ዛካራሳ 3
3
ዛካራስ ሳጻን ቄስያ ኡባቱዋ ካፑዋ በኤዳ
1ሄዋፐ ጉይያን፥ ቄስያ ኡባቱ ካፑ ኢያሱ መና ጎዳ ኪታንቻ ስንን ኤቄዳዋነ ሴጻናይካ ኢያሳ ሞታናዉ አፐ ኡሸቻ ባጋና ኤቄዳዋ መና ጎዳይ ሳጻን ታና በሴዳ።#እዝራ 5:2፤ ሳፃ 12:10 2መና ጎዳይ ሴጻና፥ “ሴጻናዉ፥ መና ጎዳይ ኔና ሴሮ፤ የሩሳላመ ዶሬዳ መና ጎዳይ ኔና ሴሮ! ሀ ብታኒ ታማፐ ከሲደ አቴዳ ጺፋ ማላ ግደኔ?” ያጌዳ።#ዳና. 9
3ኢያሱ ኪታንቻ ስንን ኤቄዳ ዎደ፥ ቅታ ማዩዋ ማይ ኡቴዳ። 4ኪታንቻይ ባረ ስንን ኤቄዳዋንታ፥ “አፐ ሀ ቅታ ማዩዋ ቃርተ” ያጌዳ። ቃይ እ ኢያሳ፥ “በአ፥ ታን ነ ባይዙዋ ኔፐ ድጋድ፤ ቦንቹዋ ማዩዋካ ኔና ማይዛና” ያጌዳ። 5ቃይካ ታን፥ “ጌሻ ሻሽያ አ ሁጲያን ጻጽተ” ያጋድ። ኡንቱንቱካ እ አዛዜዳዋዳን ኦድኖ፤ ማዩዋካ አ ማይዜድኖ። መና ጎዳ ኪታንቻይ ሄ ዎደ አ ምይያን ኤቄዳ።
6ሄዋፐ ጉይያን፥ መና ጎዳ ኪታንቻይ ኢያሱዉ ሀዋዳን ያጊደ ሽሴዳ፤ 7“ኡባፐ ዎልቃማ መና ጎዳይ ሀዋዳን ያጌ፤ ‘ኔን ታ ኦግያን ሀመቶፐነ ታ አዛዙዋ ናጎፐ፥ ኔን ታ ጌሻ ጎልያ አይሳና፤ ታ ዳባባንካ አዎታና። ቃይ ሀዋን ኤቄዳዋንቱና እትፐ ኔን ገልያ ማታ ታን ነዉ እማና።
8“ ‘ነኖ ቄስያ ኡባቱዋ ካፑዋ ኢያሱ፥ ሀዋ ስሳ! ስንና ያና ኬካባዉ ማላታ ግድያ ኔናና ኦያዋንቱካ ሀዋ ስስኖ! ታን ታሽያ ጌተትያ ታ ቆማ አሀና።#ኤር. 23:5፤ 33:15፤ ዛካ. 6:12 9በአ፥ ታን ኢያሱ ስንን ሹቻ ዎና፤ ሄ ሹቻ ቦላ ላፑን አይፈቱ ደኢኖ፤ ታን አ ቦላን ዎጫደ ጹፍያ ጻፋና። ታን ኡባፐ ዎልቃማ መና ጎዳይ ሀዋ ኦዳይ። ሄ ጋድያ ናጋራካ ታን እት ጋላስ ድጋና’ ያጌ።
10“ኡባፐ ዎልቃማ መና ጎዳይ ሀዋዳን ያጌ፤ ‘ሄ ጋላስ ህንተ ኡባይካ ህንተ ዎይንያ ቱራነ ህንተ ባላስያ ም ጋርሳን ኡቲደ፥ ህንተ ሾሮቱዋ ሾባና’ ያጌ” ያጌዳ።#ሚክ. 4:4
Trenutno izbrano:
ዛካራሳ 3: DFBE
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
The Word for the World Ethiopia