Zɛ́kɔ̀wáɖádyà 7
7
Bounɓoɔ̀ nyɛ́ wɔ̃-kɔ̃-hwèɖè-hwèɖè ɓɛ́ ɔ kɔ̃̀ jè se ɖé nyɔɔ̀ hwòɖǒ bũ̌ sɔ̀ jɛ́ɛ́ kɛɛ mú
1Ɖé Kã́á Dìwáɖádyà nììn Pɔ́sìà-ɓòɖòɔ̀ wuɖuí-kɔ̃̀-zɔ̃̀ɔ̀ hĩinyɛ nììnɔ̀ xwíníín, ɓó dɛ̀nɛ̀ɔ̀ mɛ̀nɛ̌ìn-hĩinyɛ nììn mɔ̀à Kísèɖè-dɛ̀nɛ̀ɔ̀ kɛɛ wé hĩinyɛ nììnɔ̀ ɓaɖaa, Bounɓoɔ̀ wùɖù ma ḿ gbo ɖe.
2Ɔ nì ná kɛɛ, Bɛ́fèò-hwɔ̀ɖɔ̀ɔ̀ nyɔ ɓěɔ̀ ɖoɓo ma Sàwɛ́ɖɛ́zɔ̀ kè Wɛ́ɖɛ́gèìn-Mɛ́ɖɛ̀ ɔ kè waà gàa ɓěɔ̀, ɓɛ́ wa ké Bounɓoɔ̀ ɓaà, ɓɛ́ ɔ ké wa gbo kpá, 3ɔ kè ɓɛ́ wa ké sáa-zà-nyɔ̀ ɓě ɓɛ́ wa nìà ɖé Bounɓo mɔ̀ nyɔ nìà ɖɛ séín kɔ̃in nyɛɛ gbǒɔ̀ múɛ kè kpáá-ɖɛ̀-cɛ̃-nyɔ̀ ɓěɔ̀ dyi diè, ɓɛ́ wa ké níiń, “À mɛ mu dyúa, ɓɛ́ à ké wìǐn kpáuń nì, ɓɛ́ à ké wɔ̃ kɔ̃ hwèɖèɛ̌n nì ɖé dɛ̀nɛ̀ɔ̀ hm̀m̌ nììnɔ̀ xwíníín kà à ɖúó zɔ̃̌ɔ̀ kà nyuɛń dyí ɓó zɔ̃ pàɖǎ ɓě ɖǎ dyi ziɛɛ xwíníín nyɛɛ̀?”
4Hwɛ̀ ké Bounɓo mɔ̀ nyɔ nìà ɖɛ séín kɔ̃in nyɛɛ wùɖù ma ḿ gbo ɖe, ké ɔ ɖá, 5“Cɛ̃ɛ ɓóɖóɔ̀ nyɔ ɓěɔ̀ kè sáa-zà-nyɔ̀ ɓěɔ̀ gbo, ɓɛ́ m̀ ké níiń, ‘Bounɓoɔ̀ ɖá, “Ti ɓɛ́ ɓě kpá ma kà wìǐn, ké ɓě hwèɖè ma kà wɔ̃ kɔ̃ ɖé dɛ̀nɛ̀ɔ̀ hm̀m̌ nììnɔ̀ kè ɖé dɛ̀nɛ̀ɔ̀ mɛ̀nɛ̌ìn-sɔ̃́ nììnɔ̀ xwíníín, ɓó zɔ̃ kpáɖá-nyɔ tã ɓaɖa-bùè ɓěɛ̀ xwíníín nyɛɛ, ɔ mɔ̀ ní jè ɓě hwèɖè ma kà wɔ̃ kɔ̃ɛ̀e? 6Ɓě dyi ɖɛ ɖi, ké ɓě dyi ná ní, má, ɓě ɖi ɖɛ, ké ɓě ná ɓó ɓě mìɔùn bììe? 7Ti ɓɛ́ nyɔǔn-dyù cĩ́ ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké ɔ nì ma nɔ̀mɔ̀ dyíin mú, ké ɔ hwɔɖɔ-kpàǎ ɓěɔ̀ nì ɓóɛ ɖei, ké nyɔǔn-dyù cĩ́ ma ɖé Nɛ́gà-ɓòɖòɔ̀ kɔ̃ kè ɖé bɔɔ-kpà hwɔà ɖé Júɖà Toɖo-ɓòɖòɔ̀ dyóɖó-dyi-kpáìn-naínɔ̀ dyíɛ kɔ̃ɛɛ, má, mɔ̄ Bounɓoɔ̀ cɛ̃ zɔ̃̌ɔ̀ wuɖu ɓěɛ̀ dyììn ɖé kpáá-ɖɛ̀-cɛ̃-nyɔ̀ ɓě nìǒ zɔ̃̌ɔ̀ kɛɛ múe?” ’ ”
Wuɖuún-jaɖa-jaɖa dyà nyɔ toɛ̀-kpɔ̃-nyɔ̀ mú nyu-nyu
8Sɔ̀ìn ɓóɛ gboɛɛ, Bounɓoɔ̀ wùɖù ma mɔ̄ Zɛ́kɔ̀wáɖádyà gbo ɖe, ké ɔ ɖá, 9“Ɖɛ mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ cɛ̃ ní nyɔ ɓěɔ̀ gboɛɛ kɛà kɛ̀. Ɓě mɛ po dyí-sɛ́ɖɛ́ìn-ɖɛ̀ wɔ̃. Ɓě mɛ nɔ̀mɔ̀ kpeɖeín ɓó ɓě mǔè ɖò gbo, ké ɓě mɛ dyé ɓě mǔè ɖò wìǐn. 10Ɓěǐn ɖá ɓɛ́ ɓě ké jɔ̌ɔ̀-nyɔ̀nɔ̀ mɔɔ xwíè-dyù mɔɔ ɖíà mɔɔ gǎ-dyé-nyɔ̀ ɖò dyi pĩ́à. Ké nyɔ ɖò ní ɖá ɓɛ́ ɔ ké ɖɛ gbà ɖò ɔ ké ɔ mǔè ɖò bũ̌ nyuɛɛ dyí sɔ́ ɖé ɔ hwòɖǒ bũ̌.
11“Ɓě ɓǎ nììn ɓǎ ɓěɔ̀ se ma mɔ̄ Bounɓoɔ̀ wuɖuɔ̀ ɖùǔ gbo tò. Wa nyu kɛ́ɛ́, ké wa pòìn ḿ kɔ̃ín, ké wa kã waà ɖùǔ ɓěɔ̀, ɓɛ́ wa ní kɔ̃̀ ɖà ní wuɖuɔ̀ wɔ̃́. 12Wa kùmùìn ma waà hwòɖǒ-dyùà kà sɔ́ɔ́-kpò nìà kɛ, ɓɛ́ wa ní kɔ̃̀ ɖà ní gmaɔ̀ dyi kpɔ̃, mɔɔ ɓɛ́ wa ní kɔ̃̀ ɖà wuɖu tɔ̀ɔ̀ ɓě ɓɛ́ mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ tòìn kà ní Zùùɔ̀ mú dyììn ɖé ní kpáá-ɖɛ̀-cɛ̃-nyɔ̀ ɓě nìǒ zɔ̃̌ɔ̀ kɛ múɛɛ ɖò wɔ̃́. Ɔ jèɛɛ, ní dyoɖo ku wɔ̃ɔ̀ dyi ma wa kɔ̃. 13Kà ḿ dyià wa ɖá ní, wa ní wɔ̃́à ḿ wɛ̃ɛ, kà dyúáɖòɔ̀ kǎà wa ɖá ma ḿ, kɛɛ ḿ se ma wa wɔ̃́. 14Ḿ nyuɛ ma ké wa gbɛ̀ìn ma ɖé ɓóɖó-dù kà kò ɖò ɓěɛ̀ nyɔ ɓě ɓɛ́ wa se ma dyí dyuòɛɛ hwìɛ̀ dyi kà wɔ́ɔ́-pìɔ̌ gbɛ̀ìn kà ɖɛ ɖò dyiɛ. Ké ɓóɖó kɔ̃̀ kɔ̃ ɓɛ́ wa sɔ̀à kɛɛ kpá ma fóɖóún, ké nyɔ ɖò ní zĩ̀ìn ɖéɛ kɔ̃ ɖe. Ɓóɖó nɔ̀mɔ̀ dyíinɔ̀ mɔ̀ǎ ma pá fóɖóún.”
Trenutno izbrano:
Zɛ́kɔ̀wáɖádyà 7: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.
Zɛ́kɔ̀wáɖádyà 7
7
Bounɓoɔ̀ nyɛ́ wɔ̃-kɔ̃-hwèɖè-hwèɖè ɓɛ́ ɔ kɔ̃̀ jè se ɖé nyɔɔ̀ hwòɖǒ bũ̌ sɔ̀ jɛ́ɛ́ kɛɛ mú
1Ɖé Kã́á Dìwáɖádyà nììn Pɔ́sìà-ɓòɖòɔ̀ wuɖuí-kɔ̃̀-zɔ̃̀ɔ̀ hĩinyɛ nììnɔ̀ xwíníín, ɓó dɛ̀nɛ̀ɔ̀ mɛ̀nɛ̌ìn-hĩinyɛ nììn mɔ̀à Kísèɖè-dɛ̀nɛ̀ɔ̀ kɛɛ wé hĩinyɛ nììnɔ̀ ɓaɖaa, Bounɓoɔ̀ wùɖù ma ḿ gbo ɖe.
2Ɔ nì ná kɛɛ, Bɛ́fèò-hwɔ̀ɖɔ̀ɔ̀ nyɔ ɓěɔ̀ ɖoɓo ma Sàwɛ́ɖɛ́zɔ̀ kè Wɛ́ɖɛ́gèìn-Mɛ́ɖɛ̀ ɔ kè waà gàa ɓěɔ̀, ɓɛ́ wa ké Bounɓoɔ̀ ɓaà, ɓɛ́ ɔ ké wa gbo kpá, 3ɔ kè ɓɛ́ wa ké sáa-zà-nyɔ̀ ɓě ɓɛ́ wa nìà ɖé Bounɓo mɔ̀ nyɔ nìà ɖɛ séín kɔ̃in nyɛɛ gbǒɔ̀ múɛ kè kpáá-ɖɛ̀-cɛ̃-nyɔ̀ ɓěɔ̀ dyi diè, ɓɛ́ wa ké níiń, “À mɛ mu dyúa, ɓɛ́ à ké wìǐn kpáuń nì, ɓɛ́ à ké wɔ̃ kɔ̃ hwèɖèɛ̌n nì ɖé dɛ̀nɛ̀ɔ̀ hm̀m̌ nììnɔ̀ xwíníín kà à ɖúó zɔ̃̌ɔ̀ kà nyuɛń dyí ɓó zɔ̃ pàɖǎ ɓě ɖǎ dyi ziɛɛ xwíníín nyɛɛ̀?”
4Hwɛ̀ ké Bounɓo mɔ̀ nyɔ nìà ɖɛ séín kɔ̃in nyɛɛ wùɖù ma ḿ gbo ɖe, ké ɔ ɖá, 5“Cɛ̃ɛ ɓóɖóɔ̀ nyɔ ɓěɔ̀ kè sáa-zà-nyɔ̀ ɓěɔ̀ gbo, ɓɛ́ m̀ ké níiń, ‘Bounɓoɔ̀ ɖá, “Ti ɓɛ́ ɓě kpá ma kà wìǐn, ké ɓě hwèɖè ma kà wɔ̃ kɔ̃ ɖé dɛ̀nɛ̀ɔ̀ hm̀m̌ nììnɔ̀ kè ɖé dɛ̀nɛ̀ɔ̀ mɛ̀nɛ̌ìn-sɔ̃́ nììnɔ̀ xwíníín, ɓó zɔ̃ kpáɖá-nyɔ tã ɓaɖa-bùè ɓěɛ̀ xwíníín nyɛɛ, ɔ mɔ̀ ní jè ɓě hwèɖè ma kà wɔ̃ kɔ̃ɛ̀e? 6Ɓě dyi ɖɛ ɖi, ké ɓě dyi ná ní, má, ɓě ɖi ɖɛ, ké ɓě ná ɓó ɓě mìɔùn bììe? 7Ti ɓɛ́ nyɔǔn-dyù cĩ́ ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké ɔ nì ma nɔ̀mɔ̀ dyíin mú, ké ɔ hwɔɖɔ-kpàǎ ɓěɔ̀ nì ɓóɛ ɖei, ké nyɔǔn-dyù cĩ́ ma ɖé Nɛ́gà-ɓòɖòɔ̀ kɔ̃ kè ɖé bɔɔ-kpà hwɔà ɖé Júɖà Toɖo-ɓòɖòɔ̀ dyóɖó-dyi-kpáìn-naínɔ̀ dyíɛ kɔ̃ɛɛ, má, mɔ̄ Bounɓoɔ̀ cɛ̃ zɔ̃̌ɔ̀ wuɖu ɓěɛ̀ dyììn ɖé kpáá-ɖɛ̀-cɛ̃-nyɔ̀ ɓě nìǒ zɔ̃̌ɔ̀ kɛɛ múe?” ’ ”
Wuɖuún-jaɖa-jaɖa dyà nyɔ toɛ̀-kpɔ̃-nyɔ̀ mú nyu-nyu
8Sɔ̀ìn ɓóɛ gboɛɛ, Bounɓoɔ̀ wùɖù ma mɔ̄ Zɛ́kɔ̀wáɖádyà gbo ɖe, ké ɔ ɖá, 9“Ɖɛ mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ cɛ̃ ní nyɔ ɓěɔ̀ gboɛɛ kɛà kɛ̀. Ɓě mɛ po dyí-sɛ́ɖɛ́ìn-ɖɛ̀ wɔ̃. Ɓě mɛ nɔ̀mɔ̀ kpeɖeín ɓó ɓě mǔè ɖò gbo, ké ɓě mɛ dyé ɓě mǔè ɖò wìǐn. 10Ɓěǐn ɖá ɓɛ́ ɓě ké jɔ̌ɔ̀-nyɔ̀nɔ̀ mɔɔ xwíè-dyù mɔɔ ɖíà mɔɔ gǎ-dyé-nyɔ̀ ɖò dyi pĩ́à. Ké nyɔ ɖò ní ɖá ɓɛ́ ɔ ké ɖɛ gbà ɖò ɔ ké ɔ mǔè ɖò bũ̌ nyuɛɛ dyí sɔ́ ɖé ɔ hwòɖǒ bũ̌.
11“Ɓě ɓǎ nììn ɓǎ ɓěɔ̀ se ma mɔ̄ Bounɓoɔ̀ wuɖuɔ̀ ɖùǔ gbo tò. Wa nyu kɛ́ɛ́, ké wa pòìn ḿ kɔ̃ín, ké wa kã waà ɖùǔ ɓěɔ̀, ɓɛ́ wa ní kɔ̃̀ ɖà ní wuɖuɔ̀ wɔ̃́. 12Wa kùmùìn ma waà hwòɖǒ-dyùà kà sɔ́ɔ́-kpò nìà kɛ, ɓɛ́ wa ní kɔ̃̀ ɖà ní gmaɔ̀ dyi kpɔ̃, mɔɔ ɓɛ́ wa ní kɔ̃̀ ɖà wuɖu tɔ̀ɔ̀ ɓě ɓɛ́ mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ tòìn kà ní Zùùɔ̀ mú dyììn ɖé ní kpáá-ɖɛ̀-cɛ̃-nyɔ̀ ɓě nìǒ zɔ̃̌ɔ̀ kɛ múɛɛ ɖò wɔ̃́. Ɔ jèɛɛ, ní dyoɖo ku wɔ̃ɔ̀ dyi ma wa kɔ̃. 13Kà ḿ dyià wa ɖá ní, wa ní wɔ̃́à ḿ wɛ̃ɛ, kà dyúáɖòɔ̀ kǎà wa ɖá ma ḿ, kɛɛ ḿ se ma wa wɔ̃́. 14Ḿ nyuɛ ma ké wa gbɛ̀ìn ma ɖé ɓóɖó-dù kà kò ɖò ɓěɛ̀ nyɔ ɓě ɓɛ́ wa se ma dyí dyuòɛɛ hwìɛ̀ dyi kà wɔ́ɔ́-pìɔ̌ gbɛ̀ìn kà ɖɛ ɖò dyiɛ. Ké ɓóɖó kɔ̃̀ kɔ̃ ɓɛ́ wa sɔ̀à kɛɛ kpá ma fóɖóún, ké nyɔ ɖò ní zĩ̀ìn ɖéɛ kɔ̃ ɖe. Ɓóɖó nɔ̀mɔ̀ dyíinɔ̀ mɔ̀ǎ ma pá fóɖóún.”
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.