Máɖékà Máɖékà-cèè-ɖɛ̀ɔ̀ jè kɔ̃in-zaìn-zaìn
Máɖékà-cèè-ɖɛ̀ɔ̀ jè kɔ̃in-zaìn-zaìn
Ti ɓɛ́ Máɖékà céè ma céè-ɖɛ̀ nìà kɛ mɔ̀ ti ɓɛ́ wa ɖǎ ma Gèɖèpɔ́ɔ̀ gbǒɔ̀ po ɖeɛ, ké ɔ zĩ̀ìn ma zɔ̃ hɔ̃dɛ̀ɖɛ̀ hĩinyɛ kè zi kɔ̃ hwɛ̀ ké Jízɛ̀ wóɖó ma. Ɖɛ kpɔ̃ ma Máɖékà hwòɖǒɛɛ mɔ̀, ɓɛ́ sáa-zà-nyɔ̀ ɓěɔ̀ kè nyɔ tɔ̀ɔ̀ ɓěɔ̀ ké Gèɖèpɔ́ɔ̀ dèè-wùɖùɔ̀ dyi kpɔ̃ ɖie ɖe.
Ɓó tia ɓaɖaa, nyɔ ɓěɔ̀ se ma Gèɖèpɔ́ɔ̀ ɓièɛ̌n nì ɖe ɖé hwòɖǒ wáɖáá mú, ké wa nì ma ɖɛ gbà kúɖúú nyuɛń. Sáa-zà-nyɔ̀ ɓěɔ̀ kè nyɔ tɔ̀ɔ̀ ɓěɔ̀ nì ma Gèɖèpɔ́ɔ̀ gbá-gbá mú nyuɛń dyììn ɖé nyíí-ɖɛ̀ se dyí sɛ́ɖɛ́ìn nyɛɛ tò-tò ɔ kè dyììn ɖé se-dyí-sɛ́ɖɛ́ìn-kà cĩ́-cĩ́ mú.
Kɛɛ Bounɓoɔ̀ mu dyiìn, ɓɛ́ ɔ ké ɔ nyɔ ɓěɔ̀ zaa wɔ̃ po, ɓɛ́ ɔ ké wa mú hwɔ. Ɔ mu ɔ kíáɔ̀ dyúa tòùn, ɓɛ́ ɔ ké hwìèɔ̀ naɓaà, ɓɛ́ ɔ ké Bounɓoɔ̀ dèè-wùɖùɔ̀ jè zio mú pòìn.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Éézùɖùɛ̀-nyɔ̀ ɓěɔ̀ nàmàǔn ɓěɔ̀. 1:1–2:16
2. Gèɖèpɔ́ɔ̀ zaa-wɔ̃-po-po kè ɔ wììɔ̀. 2:17–4:6
Trenutno izbrano:
Máɖékà Máɖékà-cèè-ɖɛ̀ɔ̀ jè kɔ̃in-zaìn-zaìn: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.