Mavhesi emuBhaibheri Ane Mukurumbira kubva kuna Afisu 4

Pakurirana nevamwe

A na ya yaꞋan nannai, yaꞋankpanai kasingai, ka̱ta̱ i yotsongu asuvayali. Cinukpakai uma a ayin a na baci a nusakai ɗa̱, tsu na Ka̱shile a̱ ka̱ci ka̱ ni u cinukpakai ɗa̱ unushi u ɗa̱ adama a̱ Kishi.

A̱ ubuta̱ wi ili i na yi a kuyaꞋan dem, yaꞋin babu a̱ra̱ɗi ka̱ta̱ yi indana uma a na a buwai n asuvu a̱ yuwu. Adama a na i ciga uma, remei a̱ɗu, ka̱ta̱ kpamu i yaꞋan wupa a ayin a na baci a yaꞋin ili i gbani-gbani ba.

Ka̱ta̱ vi ya yaꞋan kadanshi ka gbani-gbani ba, amma vu dansa ili i singai i na i kuzuwa uma a gbama. Dansa ili i na i gaꞋin adama a aza a na a kupanaka wu ka̱ta̱ ili i na vu dansai i gaꞋan le.

Ka̱sa̱kpa̱i mokovonoi, n wupa, n kuna̱mgba̱ ka̱tsuma̱ n uma. Ka̱ta̱ i yaꞋan kanananai ko i shika uma, ko i yaꞋan ili i yoku i wupa i na i kutuka̱ n atakaci ba.

A ayin a na baci vi yaꞋin wupa, ka̱ta̱ vi yaꞋan unushi ba, ka̱ta̱ vu zuka vu ka̱sa̱kpa̱ kuyaꞋan wupa kafu kanna ka̱ yikpa̱. Ka̱ta̱ i neke Kalijani uye u lyaꞋa utsura u ɗa̱ ba.

O yotsongusu ɗa̱ ta̱ i ka̱sa̱kpa̱ uye u kuku u na yi ishi o kuyongo n ci cau. N ayin a nan lo, wuma u ɗa̱ wi ta̱ a̱ kuna̱mgba̱ adama a na i ci ciga ta̱ kuyaꞋan ili i gbani-gbani kakau dem. Gogo na u gaꞋan ta̱ i ka̱sa̱kpa̱ Ka̱shile ka sabaꞋa wuma u ɗa̱ adama a na i gita̱ kuyaꞋan kusheshe ku savu. Ka̱sa̱kpa̱i Ka̱shile ko bonoko ɗa̱ uma a savu. Ka̱shile ka zuwa ɗa̱ ta̱ yo okpo ci ni, adama a nannai yo okpo kpamu ciɗa n usuɓi a̱ ubuta̱ u mayun.

Ayinviki a̱ Ka̱shile o bonoko ɗa̱ ta̱ vi te, dakakai i yongo a̱ ubuta̱ u te m ma̱ta̱na̱, adama a na i lyaꞋa kelime n kokpo vi te.

A̱yi ɗa vuza na u nekei kuneꞋe kakau ku nam pa ka wa aza o Kutoni: u zagbai aza o yoku o okpo azusuki, u zagbai uma o yoku o okpo eneki, aza o yoku kpamu aza a kudana uma kadanshi ka̱ Ka̱shile. Ɗa u zagbai uma o yoku kpamu a̱ la̱na̱ aza o Kutoni, ka̱ta̱ kpamu o yotsongusu le. U yaꞋan ta̱ nannai, adama a na uma a nam pa, o foɓuso uma a̱ Ka̱shile a yaꞋanka yi tsugbashi, ka̱ta̱ a aza o Kutoni a na i ikyamba i Kishi, o doku o gbonguro n utsura. A uye u nam pa, ra̱ka̱ vu tsu ci ta̱ o kuɓolongu tsu vuza te n tsu na tsu ushuki n Ka̱shile ɗa kpamu ci yevei Maku ma̱ ni, ra̱ka̱ vu tsu kpamu ci ta̱ o kokpo aza a na a lyaꞋi kelime. Ɗaɗa, ci ta̱ o kokpo ci Kishi mayin, vuza na wi derere tsu na u gaꞋin.

Tso kudoku tsa buwa tsu muku kpamu ba. Ci kpamu o kokpo an kpantsu ku na aɓau a ci ɗika a kubanka a̱ ubuta̱ u na a cikalai ba. Tsa kuzuwa a̱ɗu a̱ tsu a̱ ubuta̱ wa aza a na i a kugbagbala kuya̱nsa̱ tsu n kuyotsongusu ka aꞋuwa ba. Tsu kucikpa tsu dansa ili i mayun, ka̱ta̱ ci ciga itoku i tsu, adama a na tsu gbonguro ka̱ta̱ tso okpo vi te n Kishi mayin, vuza na wi kaci ka̱ a̱Ꞌisa̱ a aza o Kutoni.