Salmos 120
120
1Maˊ gyanˊ jëën˜ wɨɨꜘ gaꜙchu̱u̱nꜗ kya̱a̱hˊ DSAˉJØ̱Ø̱Hˈ kya̱a̱nꜙ,
hiꜙ gaꜙje̱e̱hˉ bihꜗ kinꜙ.
2Hneˉ DSAˉJØ̱Ø̱Hˈ kya̱a̱nꜙ,
lä̱ä̱ˋ jnäꜘ kihꜗ läꜙjë̱ë̱ꜙ hi̱ˉ taˉju̱u̱ˈ hiꜙ kihꜗ hi̱ˉ miˉga̱a̱ꜙ dsaˉ.
3Niꜙ miihˉ saꜙ ñehˊ haˉ läꜙ leꜘ kyahꜗ, hneˉ hi̱ˉ taˉju̱u̱ˈ.
Niꜙ miihˉ saꜙ ñehˊ haˉ läꜙ jmeeꜗ Dio kihꜗ hi̱ˉ miˉga̱a̱ꜙ dsaˉ.
4Che̱e̱yꜗ hløøꜘ hi̱ˉ hä̱ä̱ˈ hi̱ˉ jmäähꜙ hneˉ dsooˊ kya̱a̱hˊ flecha,
hiꜙ jwäyꜗ hmaˉjeˉ nëˊ kyahˈ.
5Peerꜙ jwɨɨ˜ jnäꜘ hi̱ˉ gyaꜗ jeeˊ jwɨɨˉ aMesec.
Jwɨɨ˜ jnäꜘ hi̱ˉ gyaꜗ jeeˊ kihˈ hi̱ˉ tä̱ä̱hˊ aCedar.
6Maˉläˉhɨɨˋ gyanˊ jeeˊ kihˈ hi̱ˉ saꜙ hnøøꜗ goˉte˜ heˉ hɨɨꜗ tiiˊ kihˈ.
7Jnäꜘ hnoonꜗ hɨɨꜗ tiiˊ kinꜙ.
Pero waˊraˉ gaꜙhlë̱ë̱hˋ jnihꜘ, cha̱hꜘ baˊ hnøøyꜗ hniiˉ.
Trenutno izbrano:
Salmos 120: chz
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© 2003, Wycliffe Bible Translators, Inc. All rights reserved.