संत.मरकुस 16
16
ईसु जिवीःड बिरिःड नेनाय
(संत.मत्ती 28:1–8; संत.लुकास 24:1–12; संत.जोहन 20:1–10)
1तेकर सथाअ हिला बिताव ना हिमीन रे, मरियम मगदलिनी हेतरअ याकुब आली एंगा मरियम हेतरअ सलोमी, हुंकू बोंगा हासुर सेन केते ईसु आला होड़ो रे ओओजाः लःअय बेस सोहों सुनूम किरिङ लअकु। 2तेकर एतवार निदवारे बोंगा तुरोः केनाय हिमीन रे, मारघटा रे सेन सोदोर नेनाकु। 3हेतरअ “मारघटा रेनअः दुवार रेनअः टुकू के ओके गुंड़राव ओचोगोः बुआय” मेन याःते सेनोः केनाकु 4तेकर दुवार के लुड़ीःग लअकु दो, टुकू गुंड़राव ओचोः ओना नेल लअकु, होना टुकू मुरुक बड़े ताही नेना। 5हेतरअ मारघटा रे भीतरी बोलो केते, दोहो ताही लियाकु होना ठाँव रे मिहोंड़ जवान होड़ के फिट-फिट जिलीङ पुँड़ी गेन्दरअ ऊयु केते जोम पखा दुड़ूः ऊनी नेल लियाकु हेतरअ दो मोकाव नाकु।
6तेकर हुनी “आलपे मोकाः” बेता लिकुआय। “ईङ पाड़ी तानिङ आपे जे कुरूस रे ठोकाव लिनी नासरत रिनी ईसु के नाम दियापे। हुनी दो जिवीःड बिरिःड नाय! नोआँड़े कनियाँ, नेलेपे नोःआँ हिना ठाँव हेके जे एड़े ईसु के दोहो ताही लियाकु।
7-8 #
सं.मत्ती 26:32; सं.मर 14:28 “बकिर आपे सेन केते, हुनी आलकु चेला के हेतरअ पतरस के, ‘आपे तरअः पहिल रे गलील सेन कोआय, जे लकान हुनी कंहड़ी ताही लःअय हेंकान आपे नेल कियापे, उदूः कुपे,’” बेता लिकुआय। तेकर हुंकू मारघटा तरअः उडुंग नेनाकु आउर होनाःड़े तरअः नीर नाकु, बोर आउर छकरित बयाव ताही लिकुआय। हुंकू ओके के होअः एतान होअः काकु कंहड़ी दाड़ी लआ, हुंकू बोरो ताही नेनाकु।
मकदाला रिनी मरियम लोः ईसु देखार नेनाय
(संत.मत्ती 28:9,10; संत.जोहन 20:11–18)
9एतवार हिला, आँगा तोरन जिवीःड बिरिःड केते, जामा तरअः पहिल रे मरियम मगदलिनी लोः देखार नेनाय, जेकर तरअः ईसु सात गो मुवाँ आतमा के उडुंग ताही लिकुआय। 10हुनी सेन केते ईसु तयोम सेनोः वाला होड़कु के, जे सोंच-फिकिर रे ताहिनाकु, हेतरअ ईयामे केनाकु के उदूः लिकुआय। 11हुंकू ईसु जिवीःड एदानिया के हेतरअ मरियम नेल लियाय के, आयुम केते काकु बिसवास लआ।
बनहोंड़ चेला लोः ईसु देखार नेनाय
(संत.लुकास 24:13–35)
12होना तयोम ईसु बनहोंड़ चेला लोः ईसु एटाअ भेस रे, डिही पखा सेनोः केनाकिन हिमीन रे देखार नेनाय। 13हेतरअ हुंकिन होअः रूवाड़ केते एटाअ होड़ के होअः उदूः लिकुआकिन, बकिर हुंकिन आला कंहड़ी केहोः काकु बिसवास लआ।
गारहो चेला लोः ईसु देखार नेनाय
(संत.मत्ती 28:6–20; संत.लुकास 24:36–49; संत.जोहन 20:19–23; प्रेरित.कामी 1:6–8)
14होना तयोम हुंकू गारहो चेला घोटो जोमे केनाकु हिमीन रे ईसु देखार नेनाय, तेकर हुनी जिवीःड बिरिःड ताहिनाय के, नेल थिलआकु, हुंकू आला कंहड़ी के कापे पतियाव नेना, तेकर हुंकू आला अनबिसवास के तेकर कठोर मन के नेल केते ईसु हुंकू के डापटाव लिकुआय। 15#प्रे.कामी 1:8तेकर हुनी “दुनिया रेनअः गोटे राईज रे सेन केते जामा होड़ के नोःआँ बेस खभाईर के परचारेपे, बेता लिकुआय। 16जे बिसवासेआय, हेतरअ बतिस्मा ईदीयाय, हुनी आला पाप तरअः उधार कोआ, बकिर जे काय बिसवासेआ, हुनी के परमेसर डांड़ एमा कियाय। 17जे बिसवासेआ कु, हुंकू रे नोःआँ चिनहा नेल कोआ, ईङ आला नुमू रे मुवाँ आतमा के उडुंग जोला किकुआकु हेतरअ नावाँ-नावाँ भाखा कंहड़ी केआकु, 18जदि, बिंङ केहोः सःब केते आलगाव किकुआकु हेतरअ जाहार माहुरा केहोः जोम गुल तआकु रे होः एरकु एतानोआ, तेकर हुंकू गेगेराङ कु के छुवाँव केते बेस किकुआकु।”
ईसु सिरमा रे आलगाव नेनाय
(संत.लुकास 24:50–53; प्रेरित.कामी 1:9–11)
19 #
प्रे.कामी 1:9–11
तेकर निआँ कंहड़ी केते परभु ईसु सिरमा रे अलगाव नेनाय, हेतरअ परमेसर आला जोम पखा दुड़ूः नेनाय। 20तेकर चेला ताय उडुंग केते गोटे ठाँव रे परचार लआकु, तेकर परभु हुंकू लोः कामी केनाय, हेतरअ कंहड़ी लअः परमेसर आला कंहड़ी के चिनहा लोः परमेसर केटेःगे केनाय। “आमीन।”
Trenutno izbrano:
संत.मरकुस 16: ASR
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© 2023 NLCI CC BY-NC-ND 4.0