Genesỳ 16
16
Ny nahaterahan’i Jismahela
1Ary i Saray, vadin’i Abrama, dia tsy niteraka fa momba; nefa nanana mpanompovavy ejiptianina atao hoe Hagara izy 2ka niteny tamin’i Abrama hoe:
–Indro efa tsy nanome zanaka ahy ny TOMPO. Koa mba mandehana re any amin’ny mpanompovaviko; angamba hanan-janaka avy aminy aho#16.2 Ampit Gen 30.1-13. Ity fomba ity dia hita koa ao amin’ny lalàna tany Mezôpôtamia. .
Dia neken’i Abrama ny soso-kevitr’i Saray. 3Nalain’i Saray vadin’i Abrama i Hagara izay Ejiptianina mpanompovaviny ka nomeny an’i Abrama mba hovadîny; ary efa folo taona no nipetrahan’i Abrama tao amin’ny tany Kanahàna tamin’izay. 4Dia niray tamin’i Hagara i Abrama ka nitoe-jaza ravehivavy. Rehefa nahita ny tenany bevohòka i Hagara, dia nanao tsinontsinona ny tompovaviny. 5Ary hoy i Saray tamin’i Abrama:
–Manodiava anao ny fahoriako! Nomeko ho andefimandrinao ny mpanompovaviko; ka nony nahita ny tenany bevohòka izy, dia nanao tsinontsinona ahy. Koa aoka ny TOMPO no hitsara ahy sy ianao!
6Fa namaly i Abrama nanao hoe:
–Indro ny mpanompovavinao, eo ambany fahefànao izy ka ataovy izay tianao hatao aminy.
Dia nampahorîn’i Saray i Hagara ka nitsoaka nandositra. 7Hitan’ny anjelin’ny TOMPO teo akaikin’ny loharano iray tao an-taniefitra izy, dia teo amin’ny lalana mankany Sora, 8ka nanontaniany hoe:
–Ry Hagara, mpanompovavin’i Saray, avy taiza ianao, ary hankaiza?
Dia namaly izy hoe:
–Nandositra tsy ho eo anatrehan’i Saray tompovaviko aho.
9Fa hoy ilay anjelin’ny TOMPO taminy:
–Miverena any amin’ny tompovavinao, ka maneke ny fahefàny. 10Homen’ny TOMPO taranaka marobe tsy tambo isaina ianao. 11Indro efa bevohòka ianao, ka hiteraka zazalahy; ary ny anarany hataonao hoe Jismahela, satria nohenoin’ny TOMPO#16.11 Ny anarana hebreo hoe Jismahela dia mampahatsiaro ny voambolana izay nadika hoe nohenoin’Andriamanitra eto. ny fitarainanao. 12Ho toy ny boriky tsy folaka ny zanakao, ary hiady amin’ny olona rehetra sy hiadian’ny olona rehetra izy, nefa dia hitoetra misintaka amin’ny rahalahiny rehetra.
13Dia hoy i Hagara anakampo: «Moa nahita marina Ilay mahita ahy ve aho!» Ary dia nomeny ny TOMPO Izay niteny taminy izao anarana izao: «Ianao no ilay Andriamanitra mahita ahy.» 14Izany no niantsoana ilay fantsakana teo anelanelan’i Kadesy sy i Bareda hoe fantsakan’i Lahay-Rôy na fantsakan’Ilay Velona mahita ahy. 15Dia niteraka zazalahy i Hagara ka nataon’i Abrama hoe Jismahela#16.15 Jereo Gal 4.22. ny anarany. 16Efa enina amby valopolo taona i Abrama, raha niteraka io zazalahy io ho azy i Hagara.
Currently Selected:
Genesỳ 16: DIEM
Označeno
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.