ᒨᓯᓯ ᓯᑕᒪᖏᑦ 20
20
ᓄᓇᒥ ᑲᑎᓯᒥᒃ ᐊᑎᖃᕐᑐᒥ ᐱᔪᖃᓚᐅᕐᑐᑦ
1ᑕᕝᕙ ᐃᓴᕆᐊᓕᒥᐅᑦ, ᑲᑎᒪᔪᕐᔪᐊᓪᓗ ᐃᓘᓐᓇᑎᒃ, ᑎᑭᑉᐳᑦ ᐃᓄᖃᖏᑦᑐᒧᑦ ᔨᓐᒥᒃ ᐊᑎᓕᖕᒧᑦ ᑕᖅᑮᑦ ᓯᕗᓪᓕᕐᐹᖓᓂᒃ, ᓄᖅᑲᖓᓕᕐᓗᑎᒡᓗ ᓄᓇᒥ ᑲᑎᓯᒥᒃ ᐊᑎᓕᖕᒥ; ᒥᕆᐊᒻᓕ ᑕᕝᕙᓂ ᑐᖁᓚᐅᕐᐳᖅ ᑕᕝᕙᓂᓗ ᐃᓗᕕᕐᑕᐅᓪᓗᓂ.
2 #
ᒨᓯᓯ ᐂᑉᐸᖏᑦ 17:1-7. ᐃᒪᖃᓚᐅᓐᖏᓚᕐᓕ ᑕᕝᕙᓂ ᐃᓄᒋᐊᒃᑐᕐᔪᐊᑦ ᐃᒥᒃᓴᖓᓂᒃ; ᑲᑎᓚᐅᕐᐳᑦ ᐊᑭᕋᕐᑐᕈᒪᓪᓗᑎᒃ ᒨᓯᓯᒥᒃ ᐂᕉᓂᒥᒡᓗ. 3ᐃᓄᐃᓪᓕ ᐂᕙᓕᕐᐳᑦ ᒨᓯᓯᒧᑦ ᐅᖃᕐᓗᑎᒃ, “ᑍᒪᓕ ᑐᖁᖃᑕᐅᓚᐅᕈᑦᑕ ᖃᑕᓐᖑᑎᕗᑦ ᑐᖁᑎᓪᓗᒋᑦ ᐊᑕᓂᐅᑉ ᓵᖓᓂ! 4ᓱᖕᒪᑦ ᐊᑕᓂᐅᑉ ᑲᑎᒪᔪᖁᑎᖏᑦ ᑕᒪᐅᖓ ᐃᓄᖃᖏᑦᑐᒧᑦ ᐱᑎᑉᐱᒋᑦ, ᐅᕙᒍᑦ ᐆᒪᔪᖁᑎᕗᓪᓗ ᑐᖁᖁᓪᓗᑕ ᑕᒫᓂ? 5ᓱᖕᒪᓪᓗ ᐊᐅᓪᓚᕐᑎᓚᐅᕐᐱᑎᒍᑦ ᐄᑦᔨᑉᑎᒥᑦ ᑕᒪᐅᖓ, ᑕᒪᐅᖓ ᐱᐅᖏᑦᑐᐊᓗᖕᒧᑦ ᐱᑎᑦᓱᒪᓚᐅᕐᐱᑎᒎᑦ? ᑕᒫᓂ ᓂᐊᖂᔭᒃᓴᓂᒃ ᐱᕈᕐᑐᖃᓐᖏᓚᖅ ᐸᐅᕐᖓᓂᒡᓘᓐᓃᑦ ᕕᒡᓯᓂᒃ ᐊᑎᓕᖕᓂᒃ, ᕔᓂᒃᓴᓂᒡᓘᓐᓃ, ᐸᐅᕐᖓᓂᒡᓘᓐᓃᑦ ᐹᒥᒍᕌᓐᑎᓂᒃ ᐊᑎᓕᖕᓂᒃ; ᐃᒪᖃᕋᓂᓗ ᐃᒥᒐᒃᓴᑦᑎᓐᓂᒃ.” 6ᒨᓯᓯᓕ ᐂᕉᓂᓗ ᐃᓄᖕᓂᑦ ᕿᒪᕉᑎᓪᓗᑎᒃ ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ ᓇᖏᕐᐴᒃ. ᐹᒻᒪᒃᑎᕐᓗᑎᒡᓗ ᑮᓇᑎᒃ ᓄᓇᒧᑦ ᐊᒃᑐᕐᓗᒍ, ᐊᑕᓂᐅᓪᓗ ᐱᓐᓇᕐᓇᕐᓂᖓᑕ ᓴᖅᑭᕝᕕᒋᕚᒃ.
7ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐅᖃᕐᓗᓂ, 8“ᐊᔭᐅᑉᐱᐊᖅ ᑎᒍᓕᕈᒃ; ᐃᕝᕕᓪᓗ ᖃᑕᓐᖑᑏᓪᓗ ᐂᕉᓂ ᐃᓄᐃᑦ ᑲᑎᖁᓕᕐᓯᐅᒃ, ᕾᕐᑐᕐᓗ ᐅᖃᐅᑎᓗᒍ ᐃᓄᐃᑦ ᑕᒃᑯᐊᓂ, ᑕᕝᕙ ᐃᒥᕐᒥᒃ ᑯᕕᓕᕐᓂᐊᕐᐳᖅ; ᑍᒫᒃ ᐃᒥᕐᒥᒃ ᓴᖅᑭᑎᑦᓯᓂᐊᕐᐳᑎᑦ ᕾᕐᑐᒥᑦ, ᐃᒥᕐᑎᓪᓗᒋᓪᓗ ᐃᓄᐃᑦ ᐆᒪᔪᖁᑎᖏᓪᓗ.” 9ᑕᕝᕙ ᒨᓯᓯᐅᑉ ᐊᔭᐅᑉᐱᐊᖅ ᑎᒍᕚ ᐊᑕᓂᐅᑉ ᓵᖓᓂᑦ ᑍᒫᒃ ᐱᖁᔭᐅᒐᒥ.
10ᒨᓯᓯᐅᓪᓗ ᐂᕉᓂᐅᓪᓗ ᐃᓄᒋᐊᒃᑐᕐᔪᐊᑦ ᑲᑎᖁᕔᑦ ᕾᕐᑑᑉ ᓵᖓᓂ; ᐅᖃᐅᑎᓪᓗᒋᓪᓗ, “ᑐᓴᓕᕆᑦᓯ ᐊᑭᕋᕐᑐᕐᑎᐅᔪᓯ! ᐅᕙᓐᖓᑦ ᕾᕐᑐᒥᑦ ᐃᓕᑦᓯᓐᓄᑦ ᐃᒥᕐᒥᒃ ᓴᖅᑭᑎᑦᓯᔭᕆᐊᖃᕐᐱᑖ?” 11ᒨᓯᓯᐅᓪᓗ ᑕᓕᓂ ᐃᓵᒡᓗᒍ ᕾᕐᑐᖅ ᐊᓇᐅᕚ ᒪᕐᕈᐊᕐᑎᕐᓗᒍ; ᑕᕝᕙ ᐃᒪᖅ ᐊᒥᒐᖏᑦᑐᒥᒃ ᑰᓕᕐᐳᖅ, ᑕᕝᕙ ᐃᓄᒋᐊᑐᕐᔪᐊᑦ ᐆᒪᔪᖁᑎᖏᓪᓗ ᐃᒥᕐᐳᑦ.
12ᐊᑕᓂᐅᓪᓗ ᒨᓯᓯ ᐂᕉᓂᓗ ᐅᖃᐅᑎᕚᒃ, “ᐅᕙᓐᓂᒃ ᐅᒃᐱᕈᓱᖏᓐᓇᑦᓯᒃ, ᐅᕙᓐᓂᒡᓗ ᐃᑦᔪᕐᓁᑎᑦᓯᓚᐅᖏᓐᓇᑦᓯᒃ ᐃᓴᕆᐊᓕᒥᐅᑦ ᑕᒃᑯᐊᓂ, ᑍᒤᒻᒪᑦ ᐃᓄᒋᐊᒃᑐᕐᔪᐊ ᐅᑯᐊ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑎᑭᓕᕐᐸᑕ ᑕᓯᐅᕐᑎᐅᔪᒫᕈᓐᓁᕐᐳᓯᒃ.”
13ᑍᒫᒃ ᐱᔪᖃᓚᐅᕐᐳᖅ ᐃᒪᕐᒥᒃ ᓄᓇᒥ ᒥᕆᐸᒥ, ᐃᓴᕆᐊᓕᒥᐅᑦ ᐂᕙᓚᐅᕐᒪᑕ ᐊᑕᓂᕐᒧᑦ, ᐃᑦᔪᕐᓁᓐᓂᕐᒥᓂᒡᓗ ᓴᖅᑭᑎᑦᓯᓚᐅᕐᒪᑦ ᑖᒃᑯᓄᖓ.
ᐄᑐᒥᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᓂᒃ ᓄᓇᖁᑎᒥᒍᑦ ᐊᖅᑯᓵᖁᔨᖏᓐᓂᖓ
14ᒨᓯᓯᓗ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᓄᓇᒥᑦ ᑲᑎᓯᒥᑦ ᐄᑐᒥᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᒫᒃ, “ᐃᓴᕆᐊᓕᒥᐅᑦ ᖃᑕᓐᖑᑎᑎᑦ ᐃᒫᒃ ᐅᖃᕐᐳᑦ: ‘ᖃᐅᔨᒪᕗᓯ ᐅᖁᒤᑦᑐᑎᒍᑦ ᐊᑐᕐᓯᒪᒐᑦᑕ, 15ᓯᕗᓕᕕᓂᕐᐳᑦ ᐄᑦᔨᑉᑎᒨᓚᐅᕐᒪᑕ, ᐄᑦᔨᑉᑎᒥᓗ ᐊᑯᓂ ᓄᓇᖃᓚᐅᕐᐳᒍᑦ, ᐄᑦᔨᑉᑎᒥᐅᓂᓪᓕ ᐅᖁᒤᒃᓴᕐᑎᑕᐅᓚᐅᕐᐳᒍᑦ ᓯᕗᓕᕕᓂᕐᐳᓪᓗ. 16ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ. 17ᓄᓇᖁᑎᑦᓯᒍᑦ ᐊᖅᑯᓵᕈᓐᓇᕐᑎᓚᐅᕐᑎᒍᑦ. ᐱᕈᕐᓰᕕᖁᑎᑦᓯᒍᑦ ᓂᐊᖂᔭᒃᓴᓕᐅᕐᕕᒃᑎᒍᑦ ᕔᓂᒃᓴᓕᐅᕐᕕᒃᑎᒍᓪᓗ ᐊᖅᑯᓵᕐᓂᐊᓐᖏᓚᒍᑦ, ᐃᒥᕐᑕᕐᕕᒃᓯᓐᓂᓪᓘᓐᓂᑦ ᐃᒥᕐᓂᐊᓐᖏᓚᒍᑦ; ᐊᖓᔪᖅᑳᕐᔪᐊᑉ ᐊᖅᑯᑎᐅᖁᔭᖓᒍᑦ ᐃᖏᕐᕋᓂᐊᕐᐳᒍᑦ; ᓴᖑᓂᐊᓐᖏᓚᒍᓪᓘᓐᓂᑦ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓄᓇᖁᑎᓯ ᑭᓯᐊᓂ ᖄᖏᕐᓯᒪᓕᕈᑎᑦᒍ ᓴᖑᔪᒫᕐᐳᒍᑦ.’”
18ᐄᑐᒥᒥᐅᓪᓕ ᐅᖃᕐᐳᑦ, “ᓄᓇᖁᑎᑦᑎᒍᑦ ᐊᖅᑯᓵᕐᓂᐊᓐᖏᓚᓯ, ᑕᒪᐅᓈᕋᓱᒃᑯᑦᓯ ᑕᕝᕙ ᐅᐸᒃᑐᕐᓂᐊᕐᐳᒍᑦ ᓴᕕᒡᔪᐊᓕᔭᕐᓗᑕ.”
19ᐃᓴᕆᐊᓕᒥᐅᓪᓕ ᑖᒃᑯᓄᖓ ᐅᖃᕐᐳᑦ, “ᐊᖅᑯᑎᒃᑯᑦ ᐃᖏᕐᕋᑐᐃᓐᓇᕈᒪᕗᒍᑦ, ᑕᒪᐅᓈᕐᑎᓪᓗᑕᓗ ᓇᓕᕐᐳᑦ ᐆᒪᔪᖁᑎᕗᓪᓘᓐᓃᑦ ᐃᒥᕐᐸᑦ ᐃᒪᑦᓯᓐᓂᑦ, ᑕᕝᕙ ᐃᓕᑦᓯᓐᓄᑦ ᐊᑭᓕᕈᒪᕙᕗᑦ; ᐱᓱᒃᓗᑕ ᐊᖅᑯᓵᕈᒪᕗᒍᑦ, ᐊᓯᐊᓂ ᐱᓇᓱᐊᖏᓪᓗᑕ.”
20ᐄᑐᒥᒥᐅᑦ ᑭᐅᕘᑦ, “ᐊᖅᑯᓵᕐᓂᐊᖏᑦᑐᓯ.” ᑍᒤᒻᒪᑦ ᐄᑐᒥᒥᐅᑦ ᐅᓇᑕᕆᐊᕐᑐᕐᓗᑎᒃ ᑖᒃᑯᓄᖓ ᐸᕐᕆᐊᕐᐳᑦ, ᐊᖑᑎᒐᓴᖕᓂᒃ ᓴᓐᖏᔪᓂᒃ ᓇᒃᓴᕐᓗᑎᒃ. 21ᑍᒫᒃ ᐄᑐᒥᒥᐅᑦ ᐃᓴᕆᐊᓕᒥᐅᓂᒃ ᓄᓇᖁᑎᒥᒃᑎᒍᑦ ᐊᖅᑯᓵᖁᔨᓐᖏᓚᑦ; ᑍᒤᒻᒪᑦ ᐃᓴᕆᐊᓕᒥᐅᑦ ᑖᒃᑯᓇᖓᑦ ᑐᓄᓪᓗᑎ ᐊᓯᐊᒎᕆᐊᕐᑐᕐᐳᑦ.
ᐂᕉᓂᐅᑉ ᑐᖁᓂᖓ
22ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔫᓪᓗᑎᒃ ᐃᖏᕐᕋᓚᐅᕐᐳᑦ ᑲᑎᓯᒥᑦ ᖃᖅᑲᖅ ᕼᐅᕆ ᑎᑭᓪᓗᒍ. 23ᐊᑕᓂᐅᓪᓗ ᒨᓯᓯ ᐂᕉᓂᓗ ᐅᖃᕐᕕᒋᕚᒃ ᖃᖅᑲᒥ ᕼᐅᕆᒥ ᐄᑐᒥᒥᐅᑦ ᓄᓇᖓᑕ ᑭᒡᓕᖓᓃᑦᑐᒥ, ᐃᒫᒃ ᐅᖃᕐᓗᓂ: 24“ᐂᕉᓂ ᐃᓄᖁᑎᒥᓄᑦ ᑲᑎᔭᐅᔭᕆᐊᖃᕐᐳᖅ, ᓄᓇᒧᑦ ᐃᓴᕆᐊᓕᒥᐅᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓐᓂᐊᖏᒻᒪᑦ, ᑕᒪᑦᓯᒃ ᐃᕝᕕᓪᓗ ᑖᓐᓇᓗ ᐱᖁᔭᓐᓂᒃ ᓈᓚᓚᐅᖏᓐᓇᑦᓯᒃ ᒥᕆᐸᒥ ᐃᒥᕐᑎᑕᐅᕕᖕᒥ. 25ᐂᕉᓂ ᐃᕐᓂᖓᓗ ᐃᓕᓯᕆ ᖃᖅᑲᒧᑦ ᕼᐅᕆᒧᑦ ᒪᔪᕋᖃᑎᒋᒃᑭᒃ; 26ᐂᕉᓂᓗ ᐊᓐᓄᕌᖏᓐᓂᒃ ᐱᔧᕕᒋᒍᒃ, ᐃᕐᓂᖓᓄᓪᓗ ᐃᓕᓯᕆᒧ ᐊᑎᑎᓪᓗᒋᑦ: ᐂᕉᓂᓕ ᐃᓅᖃᑎᒥᓂᒃ ᑲᑎᓯᓂᐊᕐᐳᖅ ᑕᕝᕙᓂ ᑐᖁᓂᐊᕐᒪᑦ.” 27ᑕᕝᕙ ᒨᓯᓯ ᐱᓂᐊᓚᐅᕐᐳᖅ ᐊᑕᓂᐅᑉ ᐱᖁᔨᓂᖓᓂᒃ, ᑖᒃᑯᐊ ᖃᖅᑲᒧᑦ ᕼᐅᕆᒧᑦ ᒪᔪᕋᕐᐳᑦ ᐃᓄᒋᐊᒃᑐᕐᔪᐊᑦ ᑕᒃᑯᐊᓂ. 28#ᒨᓯᓯ ᐂᑉᐸᖏᑦ 29:29; ᒨᓯᓯ ᓯᑕᒪᖏᑦ 33:38; ᒨᓯᓯ ᑕᓪᓕᒪᖏᑦ 10:6.ᒨᓯᓯᐅᓪᓗ ᐂᕉᓂᐅᑉ ᐊᓐᓄᕌᖏᑦ ᐲᔭᕐᐰᑦ, ᐃᕐᓂᖓᓄᓪᓗ ᐃᓕᓯᕆᒧᑦ ᐊᑎᑎᓪᓗᒋᑦ; ᐂᕉᓂᓗ ᑐᖁᕗᖅ ᑕᕝᕙᓂ ᖃᖅᑲᐅᑉ ᖄᖓᓂ. ᑕᕝᕙ ᒨᓯᓯ ᐃᓕᓯᕆᓗ ᖃᖅᑲᒥᑦ ᐊᖅᑲᕐᐴᒃ. 29ᐃᓄᒋᐊᒃᑐᕐᔪᐊᓪᓕ ᖃᐅᔨᒐᒥᒃ ᐂᕉᓂ ᑐᖁᖕᒪᑦ ᕿᒃᓵᓚᐅᕐᐳᑦ ᐅᓪᓗᓂᒃ 30ᓂᒃ, ᐃᓴᕆᐊᓕᒥᐅᓕᒫᑦ.
Zvasarudzwa nguva ino
ᒨᓯᓯ ᓯᑕᒪᖏᑦ 20: EAIB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Eastern Arctic Inuktitut Bible © Canadian Bible Society, 2012, 2021-2023.