ᒫᑎᐅᓯᐅᑉ ᐊᒡᓚᖏᑦ 3
3
ᔪᐊᓇᓯ ᐹᑉᑎᑎᕆᔨᐅᑉ ᐊᔪᕆᕐᑐᐃᓂᖓ
ᒫᑯᓯ 1:1-8; ᓘᑲᓯ 3:1-18; ᔪᐊᓇᓯ 1:19-28
1ᑍᑦᓱᒪᓂ ᔪᐊᓇᓯ ᐹᑉᑎᑎᕆᔨ ᐃᓄᖃᖏᑦᑐᒥ ᐊᔪᕆᕐᑐᐃᓕᕐᐳᖅ ᔫᑎᐊᒦᑦᑐᒥ. 2#ᒫᑎᐅᓯ 4:17; ᒫᑯᓯ 1:15.ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!” 3#ᐂᓮᐊᓯ 40:3.ᔪᐊᓇᓯ ᑖᓐᓇᐅᕗᖅ ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᕆᓚᐅᕐᑕᖓ, ᐃᒫᒃ,
“ᐃᓄᖃᖏᑦᑐᒥ ᕾᒐᓛᕐᑐᖃᕐᐳᖅ,
‘ᐊᑕᓂᐅᑉ ᐊᖅᑯᑎᒃᓴᖓ ᐋᖅᑭᒃᓱᕐᓯᐅᒃ;
ᐊᖅᑯᑎᒋᓂᐊᕐᑕᖓ ᑐᑭᓕᐊᕐᓯᑎᓪᓗᒍ.’”
4 #
ᐊᑕᓃᑦ ᐂᑉᐸᖏᑦ 1:8. ᔪᐊᓇᓯ ᐊᓐᓄᕌᖃᓚᐅᕐᐳᖅ ᑳᒥᓕᐅᑉ#3:4 ᑳᒥᓕᒃ ᐅᕝᕙᓗ ᐱᑯᓕᒃ ᒥᖅᑯᖓᓂᒃ; ᑕᑦᓯᕈᑎᖃᕐᓗᓂ ᐊᒥᕕᓂᕐᒥᒃ, ᓂᕿᖃᕐᓗᓂᓗ ᐱᒡᓕᕐᑕᓂᒃ ᐃᒍᑦᑍᓪᓗ ᓰᕐᓇᐅᑎᖏᓐᓂᒃ. 5ᑕᕝᕙ ᔨᕉᓴᓕᒻᒥᐅᑦ, ᔫᑎᐊᒥᓗ ᓄᓇᖃᕐᑐᑦ ᓇᓂᑐᐃᓐᓇᖅ, ᑰᑉ ᔪᐊᕐᑕᓂᐅᑉ ᖃᓂᒋᔮᓂ ᓄᓇᖃᕐᑐᓕᒫᑦ ᑕᑯᔭᕐᑐᕐᐹᑦ, 6ᐊᔪᕐᓂᕐᒥᓂᒃ ᖃᕿᐊᓕᕐᒪᑕ, ᑖᑦᓱᒪ ᐹᑉᑎᑉᐰᑦ ᑰᖕᒥ ᔪᐊᕐᑕᓂᒥ.
7 #
ᒫᑎᐅᓯ 12:34; 23:33. ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ? 8ᖃᕿᐊᓕᕐᓂᓯ ᓇᓗᓁᓕᕐᓯᐅᒃ ᐱᓂᐊᕐᓂᑦᓯᒍᑦ, 9#ᔪᐊᓇᓯ 8:33.ᐸᓯᔭᒃᓴᐅᖏᓐᓇᓱᒋᑦᑍᓕᒋᑦᓯ ᐃᓱᒪᓗᓯ, ‘ᐂᑉᕋᕼᐋᒻ ᑭᖑᕚᕆᕚᑎᒍᑦ’; ᐅᖃᐅᑎᕙᑦᓯᓕ, ᒎᑎ ᒪᑯᓂᖓ ᐅᔭᕋᖕᓂᒃ ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᑎᑦᓯᔪᓐᓇᕐᐳᖅ! 10#ᒫᑎᐅᓯ 7:19.ᐅᓕᒪᐅᑦ ᐊᑐᐃᓐᓇᐅᓕᕐᐳᖅ ᓇᐹᕐᑐᑦ ᐊᒫᖏᑎᒍᑦ ᓇᑲᑎᕆᓂᐊᕐᑐᖅ; ᓇᐹᕐᑐᓕᒫᑦ ᐱᐅᔪᒥᒃ ᐱᕈᕐᕕᐅᖏᑦᑐᑦ ᓇᑲᑕᐅᓂᐊᕐᐳᑦ ᐃᒋᑕᐅᓗᑎᒃ ᐃᑯᒪᒧᑦ. 11ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ. 12ᑖᑦᓱᒪ ᓂᐊᖂᔭᒃᓴᓂᒃ ᓴᓃᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓂᒃ ᓯᖃᓕᑦᓯᕕᖕᒥᓂᑦ ᓂᐊᖂᔭᒃᓴᐅᖏᑦᑐᑦ ᐊᕕᑎᑦᓱᒪᓪᓗᒋᑦ ᓂᐊᖂᔭᒃᓴᓂᑦ, ᓂᐊᖂᔭᒃᓮᓪᓗ ᓯᕐᓗᐊᕐᒥᓄᑦ ᑲᑎᑦᓱᒫᕐᐰᑦ, ᐃᕕᐅᓂᖏᑦ ᐃᑯᐊᓪᓚᒍᒫᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”
ᔩᓱᓯᐅᑉ ᐹᑉᑎᑕᐅᓂᖓ
ᒫᑯᓯ 1:9-11; ᓘᑲᓯ 3:21-22
13ᑍᑦᓱᒪᓂ ᔩᓱᓯ ᒐᓕᓕᐊᒥᑦ ᔪᐊᕐᑕᓂᒧᑦ ᑎᑭᑉᐳᖅ, ᔪᐊᓇᓯᒧᑦ ᐹᑉᑎᑕᐅᔪᒪᓪᓗᓂ. 14ᔪᐊᓇᓯᐅᓪᓕ ᓄᖅᑲᕐᑎᒐᓱᐊᕐᓗᒍ ᐅᖃᐅᑎᕚ, “ᐅᕙᖓ ᐹᑉᑎᑕᐅᔭᕆᐊᖃᕋᓗᐊᕐᐳᖓ ᐃᓕᖕᓄᑦ, ᐃᕝᕕᓪᓕ ᐅᕙᓐᓄᑦ ᕾᖔᕐᐳᑎᑦ!”
15ᔩᓱᓯᐅᑉ ᑭᐅᕚ, “ᒫᓐᓇ ᑍᒤᓕᕐᓕ; ᑍᒤᓕᐅᕐᑎᓪᓗᑕ ᐱᕕᒃᓴᖅ ᓇᓪᓕᐅᑎᕗᖅ ᒎᑎᐅᑉ ᐊᑐᕐᑕᐅᖁᔭᖓᓂᒃ.” ᑕᕝᕙ ᔪᐊᓇᓯᐅᑉ ᐊᖏᕐᐹ.
16ᔩᓱᓯ ᐹᑉᑎᑕᐅᔭᕇᕋᒥ ᐃᒫᓂᑦ ᖃᑭᕗᖅ, ᖃᑭᖕᒪᓪᓗ ᑕᑉᕔᓐᓇᖅ ᑕᑯᒋᑦ ᕿᓚᒃ ᐊᖕᒪᕐᐳᖅ, ᒎᑎᐅᑉ ᐊᓂᕐᓂᖓ ᐊᖅᑲᕐᑐᑦ ᑕᑯᕚ ᑎᖕᒥᐊᑎᑐᑦ ᑑᕕᑐᑦ, ᔩᓱᓯᒦᓕᕐᓗᓂ. 17#ᒨᓯᓯ ᓯᕗᓪᓖᑦ 22:2; ᐃᓐᖏᕈᑦ 2:7; ᐂᓮᐊᓯ 42:1; ᒫᑎᐅᓯ 12:18; 17:5; ᒫᑯᓯ 1:11; ᓘᑲᓯ 9:35.ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ ᐅᖃᕐᑐᒥᒃ, “ᐅᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ.”
Zvasarudzwa nguva ino
ᒫᑎᐅᓯᐅᑉ ᐊᒡᓚᖏᑦ 3: EAIB
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Eastern Arctic Inuktitut Bible © Canadian Bible Society, 2012, 2021-2023.