐳᖅ ᐃᖅᑲᕐᑐᐃᕕᖕᒥ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.’”
ᔮᓱᐊᑉ ᓂᕈᐊᕐᑕᐅᓂᖓ ᒨᓯᓯᒥᒃ ᐃᓇᖐᖁᓪᓗᒍ
ᒨᓯᓯ ᑕᓪᓕᒪᖏᑦ 31:1-8
12 #
ᒨᓯᓯ ᑕᓪᓕᒪᖏᑦ 3:23-27; 32:48-52. ᐊᑕᓂᐅᑉ ᒨᓯᓯ ᐅᖃᐅᑎᕚ: “ᐅᕗᖓ ᖃᖅᑲᒧᑦ ᐊᐸᕅᒻᒧᑦ ᒪᔪᕋᕆᑦ, ᓄᓇ ᐃᓴᕆᐊᓕᒥᐅᓄᑦ ᑐᓂᔭᕋ ᑕᑯᓂᐊᕋᕕᐅᒃ. 13ᑕᑯᔭᕇᕈᕕᐅᒃ ᑐᖁᓂᐊᕋᕕᑦ, ᓲᕐᓗᑦᑕᐅᖅ, ᖃᑕᓐᖑᑏᑦ ᐂᕉᓂ ᑐᖁᓚᐅᕐᒪᑦ. 14ᐃᓄᖃᖏᑦᑐᒥ ᔨᓐᒥᒃ ᐊᑎᓕᖕᒥ, ᐃᓄᒋᐊᒃᑐᕐᔪᐊᑦ ᐊᑭᕋᕐᑐᕐᑎᓪᓗᒋᑦ, ᐱᖁᔭᓐᓂᒃ ᓈᓚᓚᐅᖏᓐᓇᕕᑦ ᐃᒪᓕᕆᓪᓗᓯ, ᐃᑦᔪᕐᓁᑎᑕᐅᔪᒪᑎᓪᓗᖓ ᐃᓄᐃᑦ ᑕᑯᓐᓇᕐᑎᓪᓗᒋᑦ.” (ᑖᒃᑯᐊ ᐃᒪᐅᕗᑦ ᒥᕆᐸᒥ, ᑲᑎᓯᒥ ᐃᓄᖃᖏᑦᑐᒥ ᐊᑎᖃᕐᑐᒥ ᔨᓐᒥᒃ.)
15ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ: 16“ᐊᑕᓂᖅ, ᒎᑎ ᐃᓅᔪᓕᒫᑦ ᐊᓂᕐᓂᖃᕐᕕᖏᔭᖓᑦ, ᐃᓄᖕᒥᒃ ᐃᓂᒋᓂᐊᕐᑕᖓᓄᑦ ᐃᓕᓯᓚᐅᕐᓕ ᐃᓄᒋᐊᒃᑐᕐᔪᐊᓄᑦ ᖁᓪᓕᕐᐸᐅᓂᐊᕐᑐᒥᒃ, 17#ᐊᑕᓃᑦ ᓯᕗᓪᓖᑦ 22:17; ᐃᓯᑭᐊᓕ 34:5; ᒫᑎᐅᓯ 9:36; ᒫᑯᓯ 6:34.ᓯᕗᓪᓕᕐᐸᐅᓗᓂ ᐊᓂᖃᑦᑕᕐᓂᐊᕐᑐᒥᒃ ᓯᕗᓪᓕᕐᐸᐅᓗᓂᓗ ᐃᑎᖃᑦᑕᕐᓂᐊᕐᑐᒥᒃ, ᐊᐅᓪᓚᓕᕌᖓᑕ ᑎᑭᓕᕌᖓᑕᓗ ᑕᓯᐅᕐᑎᐅᓂᐊᕐᑐᒥᒃ, ᐊᑕᓂᐅᑉ ᐃᓄᒋᐊᒃᑐᕐᔪᐊᖁᑎᖏᑦ ᓰᐱᑎᑐᑦ ᑲᒪᔨᖃᖏᑦᑐᑎᑐᑦ ᑍᒤᖁᓇᒋᑦ.”
18 #
ᒨᓯᓯ ᐂᑉᐸᖏᑦ 24:13. ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ: “ᔮᓱᐊ ᓈᓂᐅᑉ ᐃᕐᓂᖓ ᐱᖃᑎᒋᓗᒍ, ᑖᑦᓱᒪᓂ ᐊᓂᕐᓂᕋ ᐃᓂᖃᕐᒪᑦ, ᐸᑎᒻᒥᓂᐊᕐᐸᑦ; 19ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓄᑦ ᐱᑎᒍᒃ, ᐃᓄᒋᐊᒃᑐᕐᔪᐊᓪᓗ ᑕᒪᕐᒥᒃ ᓵᖓᓂ, ᐃᓂᒋᓂᐊᕐᑕᖓᓄᑦ ᐃᓕᒍᒃ ᑕᑯᓐᓇᕐᑎᓪᓗᒋᑦ. 20ᐱᔪᓐᓇᕐᑎᑕᐅᓂᕕᑦ ᐃᓚᖓᓂᒃ ᑐᓂᓯᕕᒋᓂᐊᕐᐸᑦ, ᐃᓴᕆᐊᓕᒥᐅᑦ ᑲᑎᒪᔪᓕᒫᑦ ᓈᓚᒍᓐᓇᖁᓪᓗᒋᑦ ᑖᑦᓱᒥᖓ. 21#ᒨᓯᓯ ᐂᑉᐸᖏᑦ 28:30; ᓴᒧᐃᓕ ᓯᕗᓪᓖᑦ 14:41; 28:6.ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓂ ᓇᖏᕐᓗᓂ, ᐃᓕᓯᕆ ᐊᑕᓂᕐᒥᒃ ᐊᐱᕐᓱᕐᓂᐊᕐᒪᑦ ᐃᓱᒻᒥᕐᑐᐃᓂᕐᒧᑦ ᐊᑐᕐᑕᐅᕙᒃᑐᖅ ᔫᕆᒻ ᐊᑐᕐᓗᒍ; ᐅᖃᕌᖓᑦ ᐊᐅᓪᓚᖃᑦᑕᕐᓂᐊᕐᒪᑕ, ᐅᖃᕌᖓᓪᓗ ᑎᑭᖃᑦᑕᕐᓂᐊᕐᒪᑕ, ᐃᓴᕆᐊᓕᒥᐅᓕᒫᓂᒃ ᐃᓚᖃᕐᓗᓂ ᐃᓄᒋᐊᒃᑐᕐᔪᐊᓂᒃ.” 22ᒨᓯᓯ ᑍᒤᓕᐅᓚᐅᕐᐳᖅ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ. ᔮᓱᐊ ᐱᒐᒥᐅᒃ ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓄᑦ ᐱᑎᑉᐹ ᐃᓄᒋᐊᒃᑐᕐᔪᐊᓪᓗ ᓵᖓᓄᑦ. 23#ᒨᓯᓯ ᑕᓪᓕᒪᖏᑦ 31:23.ᑕᕝᕙᓂ ᐸᑎᒻᒥᓪᓗᒍ ᐃᓂᒋᓂᐊᕐᑕᖓᓂᒃ ᐃᓂᑖᕐᑎᑉᐹ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.
Zvasarudzwa nguva ino
ᒨᓯᓯ ᓯᑕᒪᖏᑦ 27: EAIB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Eastern Arctic Inuktitut Bible © Canadian Bible Society, 2012, 2021-2023.