Salmos 67
67
1Hneˉ Dio kya̱a̱nꜙ,
waˊ läˉñihꜘ hohꜘ jnäähˈ mahꜗ miˉjä̱ä̱ꜚ jnäähˈ.
Miˉjnääˈ heˉ lluꜗ hohꜘ kya̱a̱ꜗ jnäähˈ.
2Läꜙja̱ˉ läꜙkyʉʉh˜ läꜙjë̱ë̱ꜙ dsaˉ jwëˈ kyahꜗ.
Läꜙka̱a̱ˉ jmɨˉgyʉʉꜙ läꜙngëëyꜘ heˉ lä̱ä̱hˊ dsaˉ jmɨˉgyʉʉꜙ.
3Waˊ häꜘ läꜙjë̱ë̱ꜙ dsaˉ kyahꜗ, hneˉ Dio kya̱a̱nꜙ.
Läꜙjë̱ë̱ꜙ dsaˉ waˊ häꜘ kyahꜗ.
4Läꜙjë̱ë̱ꜙ dsaˉ jmɨˉgyʉʉꜙ waˊ jë̱ë̱ˉ dsëyꜗ hiꜙ waˊ cha̱a̱yˉ lluꜗ.
Jëëhꜘ kya̱a̱hˊ juꜗdsooꜘ llahˉ taˊ kihˈ dsaꜙ.
Hneˉ baˊ jä̱ä̱hꜙ dsaˉ hi̱ˉ tä̱ä̱hˊ läꜙka̱a̱ˉ jmɨˉgyʉʉꜙ.
5Waˊ häꜘ läꜙjë̱ë̱ꜙ dsaˉ kyahꜗ, hneˉ Dio kya̱a̱nꜙ.
Läꜙjë̱ë̱ꜙ dsaˉ waˊ häꜘ kyahꜗ.
6Läꜙja̱ˉ hwaꜗ, maˉkwaꜘ baˊ mɨˈhmaˉ.
Dio jnänˋ maˉmiˉjø̱ø̱yꜗ baˊ.
7Waˊ miˉjä̱ä̱ꜗ Dio jneˊ, mahꜗ läꜙjë̱ë̱ꜙ hi̱ˉ tä̱ä̱hˊ läꜙ gaꜙtëꜘ jeeˊ dsa̱a̱ˉ hwaꜗ, waˊ ga̱hꜙ dsihꜘ.
Trenutno izbrano:
Salmos 67: chz
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© 2003, Wycliffe Bible Translators, Inc. All rights reserved.