1. Tessalonicha 5
5
Siet reed to aule Tiet!
1Soo, leewe Breeda, äwa Tiet un Stund wanea Jesus komen woat, es daut nich needich, junt mea to schriewen. #Mat 24,36 2Jie weeten selfst goot, daut dän Harn sien Dach soo komen woat, aus een Stäla enne Nacht. #Mat 24,42-44; 2Pet 3,10; Opb 3,3; 16,15 3Wan de Menschen sajen woaren: Aules es ruich un secha, dan woat äa vedoawen plazlich äwa an komen soo aus de Weedoag äwa eene Fru komen, dee een Kjint to Welt brinjt. Doa woat daut kjeen doavonkomen jäwen. #Jer 6,14; Mat 24,39 4Oba jie, Breeda, sent nich von dee, dee em diestren läwen, daut junt dee Dach aus een Stäla äwafaulen kaun. 5Jie aula sent Kjinja vom Licht un Kjinja vom Dach. Wie sent nich vonne Nacht un uk nich vom diestren. #Reema 13,12; Efs 5,8 6Dan well wie nu uk nich schlopen, soo aus de aundre. Well wie waka un bie kloaren Vestaunt bliewen. #1Pet 5,8 7Dee waut doa schlopen, dee schlopen de Nacht, un dee waut sikj bedrinkjen, bedrinkjen sikj de Nacht. 8Oba wiels wie toom Dach jehieren, well wie kloa denkjen, un Gloowen un Leew aus een Brostschilt droagen un de Hopninj opp onse Seelichkjeit aus een Schutzhelm. #Efs 6,14-17 9Gott haft ons nich doatoo bestemt, daut ons sien Jerecht trafen saul, oba daut wie derch onsen Harn Jesus Christus seelich woaren. 10Jesus storf fa ons, soo daut wie nu, auf wie schlopen ooda waka sent, met am toop läwen kjennen. #Reema 14,8-9 11Doawäajen moakt junt unjarenaunda Moot un but junt unjarenaunda opp, soo aus jie daut uk doonen. #Heb 3,13
Latste Aunwiesungen
12Breeda, ekj saj junt noch, hoolt dee en Ieren, dee mank junt en de Jemeent oabeiden, dee Gott äwa junt jesat haft un dee junt belieren. #1Kor 16,18 13Wiels see de Oabeit doonen, wiest daut jie Leew fa an habt. Un läft frädlich met eenaunda. 14Breeda, siet mootich un wiest dee trajcht, dee onordentlich läwen. Treest dee, dee de Moot verutscht es. Halpt de schwake un haft met aulen Jedult. #2Tess 3,15 15Seet doano, daut kjeena däm aundren schlajchtet met schlajchtet trigjtolen deit. Sträft emma doano, junt unjarenaunda goodet to doonen, un daut uk aun aule Menschen. #Spr 20,22; Reema 12,17.21; 1Pet 3,9
16Siet emma froo. #Flp 4,4 17Hoolt aun met bäden. #Luk 18,1-8; Reema 12,12; Efs 6,18; Kol 4,2 18Siet en aule Loagen dankboa, wiels Gott daut en Christus Jesus von junt velangt. #Efs 5,20 19Unjadrekjt dän Jeist nich. #(19 un 20) 1Kor 14,1.39 20Veacht nich, waut profeetisch jesajcht woat. 21Unjasieekjt aules, un waut goot es hoolt faust. #1Kor 14,29 22Blieft von aul daut wajch, daut waut beeset aun sikj haft.
Säajen un Moot moaken
23Mucht Gott selfst, de Frädens Gott, junt derch un derch heiljen, un junen Jeist un Seel un Kjarpa onbeschädicht un rein bewoaren, bat ons Har Jesus Christus wadakjemt. 24Hee, dee junt roopt, es tru; hee woat daut uk doonen. #1Kor 1,9; 2Tess 3,3
25Breeda, bät uk fa ons. 26Jreest aule Breeda met een heiljen Kuss. 27Ekj laj junt daut om Gott sient haulwen aunt Hoat, daut jie disen Breef aule Breeda väaläsen. 28Mucht de Jnod von onsem Harn Jesus Christus met junt sennen!
Trenutno izbrano:
1. Tessalonicha 5: PB
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Plautdietsch Bible © 2003 Kindred Productions and United Bible Societies Association, Inc.