Mavhesi emuBhaibheri Ane Mukurumbira kubva kuna ᐃᓗᐊᕐᓮᔩᑦ ᐊᒡᓚᖏᑦ 6

Pakurirana nevamwe

ᑕᕝᕙᓂᓗ ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᓚᐅᕐᐹ ᐅᖃᐅᑎᓪᓗᒍᓗ, “ᐊᑕᓂᐅᑉ ᐃᓚᒋᕚᑎᑦ, ᐊᖑᑕᐅᓪᓗᑎᑦ ᐅᓇᑕᕐᓂᕐᒧᑦ ᐊᔪᖏᑦᑐᕐᔪᐊᖑᔪᑎᑦ!”

ᐊᑕᓂᐅᓪᓕ ᓵᕝᕕᒋᓪᓗᒍ ᐅᖃᐅᑎᕚ, “ᐂᓕᕆᑦ ᐊᔪᖏᓐᓂᖅ ᒫᓐᓇ ᐱᔧᑦ ᐊᑐᕐᓗᒍ ᐃᓴᕆᐊᓕᒥᐅᑦ ᓴᐳᑎᔭᕐᑐᓕᒃᑭᑦ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓂᑦ; ᐅᕙᖓ ᒫᓐᓇ ᑎᓕᕙᒋᑦ.”

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᐃᓚᒋᓂᐊᕐᐸᒋᑦ ᒥᑎᐊᓂᒥᐅᑦ ᓵᓚᒋᓂᐊᕐᐸᑎᑦ ᐃᓄᒃᑐᑦ ᐊᑕᐅᓯᕐᑐᑦ.”

ᒋᑎᐅᓂᐅᑉ ᐅᖃᐅᑎᕚ, “ᕿᓄᕕᒋᕙᒋᑦ ᐅᐱᓐᓇᕐᑑᖅ, ᐊᑕᓂᐅᓪᓕ ᐃᓚᒋᒃᐸᑎᒍᑦ, ᓱᖕᒪᓪᓕ ᐃᒤᑦᑐᐊᓗᖕᒦᑉᐱᑕ? ᓇᐅᒡᓕ ᑍᒃᑯᐊ ᐊᑕᓂᐅᑉ ᐱᓂᐊᕐᓂᖏᑦ ᑲᒪᓇᕐᑐᑦ ᓯᕗᓕᑦᑕ ᐅᖃᐅᓯᕆᕙᓚᐅᕐᑕᖏᑦ, ᐅᖃᕐᐸᓚᐅᕐᒪᑕ, ‘ᐊᑕᓂᐅᑉ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᒪᑎᒍᑦ?’ ᒫᓐᓇᓕ ᐊᑕᓂᐅᑉ ᑲᒪᒋᔪᓐᓃᕐᐹᑎᒍᑦ, ᑐᓐᓂᖅᑯᑎᒋᓪᓗᑕᓗ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓄᑦ.”

ᒋᑎᐅᓂᐅᑉ ᑭᐅᕚ, “ᕿᓄᕗᖓ, ᐊᑕᓃᖅ, ᖃᓄᕐᓕ ᓴᐳᑦᔨᔪᓐᓇᕐᐳᖓ ᐃᓴᕆᐊᓕᒥᐅᓂᒃ? ᑭᖑᕚᖑᖃᑎᑦᑎᓐᓂᑦ ᐃᓚᒌᒃᑐᒍᑦ ᓴᓐᖐᓐᓂᕐᐹᖑᒐᑦᑕ ᒫᓇᓯᐅᑉ ᑭᖑᕚᖏᓐᓂ, ᐅᕙᖓᓗ ᓱᓇᐅᖏᓐᓂᕐᐹᖑᓪᓗᖓ ᐃᓚᑦᑎᓐᓂᑦ.”

ᐊᑕᓂᐅᓪᓕ ᐂᖏᓕᖓ ᕾᓚᐅᕐᐳᖅ ᐃᖏᓪᓗᓂᓗ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓄᑦ ᓄᓇᒥ ᐅᐸᕋᒥ, ᔪᐊᓯᐅᑉ ᓄᓇᖁᑎᖓᓄᑦ, ᐊᐰᔭᕆᑎᐅᑉ ᑭᖑᕚᖓᓄᑦ. ᐃᕐᓂᖓ ᒋᑎᐅᓂ ᐹᓚᐅᒑᒃᓮᑦ ᓄᕗᖏᓂᒃ ᐲᔧᓚᐅᕐᐳᖅ ᐊᓇᐅᓕᕐᓗᒋᑦ ᕔᓂᒃᓴᓂᒃ ᐃᑦᑏᔧᕕᐅᑉ ᐃᓗᐊᓂ ᒥᑎᐊᓂᒥᐅᓂᑦ ᐃᔨᕐᓯᒪᓪᓗᓂ.

ᑍᒤᒻᒪᑦ ᒋᑎᐅᓂ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ ᐊᑦᑎᕐᓗᒍᓗ, “ᐊᑕᓂᖅ ᐃᓂᓪᓚᖓᑦᓯᐊᕐᓇᕐᐳᖅ.” ᐅᓪᓗᒥᒧᑦ ᓱᓕ ᓇᐸᕗᖅ ᐅᐸᕋᒥ, ᐃᓚᒌᑦ ᐊᐰᔭᕆᑎᑦ ᓄᓇᖁᑎᖓᓂ.

ᒋᑎᐅᓂᐅᑉ ᐅᖃᐅᑎᕚ, “ᖁᕕᐊᒋᒍᕕᖓ, ᓇᓗᓁᒃᑯᑕᕐᒥᒃ ᑐᓂᓯᕕᒋᓚᐅᓐᖓ ᐃᕝᕕᓪᓚᕆᐅᖕᒪᖔᕐᐱᑦ ᐊᑕᓃᖅ.

ᐊᑕᓂᐅᓪᓕ ᐅᖃᐅᑎᕚ, “ᐃᓱᒫᓗᖏᑦᓯᐊᕆᑦ; ᑲᑉᐱᐊᓱᖏᓪᓗᑎᑦ. ᑐᖁᓂᐊᓐᖏᓚᑎᑦ.”

ᐃᓴᕆᐊᓕᐅᑉ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ, ᑍᒤᒻᒪᑦ ᒥᑎᐊᓂᒥᐅᓄᑦ ᐊᐅᓚᑕᐅᑎᓚᐅᕐᐰᑦ ᐊᕐᕌᒍᓂᒃ 7ᓂᒃ.