Salmos 70
70
1Hneˉ Dio kya̱a̱nꜙ, ñaˉ mahꜗ yaˉlä̱ä̱ˋ jnäꜘ.
Ñaˉ cha̱hꜘ DSAˉJØ̱Ø̱Hˈ kya̱a̱nꜙ mahꜗ kwaˊ beꜘ kinꜙ.
2Waˊ jä̱ꜘ oˉhihꜙ hiꜙ waˊ ka̱hˈ waˊ gwë̱hˈ hʉʉˊdsëˉ kihꜗ hi̱ˉ hnøøꜗ jngëëhꜗ jnäꜘ.
Waˊ dsaˉje̱e̱yh˜ taꜙ kaˊluuˊ hi̱ˉ hnøøꜗ jmeehꜙ jnäꜘ.
3Waˊ dsaˉje̱e̱h˜ kya̱a̱hˊ oˉhihꜙ läꜙjë̱ë̱ꜙ hi̱ˉ ngɨɨ˜ kinꜙ hi̱ˉ jähꜘ:
“Naꜗ baˊ raˉ si˜ maˉta̱yhꜘ.”
4Waˊ cha̱a̱ˉ lluꜗ hiꜙ waˊ jë̱ë̱ˉ dsëꜗ läꜙjë̱ë̱ꜙ hi̱ˉ hnaahˉ hneˉ.
Läꜙjë̱ë̱ꜙ hi̱ˉ hnøøꜗ lä̱ä̱ꜘ, waˊ jäyhꜘ tä̱ä̱ꜘ:
“Peerꜙ jø̱hˈga̱a̱ˉ Dio.”
5Peerꜙ jwɨɨ˜ jnäꜘ jëën˜ wɨɨꜘ,
ñaˉ cha̱hꜘ Dio kya̱a̱nꜙ yaˉlä̱ä̱ˋ jnäꜘ.
Hneˉ hi̱ˉ kwaꜙ beꜘ kinꜙ, hneˉ hi̱ˉ lä̱ä̱˜ jnäꜘ,
taꜙ miˉhɨɨˊ DSAˉJØ̱Ø̱Hˈ kya̱a̱nꜙ.
Trenutno izbrano:
Salmos 70: chz
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© 2003, Wycliffe Bible Translators, Inc. All rights reserved.