ᒫᑎᐅᓯᐅᑉ ᐊᒡᓚᖏᑦ 4
4
ᔩᓱᓯᐅᑉ ᐱᔪᒥᓵᕐᑕᐅᓂᖓ
ᒫᑯᓯ 1:12-13; ᓘᑲᓯ 4:1-13
1 #
ᐄᑉᕈᐃᓄᑦ 2:18; 4:15. ᑕᕝᕙ ᐊᓂᕐᓂᐅᑉ ᔩᓱᓯ ᑕᓯᐅᕐᐹ ᐃᓄᖃᖏᑦᑐᒧᑦ, ᐆᒃᑐᕐᑕᐅᓗᓂ ᐱᔪᒥᓵᕐᑕᐅᖁᓪᓗᒍ ᓵᑖᓇᓯᒧᑦ. 2ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ ᓂᕆᓚᐅᖏᓐᓇᒥ, ᑳᓕᕐᐳᖅ. 3ᐱᔪᒥᓵᕆᔨᐅᑉ ᑎᑭᑉᐹ ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᐅᑯᐊ ᐅᔭᕅᑦ ᓂᐊᖂᔭᓐᖑᕐᑎᓚᐅᒃᑭᑦ.”
4 #
ᒨᓯᓯ ᑕᓪᓕᒪᖏᑦ 8:3. ᔩᓱᓯᐅᑉ ᑭᐅᕚ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᕗᖅ, ‘ᐃᓄᒃ ᓂᐊᖂᔭᑐᐃᓐᓇᕐᒥᒃ ᐃᓅᑦᔪᑎᖃᓐᖏᓚᖅ, ᒎᑎᐅᓪᓕ ᐅᖃᐅᓯᖏᓐᓂᒃ ᖃᓂᖓᓂᑦ ᐊᓂᔪᓂᒃ ᑕᒤᓐᓂᒃ ᐃᓅᑦᔪᑎᒃᓴᖃᕐᐳᖅ.’”
5ᑕᕝᕙ ᓵᑖᓇᓯᐅᑉ ᔩᓱᓯ ᔨᕉᓴᓕᒻᒧᐊᕈᑎᕚ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ, ᖃᑉᕕᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓄᑦ. 6#ᐃᓐᖏᕈᑦ 91:11,12.ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᑕᐅᓄᖓ ᐃᓕᖕᓂᒃ ᑲᑕᒃᑎᓚᐅᕆᑦ, ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ,
‘ᐂᖏᓖᖁᑎᓂ ᑎᓕᓂᐊᕐᐰᑦ ᐱᓪᓗᑎᑦ;
ᐊᒡᒐᖕᒥᖕᓄᑦ ᑎᒍᒥᐊᕐᓂᐊᕐᐹᑎᑦ,
ᐃᑎᒐᑎᑦ ᐋᓐᓂᖁᓇᒋᑦ ᐅᔭᖅᑲᓄᑦ.’”
7 #
ᒨᓯᓯ ᑕᓪᓕᒪᖏᑦ 6:16. ᔩᓱᓯᐅᑉ ᑭᐅᕚ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᒋᕗᖅ, ‘ᐊᑕᓂᕐᒥᒃ ᒎᑎᖕᓂᒃ ᐆᒃᑐᕐᓗᒍ ᐱᔪᒥᓵᕆᔪᒃᓴᐅᓐᖏᓚᑎᑦ.’”
8ᐊᒻᒪ ᓵᑖᓇᓯᐅᑉ ᔩᓱᓯ ᐊᐅᓪᓚᕈᑎᕚ ᖃᖅᑲᒧᑦ ᐳᕐᑐᔪᐊᓗᖕᒧᑦ, ᑕᑯᑎᓪᓗᒍ ᓯᓚᕐᔪᐊᕐᒥᐅᑦ ᐊᖓᔪᖅᑲᐅᕕᖏᓐᓂᒃ ᑕᑯᒥᓇᕐᓂᖏᓐᓂᒡᓗ. 9ᐅᖃᐅᑎᓪᓗᒍ, “ᑕᒪᒃᑯᐊᓕᒫᑦ ᑐᓂᓂᐊᕐᐸᒃᑲ ᐃᓕᖕᓄᑦ, ᓵᓐᓄᑦ ᓰᖅᑯᕐᓗᑎᑦ ᑐᒃᓯᐊᕐᕕᒋᒍᕕᖓ.”
10 #
ᒨᓯᓯ ᑕᓪᓕᒪᖏᑦ 6:13. ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”
11ᑕᕝᕙ ᓵᑖᓇᓯᐅᑉ ᕿᒪᒃᐹ; ᑕᑯᒋᓪᓗ, ᐂᖏᓖᑦ ᔩᓱᓯ ᐅᐸᒃᓗᒍ ᐃᑲᔪᓕᕐᐹᑦ.
ᔩᓱᓯᐅᑉ ᐱᓇᓱᐊᓕᕐᓂᖓ ᒐᓕᓕᐊᒥ
ᒫᑯᓯ 1:14-15; ᓘᑲᓯ 4:14-15
12 #
ᒫᑎᐅᓯ 14:3; ᒫᑯᓯ 6:17; ᓘᑲᓯ 3:19,20. ᔩᓱᓯ ᑐᓴᕋᒥ ᔪᐊᓇᓯᐅᑉ ᑎᒍᔭᐅᓂᖓᓂᒃ, ᒐᓕᓕᐊᒧᐊᕐᐳᖅ. 13#ᔪᐊᓇᓯ 2:12.ᐃᒡᓗᒐᓮᑦ ᓈᓴᕇᑎ ᕿᒪᒡᓗᒋᑦ ᑲᐲᕐᓂᐊᒥ ᓄᓇᖃᕆᐊᕐᑐᕐᐳᖅ, ᑕᓯᐅᑉ ᓯᓈᓃᑦᑐᒥ, ᓯᐳᓗᓂᐅᑉ ᓈᑉᑕᓕᐅᓪᓗ ᐃᓚᖓᓃᑦᑐᒧᑦ. 14ᑍᒤᓚᐅᕐᐳᖅ ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᖏᑦ ᓇᓚᐅᑦᓯᓕᖁᓪᓗᒋᑦ, ᐅᖃᕐᑐᑦ:
15 #
ᐂᓮᐊᓯ 9:1,2. “ᓯᐳᓗᓂᐅᑉ ᓄᓇᖓ, ᓈᑉᑕᓕᐅᓪᓗ ᓄᓇᖓ,
ᐃᒪᕐᒧᑦ ᑐᕌᖓᔫᑉ ᐊᖅᑯᑎᖓᓃᑦᑑᒃ, ᔪᐊᕐᑕᓂᐅᑉ
ᐊᑭᐊᓂ, ᒐᓕᓕᐊ ᔫᑎᐅᖏᑦᑐᑦ ᓄᓇᖓᑦ,
16ᑕᕝᕙᓂ ᐃᓄᐃᑦ ᑖᕐᑐᒦᑦᑐᑦ
ᖃᐅᒪᔪᕐᔪᐊᖅ ᑕᑯᕚᑦ,
ᑐᖂᓪᓗ ᑕᕐᕋᓕᓂᖓᓃᑦᑐᓄᑦ ᖃᐅᒪᔪᖅ ᓴᖅᑭᑉᐳᖅ.”
17 #
ᒫᑎᐅᓯ 3:2. ᑕᕝᕙᓐᖓᑦ ᐱᒋᐊᕐᓗᒍ ᔩᓱᓯ ᐊᔪᕆᕐᑐᐃᓯᕗᖅ, ᐅᖃᕐᓗᓂ: “ᖃᕿᐊᓕᕆᑦᓯ, ᕿᓚᐅᑉ ᐊᑕᓂᐅᕕᐊ ᖃᒡᓕᓕᕐᒪᑦ!”
ᔩᓱᓯᐅᑉ ᐃᖃᓗᒃᓯᐅᕐᑎᓂᒃ ᓯᑕᒪᓂᒃ ᕾᖁᔨᓂᖓ
ᒫᑯᓯ 1:16-20; ᓘᑲᓯ 5:1-11
18ᔩᓱᓯ ᒐᓕᓕᐊᑉ ᑕᓯᕐᔪᐊᖓᑕ ᓯᓈᒍᑦ ᐱᓱᒃᓗᓂ, ᑕᑯᕗᖅ ᓄᑲᕇᖕᓂᒃ ᒪᕐᕉᖕᓂᒃ, ᓮᒨᓂᒥᒃ ᐲᑦᑐᕉᓯᒥᒃ ᑍᔭᐅᔪᖅ ᖃᑕᓐᖑᑖᓂᒡᓗ ᐋᓐᑐᕉᒥᒃ, ᓄᓗᑦᔨᕋᓱᐊᕐᑑᖕᓂᒃ ᑕᓯᕐᒧᑦ, ᐃᖃᓗᒃᓯᐅᕐᑎᐅᒐᒥᒃ. 19ᔩᓱᓯ ᑖᒃᑯᖕᓄᖓ ᐅᖃᕐᐳᖅ, “ᒪᓕᒃᓯᓐᖓ, ᐃᓄᖕᓂᒃ ᐃᖃᓗᒐᓱᒃᑐᑎᑐᑦ ᐱᓇᓱᐊᕐᑎᓛᕋᑦᓯᒃ.” 20ᑕᕝᕔᓐᓇᖅ ᓄᓗᐊᑎᒃ ᕿᒪᒡᓗᒋᑦ, ᔩᓱᓯ ᒪᓕᒃᓴᕐᐹᒃ.
21ᑕᕝᕙᖓᑦ ᐱᓱᓕᕐᒥᒐᒥ, ᓄᑲᕇᖕᓂᒃᑕᐅᖅ ᒪᕐᕉᖕᓂᒃ ᑕᑯᒋᕗᖅ, ᔧᒥᓯᒥᒃ ᔪᐊᓇᓯᒥᒡᓗ ᓯᐱᑎᐅᑉ ᐃᕐᓂᖏᖕᓂᒃ, ᑖᒃᑯᐊᒃ ᐅᒥᐊᒦᑉᐴᒃ ᐊᑖᑕᑎᒃ ᓯᐱᑎ ᐃᓚᒋᓪᓗᒍ, ᓄᓗᐊᒥᖕᓂᒃ ᐊᖕᒪᔪᐃᔧᔪᒃ, ᑖᒃᑯᐊᒃᑕᐅᖅ ᕾᖁᕚᒃ. 22ᑕᕝᕔᓐᓇᖅ ᐅᒥᐊᖅ ᐊᑖᑕᑎᒃᓗ ᕿᒪᒃᐹᒃ, ᔩᓱᓯ ᒪᓕᒃᓗᒍ.
ᔩᓱᓯᐅᑉ ᐊᔪᕆᕐᑐᐃᓂᖓ ᐋᓐᓂᐊᔪᓂᒡᓗ ᐋᖅᑭᒃᓯᓂᖓ
ᓘᑲᓯ 6:17-19
23 #
ᒫᑎᐅᓯ 9:35; ᒫᑯᓯ 1:39. ᔩᓱᓯ ᒐᓕᓕᐊᓕᒫᒥ ᓇᒧᑐᐃᓐᓇᖅ ᐂᖃᑦᑕᕐᐳᖅ, ᐊᔪᕆᕐᑐᐃᕙᒡᓗᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᐅᖃᐅᓯᖃᕐᓗᓂ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐊᑦᔨᒌᖏᑦᑐᓂᒃ ᐋᓐᓂᐊᓖᑦ ᖃᓂᒪᔪᓪᓗ ᐃᓄᐃᑦ ᐋᖅᑭᒃᐰᑦ. 24ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ. 25ᐃᓄᒋᐊᒃᑐᕐᔪᐊᑦ ᒪᓕᒃᐹᑦ ᒐᓕᓕᐊᒥᑦ ᑎᑲᐳᓖᓯᒥᓪᓗ, ᔨᕉᓴᓕᒻᒥᓪᓗ, ᔫᑎᐊᒥᓪᓗ, ᔪᐊᕐᑕᓂᐅᓪᓗ ᐊᑭᐊᓂᑦ ᐱᓯᒪᔪᓕᒫᑦ ᒪᓕᒃᐹᑦ.
Zvasarudzwa nguva ino
ᒫᑎᐅᓯᐅᑉ ᐊᒡᓚᖏᑦ 4: EAIB
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Eastern Arctic Inuktitut Bible © Canadian Bible Society, 2012, 2021-2023.