Ɛ́séɖɔ̀ 36
36
1“Ɔ jèɛɛ, Bɛ̀záɖèò kè Àhòɖíà ɔ kè sɛ́ɖɛ́-dyuò-nyɔ̀ séín ɓɛ́ Bounɓoɔ̀ ɖǎ fɔ̀nɔ̀-hwòɖǒ nyí, ɓɛ́ wa ké kũ̀à séín ɓá ɔ jàɖàìn-gbòɔ̀ po jè dyíɛ nyuɛɛ mɔ̀ nyɔ ɓě ké kũ̀àɔ̀ nyu. Wa ɓéɖé wa kéɛ nyu kà Bounɓoɔ̀ nyuɛ ma kà cɛ̃ɛ nyɛ̀nɛ̀ɛ̀ kɛ.”
Nyɔ ɓěɔ̀ dyà nyíí-ɖɛ̀ kúɖúú
2Sɔ̀ìn ɓóɛ gboɛɛ, Mózè ɖá ma Bɛ̀záɖèò kè Àhòɖíà ɔ kè sɛ́ɖɛ́-dyuò-nyɔ̀ séín ɓɛ́ Bounɓoɔ̀ ɖǎ fɔ̀nɔ̀-hwòɖǒ nyí, ɓɛ́ wa hwòɖǒ wɔ̃́ ɓɛ́ wa ké kũ̀àɔ̀ nyuɛ. 3Ké Mózè nyí ma nyíí-ɖɛ̀ séín ɓɛ́ Éézùɖùɛ̀-nyɔ̀ ɓěɔ̀ ɖǎ ma kà tò ɓó Bounɓoɔ̀ jàɖàìn-gbòɔ̀ po jèɛɛ kũ̀à-nyu-nyɔ̀ ɓěɔ̀ xwa. Ké nyɔ ɓěɔ̀ nì ma hwòɖǒ-wáɖáá-nyìǐ-ɖɛ̀ ɓě Mózè gbo dyàǔn ke kánáá pū ɓó gànà-kṹún ti séín. 4Ɔ jèɛɛ, sɛ́ɖɛ́-dyuò-nyɔ̀ séín ɓě ɓɛ́ wa nì ma kà jàɖàìn-gbòɔ̀ poɛń nyɛɛ táà ma kũ̀àɔ̀ dyi, ké wa mu ma Mózè gbo. 5Ké wa cɛ̃ɛ ma ɔ gbo, ké wa ɖá, “Ɖɛ ɓě ɓɛ́ nyɔ ɓěɔ̀ nìà dyàǔn ɓó kũ̀à ɓɛ́ Bounɓoɔ̀ ɖá à mɛ nyuà kɛ jèɛɛ ɖǎ wɔ̃ kɔ̃ zi mìɔ.”
6Ɔ jèɛɛ, Mózè ɓeìn ma jàɖàìn-hwɔ̀ɖɔ̀ɔ̀ gbo wuɖu dyi dà séín. Wuɖuɔ̀ ɖá, “Nyɔ ɖò mɛ ɓɔ́ nyíí-ɖɛ̀ ɖò dyàà ɓó Bounɓoɔ̀ jàɖàìn-gbòɔ̀ jè ɖeo.” Ɔ po ma nyɔ ɓěɔ̀ ɓɔ́í, hwɛ̀ ké wa ɓɔ́ ma nyíí-ɖɛ̀ ɓěɔ̀ dyàà, 7sepóɛɖé ɖɛ ɓě ɓɛ́ nyɔ ɓěɔ̀ ɖǎ ma kà dyà ɓó kũ̀à séín ɓěɔ̀ jèɛɛ ɖǎ ma wɔ̃ kɔ̃ zi mìɔ.
Bounɓoɔ̀ jàɖàìn-gbòɔ̀ po-poɔ̀
(Ɛ́séɖɔ̀ 26:1-37)
8Sɔ̀ìn ɓóɛ gboɛɛ, sɛ́ɖɛ́-dyuò-nyɔ̀ séín ɓɛ́ wa nì ma kũ̀à-nyu-nyɔ̀ ɓěɔ̀ hwìɛ̀ kɛɛ po ma Bounɓoɔ̀ jàɖàìn-gbòɔ̀. Wa pòɛ̀n ma faà-ɖɔ̀ ɓaɖa-bùè. Faà-ɖɔ̀ ɓěɔ̀ mɔ̀ ma ɖénì-ɖɔ̀ nɔ̀mɔ̀ dyíin kɔ̃̀ kɔ̃ ɓɛ́ wa ɖaɓa ma cɛ́ɖɔ̀ ɓě kɛ. Cɛ́ɖɔ̀ ɓěɔ̀ mɔ̀ ma dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã. 9Faà-ɖɔ̀ séín ɓěɔ̀ ɓɛ́ìn ma wɔ̃. Wa ɖò-ɖòɛ̀ tɔ̀mɔ̀-tɔ̀mɔ̀ mɔ̀ ma ɓáɖáa mɛ̀nɛ̌ìn-sɔ̃́, ké waà xwíɖí-kù mɔ̀ ma ɓáɖáa dyúáɖò. 10Ké wa deìn ma faà-ɖɔ̀ɔ̀ hm̀m̌ dyí, ké kǎà wa nyu ma hm̀m̌ tɔ̀ɔ̀ ɖekè. 11Ké wa deìn ma faà-ɖɔ̀-dù sɔ̃́ ɓěɔ̀ kpo wáún dyi. Wa nyùìn kpo ɓěɔ̀ dyèě ɖàɓàìn kpèɛ̀ kɛ. 12Kpo kpáɖá-nyɔ sɔ̃́ ɓaɖa-bùè nì ma faà-ɖɔ̀ɔ̀ dú dyúáɖò wáún dyi, ké kpo kpáɖá-nyɔ sɔ̃́ ɓaɖa-bùè nì ma faà-ɖɔ̀ɔ̀ dú tɔ̀ɔ̀ wáún dyi. Kpo ɓěɔ̀ ɓɛɖɛìn ma dyí. 13Hwɛ̀ ké wa nyu ma góò-gbǎ kpáɖá-nyɔ sɔ̃́ ɓaɖa-bùè, ɓɛ́ wa ké faà-ɖɔ̀ ɓěɔ̀ dyí-deìn-ɖɛ̀ jǔ.
14Ké wa nyu ma wiɖi-mì ɖɔ ɓaɖa-bùè sè dyúáɖò mú, ɓɛ́ wa ké ma jàɖàìn-gbòɔ̀ kɔ̃in-ɓáìn-ɖɛ̀ jǔ. 15Ɖɔ ɓaɖa-bùè sè dyúáɖòɔ̀ séín ɓɛ́ìn ma wɔ̃. Wa ɖò-ɖòɛ̀ tɔ̀mɔ̀-tɔ̀mɔ̀ mɔ̀ ma ɓáɖáa mɛ̀nɛ̌ìn-sɔ̃́ kè fá-kɛ́ín, ké waà xwíɖí-kù mɔ̀ ma ɓáɖáa dyúáɖò. 16Wa deìn ma ɖɔɔ̀ hm̀m̌ dyí, ké kǎà wa nyu ma ɖɔ mɛ̀nɛ̌ìn-ɖò tɔ̀ɔ̀ ɖekè. 17Hwɛ̀ ké wa deìn ma ɖɔ-dù sɔ̃́ ɓěɔ̀ kpo wáún dyi. Kpo kpáɖá-nyɔ sɔ̃́ ɓaɖa-bùè nì ma ɖɔɔ̀ dú dyúáɖò wáún dyi, ké kpo kpáɖá-nyɔ sɔ̃́ ɓaɖa-bùè nì ma ɖɔɔ̀ dú tɔ̀ɔ̀ wáún dyi. 18Ké wa nyu ma bàɖàsǐ-gbǎ kpáɖá-nyɔ sɔ̃́ ɓaɖa-bùè ɓɛ́ wa ké ma ɖɔ ɓěɔ̀ dyí dyaìn, ɓɛ́ wa ké dyúáɖò nì. 19Ké wa nyu ma ɓáɖáá-ɓíɔ́-kùɖùù ɓɛ́ wa nyu ké ɔ nì zĩ-zã kɛɛ jàɖàìn-gbòɔ̀ kɔ̃in-ɓáìn-ɖɛ̀ mú. Ké wa nyu ma dyóún-ɓìɖǐɛ̀ kúɖúù ɓě, ɓɛ́ wa kéɛ ma kúɖúù tɔ̀ɔ̀ kɔ̃in soɖo.
20Ké wa nyu ma àkésìà-cù-pĩ̀à ɓó jàɖàìn-gbòɔ̀ jè, ɓɛ́ wa ké wa dyi nyànàìn. 21Cu-pĩ̀à ɓěɔ̀ ɖò-ɖòɛ̀ tɔ̀mɔ̀-tɔ̀mɔ̀ mɔ̀ ma ɓáɖáa sɔ̃́ kè fá-kɛ́ín, ké ɔ xwíɖí-kù mɔ̀ ma jìì-ɓàɖàǎ tã. 22Cu-pĩ̀à ɓěɔ̀ ɖò-ɖò ɓéɖé ma gbǎ ɓɛɖɛìn dyéɖéí sɔ̃́, ɓɛ́ wa ké cu-pĩ̀à ɓěɔ̀ dyí-deìn-naín jǔ. Kǎà wa nyu ma cu-pĩ̀à séín nì jàɖàìn-gbòɔ̀ múɛ. 23Wa nyu ma cu-pĩ̀à kpáɖá-nyɔ ɖò ɓó jàɖàìn-gbòɔ̀ wáká hwɔà ɖé jàɖàìn-hwɔ̀ɖɔ̀ɔ̀ zɔ̃̌in dyíɛɛ jè. 24Ké wa nyu ma ɖɛ-kɔ̃-dè-ɖɛ̀ ɓɛ́ ɔ mɔ̀ séɓàɖà kɛɛ kpáɖá-nyɔ sɔ̃́, ɓɛ́ wa ké cu-pĩ̀à kpáɖá-nyɔ ɓěɔ̀ xwíɖíi-dè-ɖɛ̀ jǔ. Ɖɛ-kɔ̃-dè-ɖɛ̀ sɔ̃́ nì ma ɓó cu-pĩ̀à ɖò-ɖò bìì, ɓɛ́ wa ké ɓó gbǎ ɓěɔ̀ xwíɖíi dyí ɓɛ̀ɖɛ̀ìn. 25Wa nyu ma cu-pĩ̀à kpáɖá-nyɔ ɖò ɓó jàɖàìn-gbòɔ̀ wáká hwɔà ɖé jàɖàìn-hwɔ̀ɖɔ̀ɔ̀ xwía dyíɛɛ jè ɖekè. 26Ké wa nyu ma ɖɛ-kɔ̃-dè-ɖɛ̀ ɓɛ́ ɔ mɔ̀ séɓàɖà kɛɛ kpáɖá-nyɔ sɔ̃́. Ɖɛ-kɔ̃-dè-ɖɛ̀ sɔ̃́ nì ma ɓó cu-pĩ̀à ɖò-ɖò bìì. 27Wa nyu ma cu-pĩ̀à mɛ̀nɛ̌ìn-ɖò ɓó jàɖàìn-gbòɔ̀ ɖeín-wàká hwɔà ɖé dyóɖó-dyi-kpáìn-naínɔ̀ dyíɛɛ jè. 28Ké wa nyu ma cu-pĩ̀à sɔ̃́ ɓó jàɖàìn-gbòɔ̀ ɖeín-gã̀ sɔ̃́ ɓěɔ̀ jè. 29Wa deìn ma xwíníín ɖé gã sɔ̃́ ɓěɔ̀ kɔ̃. Kǎà wa sɔ̃́ɔ̀ nyu ma nìɛ̀. 30Ɔ jèɛɛ, cu-pĩ̀à ɓě hwɔà ɖé ɖeín dyíɛɛ nì ma mɛ̀nɛ̌ìn-tã, ké wa kɔ̃-dè-ɖɛ̀ mɔ̀à séɓàɖà kɛɛ nì ma ɓaɖa-bùè sè mɛ̀nɛ̌ìn-ɖò. Sɔ̃́ nì ma cu-pĩ̀à ɖò-ɖò xwíɖíi.
31Ké wa nyu ma àkésìà-cù-kpóɖó ɓě, ɓɛ́ wa ké cu-pĩ̀à ɓěɔ̀ kɔ̃ cɛ̃̀ìn, ɓɛ́ wa ké wa dyí-gmaìn-ɖɛ̀ jǔ. Hm̀m̌ nì ma cu-pĩ̀à ɓě nì ma jàɖàìn-gbòɔ̀ wáká ɖò kɔ̃ɛɛ kɔ̃, 32ké hm̀m̌ nì ma jàɖàìn-gbòɔ̀ wáká sɔ̃́ nììnɔ̀ kɔ̃, ké hm̀m̌ nì ma ɖeín-wàkáɔ̀ kɔ̃. 33Cu-pĩ̀à ɓěɔ̀ kɔ̃-cɛ̃̀ìn-cù ɓɛ́ ɔ nìà ɓó hwòɖǒǔn wɛ̃ɛ sɔ̀ ma máná ɖò gbo, ké ɔ nyini ma máná tɔ̀ɔ̀ gbo. 34Ké wa po ma cu-pĩ̀à ɓěɔ̀ góò bũ̌in, ké wa nyu ma góò-gbɛ̌ɛ̀ ɓě, ɓɛ́ wa ké ma cu-pĩ̀à ɓěɔ̀ kɔ̃-cɛ̃̀ìn-ɖɛ̀ ɓěɔ̀ ɓó cu-pĩ̀à ɓěɔ̀ dyéɖéín-dyi-nɛ́ìn-ɖɛ̀ jǔ. Wa po ma cu-pĩ̀à ɓěɔ̀ kɔ̃-cɛ̃̀ìn nììn ɓěɔ̀ góò bũ̌in ɖekè.
35Ké sɛ́ɖɛ́-dyuò-nyɔ̀ ɓěɔ̀ nyu ma faà-ɖɔ̀ ɓɛ́ ɔ cɛ̃ ma gbǒɔ̀ xwíníín nyɛ. Ɔ mɔ̀ ma ɖénì-ɖɔ̀ nɔ̀mɔ̀ dyíin kɔ̃̀ kɔ̃ ɓɛ́ wa ɖaɓa ma cɛ́ɖɔ̀ ɓě kɛ. Cɛ́ɖɔ̀ ɓěɔ̀ mɔ̀ ma dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã. 36Ké wa nyu ma àkésìà-cùè-ɓò hĩinyɛ ɓó faà-ɖɔ̀ɔ̀ jè, ké wa po ma wa góò bũ̌in. Ké wa nyu ma góò-gbǎ ɓě ɓó wa jè, ké wa nyu ma wa nììn kɔ̃-dè-ɖɛ̀ hĩinyɛ ɓɛ́ wa mɔ̀ séɓàɖà kɛ. 37Ké wa nyu ma faà-ɖɔ̀ ɖò ɓó gbǒ-wɔ̃̀ɔ̀ jè. Ɔ mɔ̀ ma ɖénì-ɖɔ̀ nɔ̀mɔ̀ dyíin kɔ̃̀ kɔ̃ ɓɛ́ wa ɖaɓa ma ɖɛ nɔ̀mɔ̀ kɔ̃in ɓěɛ. Wa ɖàɓàìn ma ɖɛ nɔ̀mɔ̀ kɔ̃in ɓěɔ̀ dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã. 38Ké wa nyu ma cúè-ɓò hm̀m̌ kè waà gbǎ ɓě ɓó faà-ɖɔ̀ɔ̀ jè. Ké wa po ma cúè-ɓò ɓěɔ̀ dú-hwìɛ̀ kè wa nììn kɔ̃-cɛ̃̀ìn-cù ɓěɔ̀ góò bũ̌in. Ké wa nyu ma cúè-ɓò ɓěɔ̀ kɔ̃-dè-ɖɛ̀ ɓɛ́ ɔ mɔ̀ bàɖàsǐ kɛ.
Trenutno izbrano:
Ɛ́séɖɔ̀ 36: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.
Ɛ́séɖɔ̀ 36
36
1“Ɔ jèɛɛ, Bɛ̀záɖèò kè Àhòɖíà ɔ kè sɛ́ɖɛ́-dyuò-nyɔ̀ séín ɓɛ́ Bounɓoɔ̀ ɖǎ fɔ̀nɔ̀-hwòɖǒ nyí, ɓɛ́ wa ké kũ̀à séín ɓá ɔ jàɖàìn-gbòɔ̀ po jè dyíɛ nyuɛɛ mɔ̀ nyɔ ɓě ké kũ̀àɔ̀ nyu. Wa ɓéɖé wa kéɛ nyu kà Bounɓoɔ̀ nyuɛ ma kà cɛ̃ɛ nyɛ̀nɛ̀ɛ̀ kɛ.”
Nyɔ ɓěɔ̀ dyà nyíí-ɖɛ̀ kúɖúú
2Sɔ̀ìn ɓóɛ gboɛɛ, Mózè ɖá ma Bɛ̀záɖèò kè Àhòɖíà ɔ kè sɛ́ɖɛ́-dyuò-nyɔ̀ séín ɓɛ́ Bounɓoɔ̀ ɖǎ fɔ̀nɔ̀-hwòɖǒ nyí, ɓɛ́ wa hwòɖǒ wɔ̃́ ɓɛ́ wa ké kũ̀àɔ̀ nyuɛ. 3Ké Mózè nyí ma nyíí-ɖɛ̀ séín ɓɛ́ Éézùɖùɛ̀-nyɔ̀ ɓěɔ̀ ɖǎ ma kà tò ɓó Bounɓoɔ̀ jàɖàìn-gbòɔ̀ po jèɛɛ kũ̀à-nyu-nyɔ̀ ɓěɔ̀ xwa. Ké nyɔ ɓěɔ̀ nì ma hwòɖǒ-wáɖáá-nyìǐ-ɖɛ̀ ɓě Mózè gbo dyàǔn ke kánáá pū ɓó gànà-kṹún ti séín. 4Ɔ jèɛɛ, sɛ́ɖɛ́-dyuò-nyɔ̀ séín ɓě ɓɛ́ wa nì ma kà jàɖàìn-gbòɔ̀ poɛń nyɛɛ táà ma kũ̀àɔ̀ dyi, ké wa mu ma Mózè gbo. 5Ké wa cɛ̃ɛ ma ɔ gbo, ké wa ɖá, “Ɖɛ ɓě ɓɛ́ nyɔ ɓěɔ̀ nìà dyàǔn ɓó kũ̀à ɓɛ́ Bounɓoɔ̀ ɖá à mɛ nyuà kɛ jèɛɛ ɖǎ wɔ̃ kɔ̃ zi mìɔ.”
6Ɔ jèɛɛ, Mózè ɓeìn ma jàɖàìn-hwɔ̀ɖɔ̀ɔ̀ gbo wuɖu dyi dà séín. Wuɖuɔ̀ ɖá, “Nyɔ ɖò mɛ ɓɔ́ nyíí-ɖɛ̀ ɖò dyàà ɓó Bounɓoɔ̀ jàɖàìn-gbòɔ̀ jè ɖeo.” Ɔ po ma nyɔ ɓěɔ̀ ɓɔ́í, hwɛ̀ ké wa ɓɔ́ ma nyíí-ɖɛ̀ ɓěɔ̀ dyàà, 7sepóɛɖé ɖɛ ɓě ɓɛ́ nyɔ ɓěɔ̀ ɖǎ ma kà dyà ɓó kũ̀à séín ɓěɔ̀ jèɛɛ ɖǎ ma wɔ̃ kɔ̃ zi mìɔ.
Bounɓoɔ̀ jàɖàìn-gbòɔ̀ po-poɔ̀
(Ɛ́séɖɔ̀ 26:1-37)
8Sɔ̀ìn ɓóɛ gboɛɛ, sɛ́ɖɛ́-dyuò-nyɔ̀ séín ɓɛ́ wa nì ma kũ̀à-nyu-nyɔ̀ ɓěɔ̀ hwìɛ̀ kɛɛ po ma Bounɓoɔ̀ jàɖàìn-gbòɔ̀. Wa pòɛ̀n ma faà-ɖɔ̀ ɓaɖa-bùè. Faà-ɖɔ̀ ɓěɔ̀ mɔ̀ ma ɖénì-ɖɔ̀ nɔ̀mɔ̀ dyíin kɔ̃̀ kɔ̃ ɓɛ́ wa ɖaɓa ma cɛ́ɖɔ̀ ɓě kɛ. Cɛ́ɖɔ̀ ɓěɔ̀ mɔ̀ ma dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã. 9Faà-ɖɔ̀ séín ɓěɔ̀ ɓɛ́ìn ma wɔ̃. Wa ɖò-ɖòɛ̀ tɔ̀mɔ̀-tɔ̀mɔ̀ mɔ̀ ma ɓáɖáa mɛ̀nɛ̌ìn-sɔ̃́, ké waà xwíɖí-kù mɔ̀ ma ɓáɖáa dyúáɖò. 10Ké wa deìn ma faà-ɖɔ̀ɔ̀ hm̀m̌ dyí, ké kǎà wa nyu ma hm̀m̌ tɔ̀ɔ̀ ɖekè. 11Ké wa deìn ma faà-ɖɔ̀-dù sɔ̃́ ɓěɔ̀ kpo wáún dyi. Wa nyùìn kpo ɓěɔ̀ dyèě ɖàɓàìn kpèɛ̀ kɛ. 12Kpo kpáɖá-nyɔ sɔ̃́ ɓaɖa-bùè nì ma faà-ɖɔ̀ɔ̀ dú dyúáɖò wáún dyi, ké kpo kpáɖá-nyɔ sɔ̃́ ɓaɖa-bùè nì ma faà-ɖɔ̀ɔ̀ dú tɔ̀ɔ̀ wáún dyi. Kpo ɓěɔ̀ ɓɛɖɛìn ma dyí. 13Hwɛ̀ ké wa nyu ma góò-gbǎ kpáɖá-nyɔ sɔ̃́ ɓaɖa-bùè, ɓɛ́ wa ké faà-ɖɔ̀ ɓěɔ̀ dyí-deìn-ɖɛ̀ jǔ.
14Ké wa nyu ma wiɖi-mì ɖɔ ɓaɖa-bùè sè dyúáɖò mú, ɓɛ́ wa ké ma jàɖàìn-gbòɔ̀ kɔ̃in-ɓáìn-ɖɛ̀ jǔ. 15Ɖɔ ɓaɖa-bùè sè dyúáɖòɔ̀ séín ɓɛ́ìn ma wɔ̃. Wa ɖò-ɖòɛ̀ tɔ̀mɔ̀-tɔ̀mɔ̀ mɔ̀ ma ɓáɖáa mɛ̀nɛ̌ìn-sɔ̃́ kè fá-kɛ́ín, ké waà xwíɖí-kù mɔ̀ ma ɓáɖáa dyúáɖò. 16Wa deìn ma ɖɔɔ̀ hm̀m̌ dyí, ké kǎà wa nyu ma ɖɔ mɛ̀nɛ̌ìn-ɖò tɔ̀ɔ̀ ɖekè. 17Hwɛ̀ ké wa deìn ma ɖɔ-dù sɔ̃́ ɓěɔ̀ kpo wáún dyi. Kpo kpáɖá-nyɔ sɔ̃́ ɓaɖa-bùè nì ma ɖɔɔ̀ dú dyúáɖò wáún dyi, ké kpo kpáɖá-nyɔ sɔ̃́ ɓaɖa-bùè nì ma ɖɔɔ̀ dú tɔ̀ɔ̀ wáún dyi. 18Ké wa nyu ma bàɖàsǐ-gbǎ kpáɖá-nyɔ sɔ̃́ ɓaɖa-bùè ɓɛ́ wa ké ma ɖɔ ɓěɔ̀ dyí dyaìn, ɓɛ́ wa ké dyúáɖò nì. 19Ké wa nyu ma ɓáɖáá-ɓíɔ́-kùɖùù ɓɛ́ wa nyu ké ɔ nì zĩ-zã kɛɛ jàɖàìn-gbòɔ̀ kɔ̃in-ɓáìn-ɖɛ̀ mú. Ké wa nyu ma dyóún-ɓìɖǐɛ̀ kúɖúù ɓě, ɓɛ́ wa kéɛ ma kúɖúù tɔ̀ɔ̀ kɔ̃in soɖo.
20Ké wa nyu ma àkésìà-cù-pĩ̀à ɓó jàɖàìn-gbòɔ̀ jè, ɓɛ́ wa ké wa dyi nyànàìn. 21Cu-pĩ̀à ɓěɔ̀ ɖò-ɖòɛ̀ tɔ̀mɔ̀-tɔ̀mɔ̀ mɔ̀ ma ɓáɖáa sɔ̃́ kè fá-kɛ́ín, ké ɔ xwíɖí-kù mɔ̀ ma jìì-ɓàɖàǎ tã. 22Cu-pĩ̀à ɓěɔ̀ ɖò-ɖò ɓéɖé ma gbǎ ɓɛɖɛìn dyéɖéí sɔ̃́, ɓɛ́ wa ké cu-pĩ̀à ɓěɔ̀ dyí-deìn-naín jǔ. Kǎà wa nyu ma cu-pĩ̀à séín nì jàɖàìn-gbòɔ̀ múɛ. 23Wa nyu ma cu-pĩ̀à kpáɖá-nyɔ ɖò ɓó jàɖàìn-gbòɔ̀ wáká hwɔà ɖé jàɖàìn-hwɔ̀ɖɔ̀ɔ̀ zɔ̃̌in dyíɛɛ jè. 24Ké wa nyu ma ɖɛ-kɔ̃-dè-ɖɛ̀ ɓɛ́ ɔ mɔ̀ séɓàɖà kɛɛ kpáɖá-nyɔ sɔ̃́, ɓɛ́ wa ké cu-pĩ̀à kpáɖá-nyɔ ɓěɔ̀ xwíɖíi-dè-ɖɛ̀ jǔ. Ɖɛ-kɔ̃-dè-ɖɛ̀ sɔ̃́ nì ma ɓó cu-pĩ̀à ɖò-ɖò bìì, ɓɛ́ wa ké ɓó gbǎ ɓěɔ̀ xwíɖíi dyí ɓɛ̀ɖɛ̀ìn. 25Wa nyu ma cu-pĩ̀à kpáɖá-nyɔ ɖò ɓó jàɖàìn-gbòɔ̀ wáká hwɔà ɖé jàɖàìn-hwɔ̀ɖɔ̀ɔ̀ xwía dyíɛɛ jè ɖekè. 26Ké wa nyu ma ɖɛ-kɔ̃-dè-ɖɛ̀ ɓɛ́ ɔ mɔ̀ séɓàɖà kɛɛ kpáɖá-nyɔ sɔ̃́. Ɖɛ-kɔ̃-dè-ɖɛ̀ sɔ̃́ nì ma ɓó cu-pĩ̀à ɖò-ɖò bìì. 27Wa nyu ma cu-pĩ̀à mɛ̀nɛ̌ìn-ɖò ɓó jàɖàìn-gbòɔ̀ ɖeín-wàká hwɔà ɖé dyóɖó-dyi-kpáìn-naínɔ̀ dyíɛɛ jè. 28Ké wa nyu ma cu-pĩ̀à sɔ̃́ ɓó jàɖàìn-gbòɔ̀ ɖeín-gã̀ sɔ̃́ ɓěɔ̀ jè. 29Wa deìn ma xwíníín ɖé gã sɔ̃́ ɓěɔ̀ kɔ̃. Kǎà wa sɔ̃́ɔ̀ nyu ma nìɛ̀. 30Ɔ jèɛɛ, cu-pĩ̀à ɓě hwɔà ɖé ɖeín dyíɛɛ nì ma mɛ̀nɛ̌ìn-tã, ké wa kɔ̃-dè-ɖɛ̀ mɔ̀à séɓàɖà kɛɛ nì ma ɓaɖa-bùè sè mɛ̀nɛ̌ìn-ɖò. Sɔ̃́ nì ma cu-pĩ̀à ɖò-ɖò xwíɖíi.
31Ké wa nyu ma àkésìà-cù-kpóɖó ɓě, ɓɛ́ wa ké cu-pĩ̀à ɓěɔ̀ kɔ̃ cɛ̃̀ìn, ɓɛ́ wa ké wa dyí-gmaìn-ɖɛ̀ jǔ. Hm̀m̌ nì ma cu-pĩ̀à ɓě nì ma jàɖàìn-gbòɔ̀ wáká ɖò kɔ̃ɛɛ kɔ̃, 32ké hm̀m̌ nì ma jàɖàìn-gbòɔ̀ wáká sɔ̃́ nììnɔ̀ kɔ̃, ké hm̀m̌ nì ma ɖeín-wàkáɔ̀ kɔ̃. 33Cu-pĩ̀à ɓěɔ̀ kɔ̃-cɛ̃̀ìn-cù ɓɛ́ ɔ nìà ɓó hwòɖǒǔn wɛ̃ɛ sɔ̀ ma máná ɖò gbo, ké ɔ nyini ma máná tɔ̀ɔ̀ gbo. 34Ké wa po ma cu-pĩ̀à ɓěɔ̀ góò bũ̌in, ké wa nyu ma góò-gbɛ̌ɛ̀ ɓě, ɓɛ́ wa ké ma cu-pĩ̀à ɓěɔ̀ kɔ̃-cɛ̃̀ìn-ɖɛ̀ ɓěɔ̀ ɓó cu-pĩ̀à ɓěɔ̀ dyéɖéín-dyi-nɛ́ìn-ɖɛ̀ jǔ. Wa po ma cu-pĩ̀à ɓěɔ̀ kɔ̃-cɛ̃̀ìn nììn ɓěɔ̀ góò bũ̌in ɖekè.
35Ké sɛ́ɖɛ́-dyuò-nyɔ̀ ɓěɔ̀ nyu ma faà-ɖɔ̀ ɓɛ́ ɔ cɛ̃ ma gbǒɔ̀ xwíníín nyɛ. Ɔ mɔ̀ ma ɖénì-ɖɔ̀ nɔ̀mɔ̀ dyíin kɔ̃̀ kɔ̃ ɓɛ́ wa ɖaɓa ma cɛ́ɖɔ̀ ɓě kɛ. Cɛ́ɖɔ̀ ɓěɔ̀ mɔ̀ ma dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã. 36Ké wa nyu ma àkésìà-cùè-ɓò hĩinyɛ ɓó faà-ɖɔ̀ɔ̀ jè, ké wa po ma wa góò bũ̌in. Ké wa nyu ma góò-gbǎ ɓě ɓó wa jè, ké wa nyu ma wa nììn kɔ̃-dè-ɖɛ̀ hĩinyɛ ɓɛ́ wa mɔ̀ séɓàɖà kɛ. 37Ké wa nyu ma faà-ɖɔ̀ ɖò ɓó gbǒ-wɔ̃̀ɔ̀ jè. Ɔ mɔ̀ ma ɖénì-ɖɔ̀ nɔ̀mɔ̀ dyíin kɔ̃̀ kɔ̃ ɓɛ́ wa ɖaɓa ma ɖɛ nɔ̀mɔ̀ kɔ̃in ɓěɛ. Wa ɖàɓàìn ma ɖɛ nɔ̀mɔ̀ kɔ̃in ɓěɔ̀ dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã. 38Ké wa nyu ma cúè-ɓò hm̀m̌ kè waà gbǎ ɓě ɓó faà-ɖɔ̀ɔ̀ jè. Ké wa po ma cúè-ɓò ɓěɔ̀ dú-hwìɛ̀ kè wa nììn kɔ̃-cɛ̃̀ìn-cù ɓěɔ̀ góò bũ̌in. Ké wa nyu ma cúè-ɓò ɓěɔ̀ kɔ̃-dè-ɖɛ̀ ɓɛ́ ɔ mɔ̀ bàɖàsǐ kɛ.
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.