युहन्ना 15
15
आङगुरको सिङ रो दालेङगेलाइ
1जातिङको आङगुरको सिङ कादोङ हिघा, कालाउ काङको आबा खेतिपाका हि। 2काता हिका गोताङ दालेङ जाइ फल मासेपाखे वा इङकोहेङ धाइगिलावा रो फल सेपाका गोताङ दालेङहेङ आरोङ हेन्जा फल स्याको दोअ्तेङ वा तुमप्यावा। 3का नेलाइहेङ दोअ्का बचनहोइ नेलाइ लाम्फादोङ पुनित जेङसुहोइना। 4काता हिसु रो का नेलाइता ह्याङका। जेसापा दालेङ आङगुरको सिङता माहि पानु इङको ताइमिङ फल सेपालि माद्वावा। एन्सा दोङ नेलाइ काता माहिसुन्हा पानु नेलाइ बुङ मादोस्वाना।
5 “आङगुरको सिङ कादोङ रो नेलाइचाहिँ दालेङगेलाइ। जाइ काता हिखे, का बुङ वाता ह्याङका रो एसापा इङको हेन्जा फल सेपावा। हाइपानु कासो फारापा हितेङ नेलाइ हाइ बुङ पालि मादोस्वाना। 6जाइ द्याङ काङकोता माहिनु, इङको दालेङभाइपाङ बाहार थालन्हावा रो इङको सेनावा। इस्का दालेङगेलाइ द्याङगेलाइ जोम्पातेङ मेता दुकावा। 7एदि नेलाइ काङकोता हिसुन्हा पानु रो काङको दोअ्का बचनगेलाइ बुङ नेलाइता हिनु, नेलाइ भोका काथा र्हेनु निङस्वाना। 8नेलाइ हेन्जा फल सेपातेङ काङको चात्या दोअ्का साबित पासुन्हा पानु इदोङता काङको आबाको पारताप ज्यावा।
9 “आबा कासेहेङ जेसापा माया पाका हि, का बुङ नेलाइहेङ माया पाका हिघा। नेलाइ काङको मायाता हिसु। 10एदि काङको हुकुमगेलाइ साअ्सुन्हा पानु नेलाइ काङको मायाता हिस्वाना। जेसापा का काङको आबाको हुकुमगेलाइ साअ्का हिघा रो वाको मायाता ह्याङका। 11का इदोइ काथा नेलाइहेङ इदोइभाअ्सिङ दोअ्का हिघा, काङको सुकाका नेलाइता ह्याको रो नेलाइको सुकाका पोङघाको।
12 “काङको हुकुम इदोइदोङ, जेसापा का नेलाइहेङ माया पाघा, नेलाइ बुङ एअ्मि भेनेङहेङ एन्सा दोङ माया पासु। #
युहन्ना १३:३४; १५:१७; १ युहन्ना ३:२३; २ युहन्ना १:५ 13ताइको सानाइतिगेलाइको भाअ्सिङ ताइको पारान पिकाखान्तेङ बारका माया बो हाइदोङ माजेङखे। 14नेलाइहेङ का जेदोङ हुकुम पाखा इङको नेलाइ मानिसुन्हा पानु नेलाइ काङको सानाइति। 15एलासो का नेलाइहेङ कामत्या मादोअ्ताङका, हाइपानु इङकोको मालिक हाइ पाखे कामत्या मागिखे। कालाउबुङ का नेलाइहेङ सानाइति दोअ्का हिघा, हाइदोनु जेदोङ का काङको आबासो हिङघा, का इङको गोताङ नेलाइहेङ दोअ्पिका हिघा। 16कासेहेङ नेलाइ मासालसुन्हा, कालाउ का नेलाइहेङ साल्घा। नेलाइ हानिसु रो फल सेपासु कालाउ नेलाइको फल हितेङ ह्याको। एन्साङ नेलाइ आबादोफा काङको मिङता जेदोङ र्हेस्वाना, वा नेलाइहेङ इङको प्यावा। 17का नेलाइहेङ इदोइ हुकुम पिदोङखा, नेलाइ एअ्मि भेनेङहेङ माया पासु।
दुनियाको द्याङगेलाइ चात्यागेलाइहेङ खाङलि माकिअ्का
18 “दुनियाको द्याङगेलाइ नेलाइहेङ खाङलि माकिअ्नु, नेलाइहेङ खाङलि माकिअ्का लाम्फा इङको कासेहेङ खाङलि माकिअ्का। 19एदि नेलाइ इदोइ दुनियाको हिनुते दुनिया नेलाइहेङ ताइको दोअ्तेङ दायाधावा। कालाउबुङ नेलाइहेङ इदोइ दुनियासो माको। नेलाइहेङ दुनियासो का साल्घा, इदोइभाअ्सिङ दुनिया नेलाइहेङ खाङलि माकिअ्खे। 20का नेलाइहेङ दोअ्का बचन फोम पासु, ‘कामत्या साअ्को मालिकखान्तेङ बारका माजेङखे।’ एम्बालाइ कासेहेङ सान्ताइहि पानु नेलाइहेङ बुङ सान्तायावा। एम्बालाइ काङको बचन साअ्हि पानु नेलाइको बचन बुङ साअ्तावा।#मत्ति १०:२४; लुका ६:४०; युहन्ना १३:१६ 21कालाउबुङ एम्बालाइ इदोइ गोताङ काथा काङको मिङको भाअ्सिङ नेलाइहेङ पावा, हाइदोनु एम्बालाइ कासेहेङ दिङगिलकाहेङ मानाल्खे।
22 “का मालोका हिनु रो एम्बालाइहेङ मादोअ्पिका हिनु एम्बालाइ पापको दुसि माजेङधावा। कालाउबुङ एला ते ताइको पापको भाअ्सिङ एम्बालाइदोफा हाइदोङ निउ मान्थु। 23जाइ कासेहेङ दिगमिग पाखे, इङको काङको आबाहेङ बुङ दिगमिग पाखे। 24एदि बो हासुङ मापाका काम का एम्बालाइको माझाता मापानु, एम्बालाइ पापको दुसि माजेङधावा। कालाउबुङ एला एम्बालाइ कासेहेङ रो काङको आबाहेङ सुदाङ तिङका हि रो दिगमिग पाका हि। 25कालाउबुङ न्यामता लेखिका इदोइ बचन पोङघाहि, ‘एम्बालाइ कासेहेङ हाइदोङ काथा माकोसिङ खाङलि माकिअ्हि।’#ले ३५:१९; ६९:४
26 “जेलाउ साल्हापिका ल्वावा जाइहेङ का आबाको पाहासो सत्तेको हाङसा नेलाइकोता दिङगिलप्यावा। जाइ आबासो लोखे वादोङ काङको बारेता दासि प्यावा। 27नेलाइ लाम्फासो दोङ कादोफा हिका हिनाङसिङ नेलाइ बुङ काङको दासि जेङस्वाना।”
Zvasarudzwa nguva ino
युहन्ना 15: DHIM
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.