Zɛ́kɔ̀wáɖádyà 6
6
Dyí-tɛ̀mɛ̀ìn-ɖɛ̀ ɓá hwíì-sǒ hĩinyɛ jè dyíɛ
1Sɔ̀ìn ɓóɛ gboɛɛ, ḿ ɖú ma dyéɖé dyií ɖe, ké ḿ dyé ma hwíì-sǒ hĩinyɛ ɖé toɖo sɔ̃́ pṹa sɔ̀ɔ̀. Toɖo ɓěɔ̀ mɔ̀ ma bàɖàsǐ-tòɖò ɓě. 2Hwíì-sǒ kĩ́ín-kĩ́ínɔ̀ ɓéɖé sǒ zĩ-zã ɓě, ké ɔ sɔ̃́ nììnɔ̀ ɓéɖé sǒ kpìǐ ɓě, 3ké ɔ tã nììnɔ̀ ɓéɖé sǒ púú ɓě, ké ɔ hĩinyɛ nììnɔ̀ ɓéɖé sǒ céè-céè ɓě. Wa séín ɓéɖé ma gana. 4Ké ḿ diè ínjà ɓɛ́ ɔ wùɖù ma kà ḿ gboɛɛ dyi, ké ḿ ɖá, “Ɖɛ́ mɔ̀ ɖɛ ɓěɛ̀ xwíníín nyɛ́, ɓɔ̌ɔ̀?”
5Ké ínjàɔ̀ jǔ ma ḿ gɔ̃̌, ké ɔ ɖá, “Wa mɔ̀ zùù hĩinyɛ ɓě ɓɛ́ wa nì ɖé dyɔún wɛ̃. Wa sɔ̀ìn ɓó Ɖɛɓíɔ́ mɔ̀ nyɔ kɔ̃̀à ɓóɖó-kpà gànáà wuɖuíɛɛ dyúa dyi nyànàǔn, ké wa nìà muɛń nyɛ̀. 6Hwíì-sǒ ɓɛ́ ɔ ɓéɖéà sǒ kpìǐ ɓěɔ̀ kɛɛ nì ɖé xwía-ɓòɖòɔ̀ kɔ̃ mùɛ̌n, ké hwíì-sǒ ɓɛ́ ɔ ɓéɖéà sǒ púú ɓěɔ̀ kɛɛ nì ɖé ɓóɖó ɓɛ́ ɔ nì ɖé dyóɖó-dyi-kpáìn-naínɔ̀ kɛɛ kɔ̃ mùɛ̌n, ké hwíì-sǒ ɓɛ́ ɔ ɓéɖéà sǒ céè-céè ɓěɔ̀ kɛɛ nì ɓóɖó ɓɛ́ ɔ nì ɖé zɔ̃̌in-wàkáɔ̀ kɔ̃ɛɛ kɔ̃ mùɛ̌n.”
7Ti ɓɛ́ sǒ ɓéɖé gana ɓěɔ̀ sí ma kɛɛ, waà dyɔɔ̀ nì ma cà-cà nyuɛń, ɓɛ́ wa ké ma ɓóɖó-kpà gànáà dà séín dyi gmɔìn. Ké ínjàɔ̀ zà ma wa wuɖu kɔ̃, ké ɔ ɖá, “Ɓě mu, ɓɛ́ ɓě ké ɓóɖó-kpàà dà séín dyi gmɔìn.” Ɔ jèɛɛ, wa gmɔìn ma ɓóɖó-kpàà dà séín dyi. 8Hwɛ̀ ké ínjàɔ̀ páná ma mú, ké ɔ cɛ̃ɛ ḿ gbo, ké ɔ ɖá, “Dyéɛ kà sǒ ɓě ɓɛ́ wa mùìn kà ɖé ɓóɖó ɓɛ́ ɔ nìà ɖé xwía kɛ kɔ̃ɛɛ ɖǎa nyu ké Bounɓoɔ̀ dyoɖo-hwòɖòɔ̀ ɖǎ wáɖá ɖé xwía-ɓòɖòɔ̀ kɔ̃ kɛ.”
Bounɓoɔ̀ tò wuɖu ɓɛ́ wa ké Jasúé kã́á-gbàǎ dú dèìn
9Ké Bounɓoɔ̀ wùɖù ma ḿ gbo, ké ɔ ɖá, 10“Ɖú nyíí-ɖɛ̀ ɓě mɔ̀ séɓàɖà kè góò ɓɛ́ toɛ̀-kpɔ̃-nyɔ̀ ɓě mɔ̀à Héɖàì kè Tòbíjà ɔ kè Jɛ̀ɖádyà ɓɛ́ wa sɔ̀à ɖé Báɓèɖɔ́ùn-ɓòɖòɔ̀ kɔ̃ɛɛ tòà kɛɛ dyí, ɓɛ́ m̀ ké ɖé Jòsádyà mɔ̀à Zɛ́fènádyàà dyú-gààɔ̀ kɛɛ ɓíɖí-taún mu ɓó wé dyúáɖòɔ̀ ɓaɖa. 11Ɖú séɓàɖàɔ̀ kè góòɔ̀ dyí, ɓɛ́ m̀ kéɛ kã́á-gbàǎ ɖò mú nyu, ɓɛ́ m̀ kéɛ Jasúé mɔ̀à Jɛ̀hózàɖàà dyú-gàà, ɓɛ́ ɔ mɔ̀à sáa-zà-nyɔ̀ vɛ̀nɛ̀ɔ̀ kɛɛ dú dèìn. 12Ɔ ɖǎ ná nìǐn, m̀ mɛ cɛ̃ɛ ɔ gbo, ɓɛ́ m̀ ké níiń, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá, “Gmɔ̀ nɔ̄, kã́á ɖò mu dyiìn, ké ɔ mu nììn kà cu-ɖɔ́ ɓɛ́ ɔ mɛɛ nìà kɛ. Ké ɔ mɔ̀ nyɔ mu ní gbǒɔ̀ poùn. 13Ɔ mɔ̀ nyɔ mu ní gbǒɔ̀ poùn, ɓɛ́ ɔ ké dya-dè-dè ɓɛ́ kã́á kɔ̃̀ ɔ ké dyéɛɛ dyé. Ké ɔ mu ɓó ɔ zèèɔ̀ kɔ̃ dyi kòùn, ɓɛ́ ɔ ké nyɔ ɓěɔ̀ wuɖuí kɔ̃̀. Ké sáa-zà-nyɔ̀ ɖò mu ɓó ɔ zèèɔ̀ wáún dyi nyànàùn, ké wuɖuún-dyi-wɔ̃́ìn-wɔ̃́ìn kè gìɖìǐ mu ɓó wa nyɔ sɔ̃́ɔ̀ pṹa nììn.” ’
14“Zɛ́kɔ̀wáɖádyà, kã́á-gbàǎɔ̀ mɛ nì ɖé ní gbǒɔ̀ mú, ɓɛ́ ɔ ké ɖɛ-hwìɖǐi-dyàìn-ɖɛ̀ jǔ ɓá Héɖàì kè Tòbíjà kè Jɛ̀ɖádyà ɔ kè Jòsádyà mɔ̀à Zɛ́fènádyàà dyú-gààɔ̀ kɛɛ jè dyí.”
15Júɖà-nyɔ̀ ɓě, nyɔ ɓě ɓɛ́ wa nì ɖé dà vɛ̃in nyɛɛ mu dyiìn, ɓɛ́ wa ké gbo-kpá-kpá tò ɓó Bounɓoɔ̀ gbǒɔ̀ po jè. Ɔ ɖǎ ná nìǐn, nìí, ɓě muɛ dyuòùn kà Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ ɖoɓo ḿ nɔ̄ ɓě gboɛ. Ɖɛ nìà kɛ mu ná kpáùn, ɔ jǔ ké ɓě dyi Bounɓo mɔ̀à ɓěɛ̀ Gèɖèpɔ́ɔ̀ kɛɛ wuɖu séín ɓěɔ̀ dyi kpɔ̃ ní.
Trenutno izbrano:
Zɛ́kɔ̀wáɖádyà 6: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.
Zɛ́kɔ̀wáɖádyà 6
6
Dyí-tɛ̀mɛ̀ìn-ɖɛ̀ ɓá hwíì-sǒ hĩinyɛ jè dyíɛ
1Sɔ̀ìn ɓóɛ gboɛɛ, ḿ ɖú ma dyéɖé dyií ɖe, ké ḿ dyé ma hwíì-sǒ hĩinyɛ ɖé toɖo sɔ̃́ pṹa sɔ̀ɔ̀. Toɖo ɓěɔ̀ mɔ̀ ma bàɖàsǐ-tòɖò ɓě. 2Hwíì-sǒ kĩ́ín-kĩ́ínɔ̀ ɓéɖé sǒ zĩ-zã ɓě, ké ɔ sɔ̃́ nììnɔ̀ ɓéɖé sǒ kpìǐ ɓě, 3ké ɔ tã nììnɔ̀ ɓéɖé sǒ púú ɓě, ké ɔ hĩinyɛ nììnɔ̀ ɓéɖé sǒ céè-céè ɓě. Wa séín ɓéɖé ma gana. 4Ké ḿ diè ínjà ɓɛ́ ɔ wùɖù ma kà ḿ gboɛɛ dyi, ké ḿ ɖá, “Ɖɛ́ mɔ̀ ɖɛ ɓěɛ̀ xwíníín nyɛ́, ɓɔ̌ɔ̀?”
5Ké ínjàɔ̀ jǔ ma ḿ gɔ̃̌, ké ɔ ɖá, “Wa mɔ̀ zùù hĩinyɛ ɓě ɓɛ́ wa nì ɖé dyɔún wɛ̃. Wa sɔ̀ìn ɓó Ɖɛɓíɔ́ mɔ̀ nyɔ kɔ̃̀à ɓóɖó-kpà gànáà wuɖuíɛɛ dyúa dyi nyànàǔn, ké wa nìà muɛń nyɛ̀. 6Hwíì-sǒ ɓɛ́ ɔ ɓéɖéà sǒ kpìǐ ɓěɔ̀ kɛɛ nì ɖé xwía-ɓòɖòɔ̀ kɔ̃ mùɛ̌n, ké hwíì-sǒ ɓɛ́ ɔ ɓéɖéà sǒ púú ɓěɔ̀ kɛɛ nì ɖé ɓóɖó ɓɛ́ ɔ nì ɖé dyóɖó-dyi-kpáìn-naínɔ̀ kɛɛ kɔ̃ mùɛ̌n, ké hwíì-sǒ ɓɛ́ ɔ ɓéɖéà sǒ céè-céè ɓěɔ̀ kɛɛ nì ɓóɖó ɓɛ́ ɔ nì ɖé zɔ̃̌in-wàkáɔ̀ kɔ̃ɛɛ kɔ̃ mùɛ̌n.”
7Ti ɓɛ́ sǒ ɓéɖé gana ɓěɔ̀ sí ma kɛɛ, waà dyɔɔ̀ nì ma cà-cà nyuɛń, ɓɛ́ wa ké ma ɓóɖó-kpà gànáà dà séín dyi gmɔìn. Ké ínjàɔ̀ zà ma wa wuɖu kɔ̃, ké ɔ ɖá, “Ɓě mu, ɓɛ́ ɓě ké ɓóɖó-kpàà dà séín dyi gmɔìn.” Ɔ jèɛɛ, wa gmɔìn ma ɓóɖó-kpàà dà séín dyi. 8Hwɛ̀ ké ínjàɔ̀ páná ma mú, ké ɔ cɛ̃ɛ ḿ gbo, ké ɔ ɖá, “Dyéɛ kà sǒ ɓě ɓɛ́ wa mùìn kà ɖé ɓóɖó ɓɛ́ ɔ nìà ɖé xwía kɛ kɔ̃ɛɛ ɖǎa nyu ké Bounɓoɔ̀ dyoɖo-hwòɖòɔ̀ ɖǎ wáɖá ɖé xwía-ɓòɖòɔ̀ kɔ̃ kɛ.”
Bounɓoɔ̀ tò wuɖu ɓɛ́ wa ké Jasúé kã́á-gbàǎ dú dèìn
9Ké Bounɓoɔ̀ wùɖù ma ḿ gbo, ké ɔ ɖá, 10“Ɖú nyíí-ɖɛ̀ ɓě mɔ̀ séɓàɖà kè góò ɓɛ́ toɛ̀-kpɔ̃-nyɔ̀ ɓě mɔ̀à Héɖàì kè Tòbíjà ɔ kè Jɛ̀ɖádyà ɓɛ́ wa sɔ̀à ɖé Báɓèɖɔ́ùn-ɓòɖòɔ̀ kɔ̃ɛɛ tòà kɛɛ dyí, ɓɛ́ m̀ ké ɖé Jòsádyà mɔ̀à Zɛ́fènádyàà dyú-gààɔ̀ kɛɛ ɓíɖí-taún mu ɓó wé dyúáɖòɔ̀ ɓaɖa. 11Ɖú séɓàɖàɔ̀ kè góòɔ̀ dyí, ɓɛ́ m̀ kéɛ kã́á-gbàǎ ɖò mú nyu, ɓɛ́ m̀ kéɛ Jasúé mɔ̀à Jɛ̀hózàɖàà dyú-gàà, ɓɛ́ ɔ mɔ̀à sáa-zà-nyɔ̀ vɛ̀nɛ̀ɔ̀ kɛɛ dú dèìn. 12Ɔ ɖǎ ná nìǐn, m̀ mɛ cɛ̃ɛ ɔ gbo, ɓɛ́ m̀ ké níiń, ‘Bounɓo mɔ̀ nyɔ nìà ɖɛ séín kɔ̃in nyɛɛ ɖá, “Gmɔ̀ nɔ̄, kã́á ɖò mu dyiìn, ké ɔ mu nììn kà cu-ɖɔ́ ɓɛ́ ɔ mɛɛ nìà kɛ. Ké ɔ mɔ̀ nyɔ mu ní gbǒɔ̀ poùn. 13Ɔ mɔ̀ nyɔ mu ní gbǒɔ̀ poùn, ɓɛ́ ɔ ké dya-dè-dè ɓɛ́ kã́á kɔ̃̀ ɔ ké dyéɛɛ dyé. Ké ɔ mu ɓó ɔ zèèɔ̀ kɔ̃ dyi kòùn, ɓɛ́ ɔ ké nyɔ ɓěɔ̀ wuɖuí kɔ̃̀. Ké sáa-zà-nyɔ̀ ɖò mu ɓó ɔ zèèɔ̀ wáún dyi nyànàùn, ké wuɖuún-dyi-wɔ̃́ìn-wɔ̃́ìn kè gìɖìǐ mu ɓó wa nyɔ sɔ̃́ɔ̀ pṹa nììn.” ’
14“Zɛ́kɔ̀wáɖádyà, kã́á-gbàǎɔ̀ mɛ nì ɖé ní gbǒɔ̀ mú, ɓɛ́ ɔ ké ɖɛ-hwìɖǐi-dyàìn-ɖɛ̀ jǔ ɓá Héɖàì kè Tòbíjà kè Jɛ̀ɖádyà ɔ kè Jòsádyà mɔ̀à Zɛ́fènádyàà dyú-gààɔ̀ kɛɛ jè dyí.”
15Júɖà-nyɔ̀ ɓě, nyɔ ɓě ɓɛ́ wa nì ɖé dà vɛ̃in nyɛɛ mu dyiìn, ɓɛ́ wa ké gbo-kpá-kpá tò ɓó Bounɓoɔ̀ gbǒɔ̀ po jè. Ɔ ɖǎ ná nìǐn, nìí, ɓě muɛ dyuòùn kà Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ ɖoɓo ḿ nɔ̄ ɓě gboɛ. Ɖɛ nìà kɛ mu ná kpáùn, ɔ jǔ ké ɓě dyi Bounɓo mɔ̀à ɓěɛ̀ Gèɖèpɔ́ɔ̀ kɛɛ wuɖu séín ɓěɔ̀ dyi kpɔ̃ ní.
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.