ᒨᓯᓯ ᓯᑕᒪᖏᑦ 26
26
ᓈᓮᓂᐅᑉ ᐂᑉᐸᖓ
1 #
ᒨᓯᓯ ᓯᑕᒪᖏᑦ 1:1-46. ᐃᒤᓚᐅᕐᐳᖅ, ᓂᓐᖓᐅᒻᒪᓯᐅᑉ ᑐᖁᓮᔫᑉ ᑭᖑᓂᖓᓂ, ᐊᑕᓂᖅ ᒨᓯᓯᒧᑦ ᐃᓕᓯᕆᒧᓪᓗ, ᑐᓂᕐᕈᓯᕐᑎᑦᓯᔨᐅᑉ ᐂᕉᓂᐅᑉ ᐃᕐᓂᖓᓄᑦ, ᐅᖃᕐᐳᖅ: 2“ᐃᓄᒋᐊᒃᑐᕐᔪᐊᑦ ᐃᓴᕆᐊᓕᒥᐅᓕᒫᑦ ᓈᓴᓕᕐᓯᒋᒃ ᐃᓴᕆᐊᓕᒥᐅᑦ ᐅᓇᑕᕆᐊᕈᓐᓇᕐᑐᑦ.” 3ᑍᒫᒃ ᒨᓯᓯᐅᑉ ᑐᓂᕐᕈᓯᕐᑎᑦᓯᔨᐅᓪᓗ ᐃᓕᓯᕆᐅᑉ ᐅᖃᖃᑎᒋᓚᐅᕐᐹᒃ ᓇᑎᕐᓇᒥ ᒧᐊᐱᒥ ᔪᐊᕐᑕᓂᐅᑉ ᖃᓂᒋᔭᖓᓂ, ᔨᕆᑰᑉ ᐊᑭᐊᓂ, ᐅᖃᕐᓗᓂ: 4“ᐃᓄᓕᒫᑦ ᓈᓴᕐᓯᒋᒃ ᐊᕐᕌᒍᓕᖕᓂᑦ 20ᓂᑦ ᐱᒋᐊᕐᓗᒍ ᐅᖓᑖᓄᑦ ᐊᕐᕌᒍᖃᕐᑐᓄᑦ, ᑍᒫᒃᑕᐅᖅ ᒨᓯᓯ ᐃᓴᕆᐊᓕᒥᐅᓪᓗ ᐊᑕᓂᐅᑉ ᐱᖁᓚᐅᕐᒪᒋᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ.”
5ᕉᐱᓂ ᐃᓴᕆᐊᓕᐅᑉ ᐊᖓᔪᒃᓯᕐᐹᖁᑎᒋᓚᐅᕐᒪᒍ. ᕉᐱᓂᐅᑉ ᕿᑐᕐᖓᖏᑦ ᐅᑯᐊᖑᕗᑦ: ᕼᐊᓅᒃ, ᐃᓚᒌᑦ ᑍᔭᐅᕗᑦ ᕼᐊᓄᑬᑎᓂᒃ; ᐸᓪᓗ, ᐃᓚᖏᑦ ᑍᔭᐅᕗᑦ ᐸᓪᓗᐂᑎᓂᒃ; 6ᕼᐃᔅᕋᓐ, ᐃᓚᖏᑦ ᑍᔭᐅᕗᑦ ᕼᐃᔭᕋᓁᑎᓂᒃ; ᑳᕐᒥ, ᐃᓚᖏᑦ ᑍᔭᐅᕗᑦ ᑳᕐᒤᑎᓂᒃ. 7ᑖᒃᑯᐊ ᑕᕝᕙ ᑍᔭᐅᔪᑦ ᕉᐱᓁᑎᓂᒃ, ᑖᒃᑯᓇᓂ ᓈᓴᕐᑕᐅᔪᑦ ᐅᓄᕐᓂᖏᑦ 43,730ᐅᓚᐅᕐᐳᑦ. 8ᐸᓪᓘᑉ ᐃᕐᓂᖓ ᐃᓔᐊᑉᒥᒃ ᐊᑎᖃᕐᐳᖅ. 9ᐃᓔᐊᑉ ᐃᕐᓂᖏᑦ ᐅᑯᐊᖑᕗᑦ ᓂᒧᐃᓕ, ᑖᐊᑕᓐ, ᐊᐱᕋᒻ. ᑖᒃᑯᐊᖑᔪᑦ ᑖᑕᓐ ᐊᐱᐅᕋᒻᓗ, ᐃᓄᐃᑦ ᐱᔪᑎᓪᓗᒋᑦ, ᒨᓯᓯᒥᒃ ᐂᕉᓂᒥᒡᓗ ᐊᑭᕋᕐᑐᓚᐅᕐᑐᑦ ᑰᕋ ᐃᓚᒋᓪᓗᒍ, ᑍᑦᓱᒪᓂ ᐊᑕᓂᕐᒥᒃ ᐊᑭᕋᕐᑐᕐᒪᑕ; 10ᓄᓇᕐᔪᐊᑉ ᖃᓂᓂ ᐂᑦᑕᓚᐅᕐᐹ ᐄᓪᓗᒋᓪᓗ ᑰᕋᒃᑯᑦ ᐃᓚᒋᓪᓗᒋᑦ ᑐᖁᓚᐅᕐᑐᑦ, ᐃᑯᒪᐅᓪᓗ ᓄᖑᓚᐅᕐᐰᑦ ᐊᖑᑎᑦ 250; ᑖᒃᑯᐊ ᓇᓗᓁᒃᑯᑕᐅᓕᕐᓗᑎᒃ. 11ᑭᓯᐊᓂᓕ ᑰᕋᐅᑉ ᕿᑐᕐᖓᖏᑦ ᑐᖁᓚᐅᓐᖏᓚᑦ.
12ᓯᒥᐅᓂᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᓂᒧᐃᓕ, ᐃᓚᒌᑦ ᑍᔭᐅᕗᑦ ᓂᒧᐃᓔᑎᓂᒃ; ᔭᒥᓐ, ᐃᓚᒌᑦ ᑍᔭᐅᕗᑦ ᔮᒥᓁᑎᓂᒃ; ᔭᑭᓐ, ᐃᓚᒌᑦ ᑍᔭᐅᕗᑦ ᔭᑭᓁᑎᓂᒃ, 13ᔨᕋ, ᐃᓚᒌᑦ ᑍᔭᐅᕗᑦ, ᔨᕋᕼᐂᑎᓂᒃ; ᓴᐅᓪᓗ, ᐃᓚᒌᑦ ᑍᔭᐅᕗᑦ ᓴᐅᓔᑎᓂᒃ. 14ᑖᒃᑯᐊ ᑕᕝᕙ ᓯᒥᐅᓂᐅᑉ ᑭᖑᕚᖏᑦ: 22,200ᓂᒃ ᐅᓄᕐᓂᖃᓚᐅᕐᑐᑦ.
15ᒑᑎᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᔨᕘᓂ, ᐃᓚᒌᑦ ᑍᔭᐅᕗᑦ ᔨᕘᓁᑎᓂᒃ; ᕼᐊᒋ, ᐃᓚᒌᑦ ᑍᔭᐅᕗᑦ ᕼᐊᒊᑎᓂᒃ; ᓲᓂ, ᐃᓚᒌᑦ ᑍᔭᐅᕗᑦ ᓲᓁᑎᓂᒃ; 16ᐆᔅᓂ, ᐃᓚᒌᑦ ᑍᔭᐅᕗᑦ ᐆᔅᓁᑎᓂᒃ; ᐃᕆ, ᐃᓚᒌᑦ ᑍᔭᐅᕗᑦ ᐃᕆᑍᑎᓂᒃ; 17ᐊᕋᑦ, ᐃᓚᒌᑦ ᑍᔭᐅᕗᑦ ᐊᕋᑍᑎᓂᒃ; ᐊᕆᓕ, ᐃᓚᒌᑦ ᑍᔭᐅᕗᑦ ᐊᕆᓔᑎᓂᒃ. 18ᑖᒃᑯᐊ ᑕᕝᕙ ᒑᑦ ᑭᖑᕚᖏᑦ ᑖᒃᑯᓇᓐᖓᑦ ᓈᓴᕐᑕᐅᓚᐅᕐᑐᑦ ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ: ᐅᓄᕐᓂᖏᑦ 40,500ᐅᓚᐅᕐᐳᑦ.
19ᔫᑕᐅᑉ ᐃᕐᓂᖏᑦ ᐅᑯᐊᖑᓚᐅᕐᐳᑦ ᐃᕆ ᐅᓇᓐᓗ; ᑖᒃᑯᐊᒡᓕ ᐃᕐᕆᓗ ᐅᓇᓐᓗ ᑬᓇᓂᒥ ᑐᖁᓚᐅᕐᐴᒃ. 20ᓯᒥᐅᓂᐅᑉ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᓚᐅᕐᐳᑦ: ᓰᓚ, ᐃᓚᒌᑦ ᑍᔭᐅᕗᑦ ᓰᓚᓁᑎᓂᒃ; ᐱᕆᔾ, ᐃᓚᒌᑦ ᑍᔭᐅᕗᑦ ᐱᕆᔧᑎᓂᒃ; ᔨᕋ, ᐃᓚᒌᑦ ᑍᔭᐅᕗᑦ ᔨᕋᕼᐂᑎᓂᒃ, 21ᐱᕆᔨᐅᑉ ᐃᕐᓂᖏᑦ ᐅᑯᐊᖑᓚᐅᕐᐳᑦ: ᕼᐃᔅᕋᓐ, ᐃᓚᒌᑦ ᑍᔭᐅᕗᑦ ᕼᐃᔭᕋᓁᑎᓂᒃ; ᕼᐊᒧᓕ, ᐃᓚᒌᑦ ᑍᔭᐅᕗᑦ ᕼᐊᒧᓔᑎᓂᒃ. 22ᑖᒃᑯᐊ ᑕᕝᕙ ᔫᑕᐅᑉ ᑭᖑᕚᖏᑦ ᐃᓚᒌᑦ ᑖᒃᑯᓇᓐᖓᑦ ᓈᓴᕐᑕᐅᓚᐅᕐᑐᑦ ᐅᓄᕐᓂᖏᑦ: 76,500ᓚᐅᕐᐳᑦ.
23ᐃᓴᑳᕆᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᓚᐅᕐᐳᖅ: ᑑᓚ, ᐃᓚᒌᑦ ᑍᔭᐅᕗᑦ ᑑᓚᐂᑎᓂᒃ; ᐳᕙ, ᐃᓚᒌᑦ ᑍᔭᐅᕗᑦ ᐳᓁᑎᓂᒃ; 24ᔮᓱᑉ, ᐃᓚᒌᑦ ᑍᔭᐅᕗᑦ ᔮᓱᐰᑎᓂᒃ; ᓯᒻᕌᓐ, ᐃᓚᒌᑦ ᑍᔭᐅᕗᑦ ᓯᒻᕌᓐᓁᑎᓂᒃ. 25ᑖᒃᑯᐊ ᑕᕝᕙ ᐃᓴᑳᕆᐅᑉ ᑭᖑᕚᖏᑦ ᐃᓚᒌᑦ ᓈᓴᕐᑕᐅᓚᐅᕐᑐᑦ ᐅᓄᕐᓂᖏᑦ: 64,300ᓚᐅᕐᐳᑦ.
26ᓯᐳᓗᓂᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᓚᐅᕐᐳᑦ: ᓯᕆᑦ, ᐃᓚᒌᑦ ᑍᔭᐅᕗᑦ ᓯᕆᑍᑎᑦ; ᐃᓛᓐ, ᐃᓚᒌᑦ ᑍᔭᐅᕗᑦ ᐃᓚᓁᑎᑦ; ᔮᓕᐅᓕ, ᐃᓚᒌᑦ ᑍᔭᐅᕗᑦ ᔮᐊᓕᐅᓔᑎᓂᒃ. 27ᑖᒃᑯᐊ ᐃᓚᒌᑦ ᑍᔭᐅᕗᑦ ᓯᐳᓗᓁᑎᓂᒃ ᑖᒃᑯᓇᓐᖓᑦ ᓈᓴᕐᑕᐅᔪᑦ ᐅᓄᕐᓂᖏᑦ: 60,500ᓚᐅᕐᐳᑦ.
28ᔫᓯᐱᐅᑉ ᐃᕐᓂᖏᓐᓂ ᐃᓚᒌᑦ, ᒫᓇᓯᐅᑉ: ᐃᕗᕅᒥᐅᓪᓗ ᐃᓚᖏᑦ ᐅᑯᐊᖑᕗᑦ.
29ᒫᓇᓯᐅᑉ ᐃᕐᓂᖏᑦ: ᒪᑬᕆ, ᐃᓚᒌᑦ ᑍᔭᐅᕗᑦ ᒪᑬᕅᑎᓂᒃ; ᒪᑬᕆ ᐃᕐᓂᕐᑖᕐᐳᖅ ᒋᓕᐊᑎᒥᒃ; ᒋᓕᐊᑎᒃᑯᑦ, ᐃᓚᒌᑦ ᑍᔭᐅᕗᑦ ᒋᓕᐊᑍᑎᓂᒃ. 30ᒋᓕᐊᑎᐅᑉ ᐅᑯᐊ ᐃᕐᓂᖏᑦ: ᓕᓴᕆ, ᐃᓚᒌᑦ ᑍᔭᐅᕗᑦ ᓕᓴᕅᑎᓂᒃ; ᕼᐃᓕᒃ, ᐃᓚᒌᑦ ᑍᔭᐅᕗᑦ ᕼᐃᓕᑬᑎᓂᒃ; 31ᐊᔅᕅᐊᓪ, ᐃᓚᒌᑦ ᑍᔭᐅᕗᑦ ᐊᔅᕅᐊᓔᑎᓂᒃ; ᓯᑭᒻ, ᐃᓚᒌᑦ ᑍᔭᐅᕗᑦ ᓯᑭᒻᒤᑎᓂᒃ; 32ᓯᒤᑕ, ᐃᓚᒌᑦ ᑍᔭᐅᕗᑦ ᓯᒤᑍᑎᓂᒃ; ᕼᐃᕙᕐ, ᐃᓚᒌᑦ ᑍᔭᐅᕗᑦ ᕼᐃᕙᕅᑎᓂᒃ. 33ᔨᓘᕕᕼᐊᑦ ᕼᐃᕙᕆᐅᑉ ᐃᕐᓂᖓ ᐃᕐᓂᖃᓚᐅᖏᒻᒪᑦ, ᐸᓂᖃᓚᐅᕐᐳᕐᓕ ᐅᑯᓂᖓ: ᒪᕼᐊᓚ, ᓄᐊ, ᕼᐅᒡᓚ, ᒥᐅᓪᑲ, ᑏᕐᔭᓗ. 34ᑖᒃᑯᐊ ᑕᕝᕙ ᒫᓇᓯᐅᑉ ᐃᓚᖏᑦ: ᑖᒃᑯᓇᓐᖓᑦ ᓈᓴᕐᑕᐅᔪᑦ ᐃᓚᒌᑦ ᐅᓄᕐᓂᖏᑦ: 52,700ᐅᓚᐅᕐᐳᑦ.
35ᐅᑯᐊ ᑕᕝᕙ ᐃᕗᕅᑎᒥᐅᑉ ᐃᓚᖏᑦ ᐃᓚᒌᑦ ᒪᓕᒡᓗᒋᑦ: ᓱᑎᓚ, ᐃᓚᒌᑦ ᑍᔭᐅᕗᑦ ᓱᑎᓚᕼᐂᑎᓂᒃ; ᐱᑲᕐ, ᐃᓚᒌᑦ ᑍᔭᐅᕗᑦ ᐱᑲᕅᑎᓂᒃ; ᑕᕼᐊᓐ, ᐃᓚᒌᑦ ᑍᔭᐅᕗᑦ ᑕᕼᐊᓁᑎᓂᒃ. 36ᐅᑯᐊᓗ ᓱᑎᓚᐅᑉ ᐃᕐᓂᖏᑦ: ᐃᕌᓐ, ᐃᓚᒌᑦ ᑍᔭᐅᕗᑦ ᐃᕋᓁᑎᓂᒃ. 37ᑖᒃᑯᐊ ᑕᕝᕙ ᐃᕗᕅᑎᒥᐅᑉ ᐃᕐᓂᖏᑕ ᐃᓚᖏᑦ, ᑖᒃᑯᓇᓐᖓᑦ ᓈᓴᕐᑕᐅᔪᑦ ᐅᓄᕐᓂᖏᑦ: 32,500ᓚᐅᕐᐳᑦ.
ᑖᒃᑯᐊ ᑕᕝᕙ ᔫᓯᐱᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ.
38ᐱᓐᔭᒥᓂᐅᑉ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᐲᓚ, ᐃᓚᒌᑦ ᑍᔭᐅᕗᑦ ᐲᓔᑎᓂᒃ; ᐊᓯᐱᐅᓪ, ᐃᓚᒌᑦ ᑍᔭᐅᕗᑦ ᐊᓯᐱᓔᑎᓂᒃ; ᐊᕼᐂᕋᒻ, ᐃᓚᒌᑦ ᑍᔭᐅᕗᑦ ᐊᕼᐂᕋᒤᑎᓂᒃ; 39ᓯᐳᐹᒻ, ᐃᓚᒌᑦ ᑍᔭᐅᕗᑦ ᓲᐸᒤᑎᓂᒃ; ᕼᐅᕚᒻ, ᐃᓚᒌᑦ ᑍᔭᐅᕗᑦ ᕼᐅᕙᒤᑎᓂᒃ. 40ᐲᓚᐅᓪᓗ ᐃᕐᓂᖏᑦ ᐅᑯᐊ ᐋᕐᑎ, ᐊᒻᒪᓗ ᓈᒪᓐ: ᐋᕐᑎᒃᑯᑦ ᐃᓚᒌᑦ ᑍᔭᐅᕗᑦ ᐋᕐᑍᑎᓂᒃ; ᓈᒪᓐ, ᐃᓚᒌᑦ ᑍᔭᐅᕗᑦ ᓈᒪᓁᑎᓂᒃ. 41ᑖᒃᑯᐊ ᑕᕝᕙ ᐱᓐᔭᒥᓂᐅᑉ ᐃᕐᓂᖏᑦ ᐃᓚᒌᖕᓂᖏᑦ ᒪᓕᒡᓗᒋᑦ ᑖᒃᑯᓇᓐᖓᑦ ᓈᓴᕐᑕᐅᔪᑦ ᐅᓄᕐᓂᖏᑦ: 45,600ᓚᐅᕐᐳᑦ.
42ᐅᑯᐊ ᑕᕝᕙ ᑖᓐ ᑭᖑᕚᖏᑕ ᐃᕐᓂᖏᑦ ᐃᓚᒌᑦ ᒪᓕᒡᓗᒋᑦ: ᓲᕼᐊᒻ, ᐃᓚᒌᑦ ᑍᔭᐅᕗᑦ ᓲᕼᐊᒤᑎᓂᒃ. ᑖᒃᑯᐊ ᑕᕝᕙ ᑖᓐ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ. 43ᐃᓚᒌᓕᒫᑦ ᓲᕼᐊᒤᑎᓂᑦ ᓈᓴᕐᑕᐅᔪᑦ, ᐅᓄᕐᓂᖃᓚᐅᕐᐳᑦ, 64,400ᓂᒃ.
44ᐋᓱᕆᐅᑉ ᑭᖑᕚᖏᑦ ᐃᓚᒌᑦ ᐅᑯᐊᖑᓚᐅᕐᐳᑦ: ᐃᒻᓇ, ᐃᓚᒌᑦ ᑍᔭᐅᕗᑦ ᐃᒻᓁᑎᓂᒃ ᐃᔅᕕᒃᑯᑦ ᐃᓚᒌᑦ ᑍᔭᐅᕗᑦ ᐃᔅᕔᑎᓂᒃ; ᐱᕅᐊ, ᐃᓚᒌᑦ ᑍᔭᐅᕗᑦ ᐱᕅᑎᓂᒃ. 45ᐱᕅᐊᐅᑉ ᐃᕐᓂᖏᑦ ᐅᑯᐊ: ᕼᐃᐸᕐ, ᐃᓚᒌᑦ ᑍᔭᐅᕗᑦ ᕼᐃᐸᕋᓁᑎᓂᒃ; ᒪᓪᑬᐅᓪ, ᐃᓚᒌᑦ ᑍᔭᐅᕗᑦ ᒪᓪᑬᓔᑎᓂᒃ. 46ᐋᓱᕆᐅᑉ ᐸᓂᖓ ᐊᑎᑲᓚᐅᕐᐳᖅ ᓯᕋ. 47ᑖᒃᑯᐊ ᑕᕝᕙ ᐋᓱᕆᐅᑉ ᑭᖑᕚᖏᑕ ᐃᓚᒌᑐᖁᑎᖏᑦ, ᑖᒃᑯᓇᓐᖓᑦ ᐃᓚᒌᑦ ᓈᓴᕐᑕᐅᔪᑦ: 53,400ᓂᒃ ᐅᓄᕐᓂᖃᓚᐅᕐᐳᑦ.
48ᓈᑉᑕᓕᐅᑉ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᕗᑦ: ᔭᔨᐅᓪ, ᐃᓚᒌᑦ ᑍᔭᐅᕗᑦ ᔭᔨᐅᓔᑎᓂᒃ; ᒍᓂ, ᐃᓚᒌᑦ ᑍᔭᐅᕗᑦ ᒍᓁᑎᓂᒃ; 49ᔨᔨᕆ, ᐃᓚᒌᑦ ᑍᔭᐅᕗᑦ ᔨᔨᕅᑎᓂᒃ; ᓯᓕᒻ, ᐃᓚᒌᑦ ᑍᔭᐅᕗᑦ ᓯᓕᒤᑎᓂᒃ. 50ᑖᒃᑯᐊ ᑕᕝᕙ ᓈᑉᑕᓕᐅᑉ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ; ᑖᒃᑯᓇᓐᖓᑦ ᓈᓴᕐᑕᐅᔪᑦ 45,400ᐅᓚᐅᕐᐳᑦ.
51ᑖᒃᑯᐊᓕᒫᑦ ᐃᓴᕆᐊᓕᒥᐅᓂᑦ ᓈᓴᕐᑕᐅᔪᑦ ᑲᑎᓪᓗᒋᑦ: 601,730ᓂᒃ ᐅᓄᕐᓂᖃᓚᐅᕐᐳᑦ.
52 #
ᒨᓯᓯ ᓯᑕᒪᖏᑦ 34:13; ᔮᓱᐊ 14:1,2. ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ, ᐅᖃᕐᓗᓂ: 53“ᓄᓇ ᑖᒃᑯᓄᖓ ᐱᒃᓴᕆᔭᐅᖁᓪᓗᒍ ᐊᕕᒃᑐᑕᐅᔭᕆᐊᖃᕐᐳᖅ, ᐃᓄᐃᑦ ᐊᑎᖏᑕ ᐅᓄᕐᓂᖏᑦ ᒪᓕᒡᓗᒋᑦ. 54ᑭᖑᕚᖑᖃᑎᒌᑦ ᐃᓄᒋᐊᖕᓂᕐᓮᑦ ᐊᖏᔪᒥᒃ ᓄᓇᒥᒃ ᐱᑖᕆᐊᖃᕐᐳᑦ, ᑭᖑᕚᖑᖃᑎᒌᓪᓗ ᐅᓄᖏᓐᓂᕐᓮᑦ ᓄᓇᒥᒃ ᒥᑭᓐᓂᕐᓴᒥᒃ ᐱᑖᕆᐊᖃᕐᐳᑦ. ᐊᑐᓂᑦ ᓄᓇᖁᑎᑖᕐᓗᑎᒃ ᑖᒃᑯᓇᓐᖓᑦ ᓈᓴᕐᑕᐅᓚᐅᕐᓂᖏᑦ ᒪᓕᒡᓗᒋᑦ. 55ᓄᓇ ᐊᕕᒃᑐᕆᐊᖃᕐᐳᖅ ᓇᓚᐅᑦᑖᕈᑎᒃᑯᑦ ᐊᖏᓂᖃᕆᐊᖃᕐᓂᖓ ᒪᓕᒡᓗᒍ; ᓄᓇᖁᑎᑖᕆᐊᖃᕐᐳᑦ ᓯᕗᓕᕕᓂᖏᑕ ᐊᑎᖏᑦ ᒪᓕᒡᓗᒋᑦ. 56ᓄᓇᖁᑎᑖᕆᔭᐅᔪᓕᒫᑦ ᐊᒡᒍᕐᑕᐅᔭᕆᐊᖃᕐᐳᑦ ᓇᓚᐅᑦᑖᕈᑎᒃᑯᑦ ᐃᓄᒋᐊᖕᓂᕐᓮᑦ ᐃᓄᑭᓐᓂᕐᓮᓪᓗ ᒪᓕᒡᓗᒋᑦ.”
57ᐅᑯᐊᑦᑕᐅᖅ ᑕᕝᕙ ᓕᕔᑎᑦ ᓈᓴᕐᑕᐅᓚᐅᕐᑐᑦ ᐃᓚᒌᑦ ᒪᓕᒡᓗᒋᑦ: ᒌᕐᓲᓂ, ᐃᓚᒌᑦ ᑍᔭᐅᕗᑦ ᒌᕐᓲᓁᑎᓂᒃ; ᑯᕼᐋᑎ, ᐃᓚᒌᑦ ᑍᔭᐅᕗᑦ ᑯᕼᐋᑍᑎᓂᒃ, ᒥᕋᕆ, ᐃᓚᒌᑦ ᑍᔭᐅᕗᑦ ᒥᕋᕅᑎᓂᒃ 58ᐅᑯᐊᑦᑕᐅᖅ ᓕᕔᑉ ᑭᖑᕚᖏᑦ ᓈᓴᖃᓯᐅᔭᐅᓚᐅᕐᑐᑦ: ᐃᓚᒌᑦ ᓕᑉᓁᑎᓂᒃ ᑍᔭᐅᔪᑦ, ᐃᓚᒌᑦ ᕼᐃᐸᕋᓁᑎᓂᒃ ᑍᔭᐅᔪᑦ, ᐃᓚᒌᑦ ᒪᕼᐊᓔᑎᓂᒃ ᑍᔭᐅᔪᑦ, ᐃᓚᒌᑦ ᒧᓮᑎᓂᒃ ᑍᔭᐅᔪᑦ, ᐃᓚᒌᑦ ᑰᕋᕼᐂᑎᓂᒃ ᑍᔭᐅᔪᑦ. ᑯᕼᐋᑎᓗ ᐃᕐᓂᖃᓚᐅᕐᐳᖅ ᐊᒪᕌᒻᒥᒃ. 59ᐊᒪᕌᒻ ᓄᓕᐊᖓ ᐊᑎᖃᓚᐅᕐᐳᖅ ᔫᑭᐱᑎᒥᒃ ᑖᓐᓇ ᓕᕔᑉ ᐸᓂᖓ, ᓕᕔᑉ ᐸᓂᒃᑖᕆᓚᐅᕐᑕᖓ ᐄᑦᔨᑉᑎᒥ; ᐊᒻᕋᒻᑯᑦ ᐃᕐᓂᕐᑖᓚᐅᕐᐳᖅ ᐂᕉᓂᒥᒃ ᒨᓯᓯᒥᒡᓗ ᓇᔭᖓᓐᓂᒃᓗ ᒥᕆᐊᒻᒥᒃ. 60#ᒨᓯᓯ ᓯᑕᒪᖏᑦ 3:2.ᐂᕉᓂ ᐃᕐᓂᖃᓚᐅᕐᐳᖅ ᓁᑖᑉᒥᒃ ᐊᐱᕼᐅᒥᒡᓗ, ᐃᓕᓯᕆᒥᒡᓗ ᐃᑕᒫᕐᒥᒡᓗ. 61#ᒨᓯᓯ ᐱᖓᔪᖏᑦ 10:1,2; ᒨᓯᓯ ᓯᑕᒪᖏᑦ 3:4.ᓁᑖᑉᓕ ᐊᐱᕼᐅᓗ ᑐᖁᓚᐅᕐᐴᒃ ᐊᑕᓂᕐᒧᑦ ᐃᑯᐊᓚᑎᑦᓯᓪᓗᑎᒃ ᑐᓂᕐᕈᓯᕐᒪᑎᒃ ᐱᖁᔭᐅᓯᒪᓇᑎᒃ. 62ᓕᕔᑎᓪᓕ ᐊᖑᑎᑦ ᐊᑕᐅᓯᕐᒥᒃ ᑕᖅᑭᖃᕐᑐᓂᑦ ᐱᒋᐊᕐᓗᒍ ᓈᓴᕐᑕᐅᔪᑦ 23,000ᐅᓚᐅᕐᐳᑦ. ᐃᓴᕆᐊᓕᐅᖃᑎᒥᖕᓂᑦ ᓈᓴᖃᓯᐅᑎᔭᐅᓚᐅᓐᖏᓚᑦ ᓄᓇᒥᒃ ᓇᖕᒥᓂᑖᓚᐅᖏᒻᒪᑕ.
63ᑖᒃᑯᐊ ᑕᕝᕙ ᓈᓴᕐᑕᐅᓚᐅᕐᑐᑦ ᒨᓯᓯᒧᑦ ᑐᓂᕐᕈᓯᕐᑎᑦᓯᔨᒧᓪᓗ ᐃᓕᓯᕆᒧᑦ, ᑖᒃᑯᐊᒃ ᓈᓮᓚᐅᕐᐳᒃ ᐃᓴᕆᐊᓕᒥᐅᓂᒃ ᒧᐊᐱᒥ ᓇᑎᕐᓇᒥ ᔪᐊᕐᑕᓂᐅᑉ ᓯᓈᓂ ᔨᕆᑰᑉ ᐊᑭᐊᓂ. 64ᓈᓴᕐᑕᐅᔪᓂ ᑖᒃᑯᓇᓂ ᐊᖑᒻᒥᒃ ᐱᑕᖃᓚᐅᓐᖏᓚᖅ ᓈᓴᕐᑕᐅᖃᓯᐅᑎᔭᐅᓯᒪᔪᒥᒃ ᒨᓯᓯᐅᓪᓗ ᐂᕉᓂᐅᓪᓗ ᓈᓴᓚᐅᕐᑕᖏᓐᓂ, ᐃᓴᕆᐊᓕᒥᐅᑦ ᓈᓴᕐᑕᐅᑎᓪᓗᒋᑦ ᐃᓄᖃᖏᑦᑐᒥ ᓮᓁᒥ. 65#ᒨᓯᓯ ᓯᑕᒪᖏᑦ 14:26-35.ᐊᑕᓂᐅᑉ ᐅᖃᐅᓯᕆᓚᐅᕐᒪᒋᑦ, “ᑐᖁᓪᓚᕆᒍᒫᕐᐳᖅ ᐃᓄᖃᖏᑦᑐᒥ.” ᑍᒤᒻᒪᑦ ᐊᒥᐊᒃᑯᖃᓚᐅᓐᖏᓚᑦ ᐅᑯᐊᑐᐊᖅ ᐊᒥᐊᒃᑰᓚᐅᕐᐴᒃ, ᑬᓚᐱ ᔨᐳᓂᐊᐅᑉ ᐃᕐᓂᖓ, ᔮᓱᐊᓗ ᓈᓂᐅᑉ ᐃᕐᓂᖓ.
Zvasarudzwa nguva ino
ᒨᓯᓯ ᓯᑕᒪᖏᑦ 26: EAIB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Eastern Arctic Inuktitut Bible © Canadian Bible Society, 2012, 2021-2023.