Ɛ́séɖɔ̀ 35
35
Gma ɓě ɓá Bounɓoɔ̀ fɔ̀-wèɔ̀ jè dyíɛ
1Sɔ̀ìn ɓóɛ gboɛɛ, Mózè poìn ma Éézùɖùɛ̀-nyɔ̀ séín ɓěɔ̀ dyí, ké ɔ ɖá, “Ɖɛ ɓě ɓɛ́ Bounɓoɔ̀ cɛ̃ ɓě gbo ɓɛ́ ɓě ké nyuɛɛ, wa kɛà kɛ̀. 2Ɔ ɖá ɓě mɛ nyu kũ̀à ɓó wé mɛ̀nɛ̌ìn-ɖò xwíníín, kɛɛ wéɔ̀ mɛ̀nɛ̌ìn-sɔ̃́ nììnɔ̀ mɛ mɔ̀ wé hwɛ̀ǐn-hwɛ̀ǐn ɓó ɓě bìì. Ɔ mɛ mɔ̀ fɔ̀-wè kɔ̃̀ ɓaɖa ɓɛ́ ɓě ké Bounɓoɔ̀ ɓièɛ. Nyɔ kã̀ìn séín mu kũ̀à ɖò nyuùn ɓó wéɔ̀ ɓaɖaa, ɓě ɓéɖé ɓɛ́ ɓě ké ɔ ɖáɓá. 3Nyɔ ɖò ní ɖá ɓɛ́ ɔ ké nyɛ dyí po dyɛ mɔ̀ùn ɖé ɓěɛ̀ gbǒ ɓěɔ̀ ɖò mú, ɓó Bounɓoɔ̀ fɔ̀-wèɔ̀ ɓaɖa.”
Nyíí-ɖɛ̀ ɓě nì ɓó Bounɓoɔ̀ jàɖàìn-gbòɔ̀ bììɛ
(Ɛ́séɖɔ̀ 25:1-9)
4Ké Mózè kpa ma wuɖu dyúa ɖe, ké ɔ ɖá, “Ɖɛ ɖò ɓɛ́ Bounɓoɔ̀ cɛ̃ɛ ɖeɛɛ kɛà kɛ̀. 5Ɔ ɖá nyɔ kã̀ìn séín kɔ̃̀ hwòɖǒ wɔ̃́ɛɛ mɛ dyà ɔ nyíí-ɖɛ̀ ɓě. Nyíí-ɖɛ̀ ɓěɔ̀ mɛ mɔ̀ góò kè séɓàɖà kè bàɖàsǐ 6kè dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã kè ɖénì-ɖɔ̀ nɔ̀mɔ̀ dyíin kè wiɖi-mì-ɖɔ̀ 7kè ɓáɖáá-ɓíɔ́-kùɖùù ɓɛ́ wa nyu ké ɔ nì zĩ-zã kɛ kè dyóún-ɓìɖǐɛ̀ kúɖúù ɔ kè àkésìà-cù. 8Nyíí-ɖɛ̀ ɓěɔ̀ ɖíɛ́ ɓě mɛ mɔ̀ ɔ́ɖè-cànà ɓó ɖáùnpò ɓěɔ̀ jè kè nyɔ́ún-nɔ̀mɔ̀-ɖɛ̀ ɓě ɓó bũ̌-po-cànàɔ̀ caìn jè kè nyɔ́ún-nɔ̀mɔ̀-ɖɛ̀ ɓě ɓɛ́ wa ké fɔ̃ɛ 9kè ɔ́nɛ̀-sɔ̀ɔ̌ ɔ kè sɔ́ɔ́ kpa ɖɛ ɖíɛ́ ɓě ɓɛ́ wa ké ɓó sáa-zà-nyɔ̀ vɛ̀nɛ̀ɔ̀ ífɔ̀ɔ̀ kè ɔ kɛ́í-jìɖǐ-ɖɛ̀ɔ̀ dyéɖéín dyi nɛ́ìn nyɛ.
Bounɓoɔ̀ jàɖàìn-gbòɔ̀ ɖɛ ɓě
(Ɛ́séɖɔ̀ 39:32-43)
10“Ɔ ɖǎ ná nìǐn, sɛ́ɖɛ́-dyuò-nyɔ̀ séín ɓɛ́ wa nì ɖé ɓě hwìɛ̀ kɛɛ mɛ dyi, ɓɛ́ wa ké ɖɛ séín ɓɛ́ Bounɓoɔ̀ ɖǎà cɛ̃ kɛɛ nyu. 11Ɖɛ ɓěɔ̀ mɛ mɔ̀ Bounɓoɔ̀ jàɖàìn-gbòɔ̀ kèɛ̀ faà-ɖɔ̀ ɓěɔ̀ kèɛ̀ kɔ̃in-ɓáìn-ɖɛ̀ ɓěɔ̀ kèɛ̀ gbǎ ɓěɔ̀ kèɛ̀ cu-pĩ̀à ɓěɔ̀ kèɛ̀ kɔ̃-cɛ̃̀ìn-cù ɓěɔ̀ kèɛ̀ cúè-ɓò ɓěɔ̀ ɔ kè cúè-ɓò ɓěɔ̀ kɔ̃-dè-ɖɛ̀ ɓě. 12Ɖɛ ɓěɔ̀ ɖíɛ́ ɓě mɛ mɔ̀ gma-gbɔ̀ɖɔ̀ɔ̀ kè ɔ ɓéɖéìn-cù ɓěɔ̀ kè Bounɓoɔ̀ nyɔ-wìì-kɔ̃-ɓéɖéìn-naín nìà ɓó gbɔ̀ɖɔ̀ɔ̀ kɔ̃ɛ kè ɔ nììn faà-ɖɔ̀ɔ̀ 13kè téɓèɖèɔ̀ kèɛ̀ nììn ɓéɖéìn-cù ɓěɔ̀ kè kũ̀à-mú-nyùìn-ɖɛ̀ séín ɓá téɓèɖèɔ̀ dyíɛ ɔ kè bɛɖɛɛ̀ ɓɛ́ wa kéà ɓó téɓèɖèɔ̀ kɔ̃ dè ɓó Bounɓoɔ̀ bììɛ. 14Ké ɖɛ ɓěɔ̀ ɖíɛ́ ɓě mɛ mɔ̀ ɖáùnpò-kɔ̃-dè-ɖɛ̀ɔ̀ kè kũ̀à-mú-nyùìn-ɖɛ̀ ɓě ɓá ɖáùnpò-kɔ̃-dè-ɖɛ̀ɔ̀ dyíɛ kè ɖáùnpò ɓěɔ̀ mìɔùn kè cáná ɓó ɖáùnpò ɓěɔ̀ jè 15kè nyɔ́ún-nɔ̀mɔ̀-ɖɛ̀ kɔ̃-fɔ̃̀ìn-gbààɔ̀ kèɛ̀ nììn ɓéɖéìn-cù ɓěɔ̀ kè bũ̌-po-cànàɔ̀ kè nyɔ́ún-nɔ̀mɔ̀-ɖɛ̀ ɓɛ́ wa ké fɔ̃ɛ kè faà-ɖɔ̀ ɓó jàɖàìn-gbò-wɔ̃̀ɔ̀ jè 16kè sáa-kɔ̃-zàìn-gbààɔ̀ kè ɔ nììn tɔ̀ɔ̌ ɓɛ́ ɔ mɔ̀à bàɖàsǐ kɛ kè ɔ nììn ɓéɖéìn-cù ɓěɔ̀ kè kũ̀à-mú-nyùìn-ɖɛ̀ séín ɓá gbààɔ̀ dyíɛ kè mú-dèɖèìn-ɖɛ̀ ɓɛ́ ɔ mɔ̀à bàɖàsǐ kɛ kèɛ̀ kɔ̃-dè-ɖɛ̀ɔ̀ 17kè faà-ɖɔ̀ ɓɛ́ wa ké gba-gbaɔ̀ cɛ̃̀ìn nyɛ kè gba-gbaɔ̀ cúè-ɓò ɓěɔ̀ kè wa nììn kɔ̃-dè-ɖɛ̀ ɓěɔ̀ kè faà-ɖɔ̀ ɓó gba-gba-wɔ̃̀ɔ̀ jè 18ɔ kè ɖúú ɓě kè ɓóɖóún-kɔ-cù ɓě kéà jàɖàìn-gbòɔ̀ kè gba-gbaɔ̀ ɓóɖóún dyi kpɔ̃ɛ. 19Ké ɖɛ ɓěɔ̀ ɖíɛ́ ɓě mɛ mɔ̀ mú-po-ɖɔ̀ hwɛ̀ǐn-hwɛ̀ǐn ɓě ɓɛ́ wa ɖaɓa ɓó Eɖóún mɔ̀à sáa-zà-nyɔ̀ vɛ̀nɛ̀ɔ̀ kɛ kè ɔ dyú-gàà ɓěɔ̀ bìì, ɓɛ́ wa kéà mú po ti wa mu sáa-zà-kũ̀àɔ̀ nyuɛń nììn ɖé pá hwɛ̀ǐn-hwɛ̀ǐnɔ̀ múɛ.”
Nyɔ ɓěɔ̀ dyà waà nyíí-ɖɛ̀ ɓě
20Ti ɓɛ́ Mózè ɖǎ ma wuɖu jaɖaa, púɛɛ, Éézùɖùɛ̀-nyɔ̀ séín ɓěɔ̀ mu ma wa ɓíɖí-taún ɖe. 21Ké nyɔ séín kɔ̃̀ hwòɖǒ wɔ̃́ ma kɛɛ dyà ma nyíí-ɖɛ̀ ɓě ɓó Bounɓoɔ̀ jàɖàìn-gbòɔ̀ po jè kè ɓó ɖɛ séín ɓá jàɖàìn-gbòɔ̀ dyíɛɛ nyu jè ɔ kè ɓó mú-po-ɖɔ̀ hwɛ̀ǐn-hwɛ̀ǐn ɓěɔ̀ jè. 22Gàa kè màa séín kɔ̃̀ hwòɖǒ wɔ̃́ ma kɛɛ dyà ma góò-bɛ̃̀ìn-ɖɛ̀ kò-kò ɓě. Wa mɔ̀ kɛ́ín-po-ɖɛ̀ ɓě kè ɖùǔn-po-ɖɛ̀ ɓě kè jìǐn-po-ɖɛ̀ ɓě kè ɖɔ-po-ɖɛ̀ ɓě ɔ kè bɛ̃̀ìn-ɖɛ̀ tɔ̀ɔ̀ ɓě. Ké wa séín tòɛ̀ ma, ɓɛ́ ɔ ké nyíí-ɖɛ̀ kpa ɖɛ jǔ ɓó Bounɓoɔ̀ bìì. 23Ké nyɔ séín ɓɛ́ wa ɓéɖé ma dyèě-ɖúú ɖàɓàìn kpèɛ̀ kɛɛ dú kò-kò ɓě mɔɔ dyèě-ɖúú zĩ-zã mɔɔ ɖénì-ɖɔ̀ nɔ̀mɔ̀ dyíin mɔɔ wiɖi-mì-ɖɔ̀ mɔɔ ɓáɖáá-ɓíɔ́-kùɖùù ɓɛ́ wa nyu ké ɔ nì zĩ-zã kɛ mɔɔ dyóún-ɓìɖǐɛ̀ kúɖúù kɛɛ dyà ma wa ní. 24Nyɔ séín ɓɛ́ wa ɓéɖé ma séɓàɖà mɔɔ bàɖàsǐ kɛɛ nyíɛ ma Bounɓoɔ̀ ní, ké nyɔ séín ɓɛ́ wa ɓéɖé ma àkésìà-cù ɓó kũ̀àɔ̀ jèɛɛ dyàà ma ní. 25Màa séín ɓɛ́ wa dyuò ɖɔ ɖaɓaa kɛɛ ɖaɓa ma ɖénì-ɖɔ̀ nɔ̀mɔ̀ dyíin, ké wa páná ma dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã, ké wa dyàà ma ɓó kũ̀àɔ̀ jè. 26Ké màa séín ɓɛ́ wa dyuò wiɖi-mì-ɖɔ̀ ɖaɓaa, ké waà hwòɖǒ wɔ̃́ kɛɛ ɖaɓa ma wiɖi-mì-ɖɔ̀ ɓó kũ̀àɔ̀ jè. 27Éézùɖùɛ̀-nyɔ̀ ɓěɔ̀ nyɔ vɛ̀nɛ̀ ɓěɔ̀ dyà ma ɔ́nɛ̀-sɔ̀ɔ̌ ɔ kè sɔ́ɔ́ kpa ɖɛ ɖíɛ́ ɓě ɓɛ́ wa ké ɓó sáa-zà-nyɔ̀ vɛ̀nɛ̀ɔ̀ ífɔ̀ɔ̀ kè ɔ kɛ́í-jìɖǐ-ɖɛ̀ɔ̀ dyéɖéín dyi nɛ́ìn nyɛ. 28Ké wa dyà ma ɔ́ɖè-cànà ɓó ɖáùnpò ɓěɔ̀ jè kè nyɔ́ún-nɔ̀mɔ̀-ɖɛ̀ ɓě ɓó bũ̌-po-cànàɔ̀ caìn jè ɔ kè nyɔ́ún-nɔ̀mɔ̀-ɖɛ̀ ɓě ɓɛ́ wa ké fɔ̃ɛ. 29Kǎà Éézùɖùɛ̀-nyɔ̀ séín ɓěɔ̀ gàa kè màa nyu ma Bounɓoɔ̀ hwòɖǒ-wáɖáá-nyìǐ-ɖɛ̀ nyíɛ ɓó kũ̀à séín kɔ̃̀ jè ɓɛ́ Bounɓoɔ̀ cɛ̃ ma kà Mózè gbo, ɓɛ́ nyɔ ɓěɔ̀ ké ma kà nyuɛɛ jè.
Sɛ́ɖɛ́-dyuò-nyɔ̀ ɓě ké Bounɓoɔ̀ jàɖàìn-gbòɔ̀ poɛ
(Ɛ́séɖɔ̀ 31:1-11)
30Hwɛ̀ ké Mózè cɛ̃ɛ ma Éézùɖùɛ̀-nyɔ̀ ɓěɔ̀ gbo, ké ɔ ɖá, “Ɓě dyé Bɛ̀záɖèò ɓɛ́ ɔ mɔ̀à Húɔ̀ɛ̀ nyúà-dyú, kɔ̃̀ ɓǎ mɔ̀à Dyúwìɖì, ké ɔ sɔ̀à ɖé Júɖàà xwéɖé-dùɔ̀ múɛ. Bounɓoɔ̀ ɖǎ ɔ gã, 31ké ɔ ɖǎ ɔ Zùùɔ̀ ɔ múin dyíìn, ɓɛ́ ɔ ké sɛ́ɖɛ́ ɓá kũ̀à-dù kò-kò ɓě nyu-nyu dyíɛɛ dyuò. Ɔ ɖǎ xwíníín dyi cɛ̃̀, 32ɓɛ́ ɔ ké kà góò-ɖɛ̀ ɓě kè séɓàɖà-ɖɛ̀ ɓě ɔ kè bàɖàsǐ-ɖɛ̀ ɓě mú-mɛ-ɖɛ̀ ɓě jè ɓíín zà. 33Ké ɔ ɖǎ sɔ́ɔ́ kpa ɖɛ ɓě sɛɛ dyuò, ɓɛ́ wa kéɛ dè, ké ɔ ɖǎ sɛ́ɖɛ́-ɖɛ̀ ɓě ɓá cu-kũ̀à mú nyùìn jè dyíɛɛ dyuò, ké ɔ ɖǎ sɛ́ɖɛ́-kũ̀à-dù tɔ̀ɔ̀ séín dyuò. 34Ɓó kɔ̃in ɖeɛɛ, Bounɓoɔ̀ ɖǎ ɔ kè Àhòɖíà mɔ̀à Àhìsámàà dyú-gàà, ɓɛ́ ɔ sɔ̀à ɖé Dɛ̃́ìn xwéɖé-dùɔ̀ múɛɛ fɔ̀nɔ̀-hwòɖǒ nyí, ɓɛ́ wa ké nyɔ tɔ̀ɔ̀ ɓě waà sɛ́ɖɛ́ɔ̀ tɛ̀mɛ̀ìn. 35Ké Bounɓoɔ̀ ɖǎ wa fɔ̀nɔ̀-hwòɖǒ nyí, ɓɛ́ wa ké sɛ́ɖɛ́-kũ̀à ɓě mɔ̀à ɖɛ-sɔ̃-bɛ̃̀-kɔ̃-pòìn-ɖɛ̀ nyu-nyɔ̀ ɓě kè ɖɛ kò-kò ɓě mú-mɛ-ɖɛ̀ ɓě jè ɓíín-zà-nyɔ̀ ɓě kè ɖɔ-ɖaɓa-nyɔ̀ ɓě ɔ kè ɖɛ kò-kò ɓě ɖɔ-kɔ̃-ɖaɓa-nyɔ̀ ɓěɛ̀ nyuu-kũ̀à ɓěɔ̀ kɛɛ nyu. Wa dyuò dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã ɓě ɖénì-ɖɔ̀ nɔ̀mɔ̀ dyíin ɓě kɔ̃ ɖàɓàìn. Nyɔ ɓěɛ̀ mɔ̀ sɛ́ɖɛ́-dyuò-nyɔ̀ ɓě kè kũ̀à-dyí-sɔ́-nyɔ̀ ɓě.
Trenutno izbrano:
Ɛ́séɖɔ̀ 35: ƁB02
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.
Ɛ́séɖɔ̀ 35
35
Gma ɓě ɓá Bounɓoɔ̀ fɔ̀-wèɔ̀ jè dyíɛ
1Sɔ̀ìn ɓóɛ gboɛɛ, Mózè poìn ma Éézùɖùɛ̀-nyɔ̀ séín ɓěɔ̀ dyí, ké ɔ ɖá, “Ɖɛ ɓě ɓɛ́ Bounɓoɔ̀ cɛ̃ ɓě gbo ɓɛ́ ɓě ké nyuɛɛ, wa kɛà kɛ̀. 2Ɔ ɖá ɓě mɛ nyu kũ̀à ɓó wé mɛ̀nɛ̌ìn-ɖò xwíníín, kɛɛ wéɔ̀ mɛ̀nɛ̌ìn-sɔ̃́ nììnɔ̀ mɛ mɔ̀ wé hwɛ̀ǐn-hwɛ̀ǐn ɓó ɓě bìì. Ɔ mɛ mɔ̀ fɔ̀-wè kɔ̃̀ ɓaɖa ɓɛ́ ɓě ké Bounɓoɔ̀ ɓièɛ. Nyɔ kã̀ìn séín mu kũ̀à ɖò nyuùn ɓó wéɔ̀ ɓaɖaa, ɓě ɓéɖé ɓɛ́ ɓě ké ɔ ɖáɓá. 3Nyɔ ɖò ní ɖá ɓɛ́ ɔ ké nyɛ dyí po dyɛ mɔ̀ùn ɖé ɓěɛ̀ gbǒ ɓěɔ̀ ɖò mú, ɓó Bounɓoɔ̀ fɔ̀-wèɔ̀ ɓaɖa.”
Nyíí-ɖɛ̀ ɓě nì ɓó Bounɓoɔ̀ jàɖàìn-gbòɔ̀ bììɛ
(Ɛ́séɖɔ̀ 25:1-9)
4Ké Mózè kpa ma wuɖu dyúa ɖe, ké ɔ ɖá, “Ɖɛ ɖò ɓɛ́ Bounɓoɔ̀ cɛ̃ɛ ɖeɛɛ kɛà kɛ̀. 5Ɔ ɖá nyɔ kã̀ìn séín kɔ̃̀ hwòɖǒ wɔ̃́ɛɛ mɛ dyà ɔ nyíí-ɖɛ̀ ɓě. Nyíí-ɖɛ̀ ɓěɔ̀ mɛ mɔ̀ góò kè séɓàɖà kè bàɖàsǐ 6kè dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã kè ɖénì-ɖɔ̀ nɔ̀mɔ̀ dyíin kè wiɖi-mì-ɖɔ̀ 7kè ɓáɖáá-ɓíɔ́-kùɖùù ɓɛ́ wa nyu ké ɔ nì zĩ-zã kɛ kè dyóún-ɓìɖǐɛ̀ kúɖúù ɔ kè àkésìà-cù. 8Nyíí-ɖɛ̀ ɓěɔ̀ ɖíɛ́ ɓě mɛ mɔ̀ ɔ́ɖè-cànà ɓó ɖáùnpò ɓěɔ̀ jè kè nyɔ́ún-nɔ̀mɔ̀-ɖɛ̀ ɓě ɓó bũ̌-po-cànàɔ̀ caìn jè kè nyɔ́ún-nɔ̀mɔ̀-ɖɛ̀ ɓě ɓɛ́ wa ké fɔ̃ɛ 9kè ɔ́nɛ̀-sɔ̀ɔ̌ ɔ kè sɔ́ɔ́ kpa ɖɛ ɖíɛ́ ɓě ɓɛ́ wa ké ɓó sáa-zà-nyɔ̀ vɛ̀nɛ̀ɔ̀ ífɔ̀ɔ̀ kè ɔ kɛ́í-jìɖǐ-ɖɛ̀ɔ̀ dyéɖéín dyi nɛ́ìn nyɛ.
Bounɓoɔ̀ jàɖàìn-gbòɔ̀ ɖɛ ɓě
(Ɛ́séɖɔ̀ 39:32-43)
10“Ɔ ɖǎ ná nìǐn, sɛ́ɖɛ́-dyuò-nyɔ̀ séín ɓɛ́ wa nì ɖé ɓě hwìɛ̀ kɛɛ mɛ dyi, ɓɛ́ wa ké ɖɛ séín ɓɛ́ Bounɓoɔ̀ ɖǎà cɛ̃ kɛɛ nyu. 11Ɖɛ ɓěɔ̀ mɛ mɔ̀ Bounɓoɔ̀ jàɖàìn-gbòɔ̀ kèɛ̀ faà-ɖɔ̀ ɓěɔ̀ kèɛ̀ kɔ̃in-ɓáìn-ɖɛ̀ ɓěɔ̀ kèɛ̀ gbǎ ɓěɔ̀ kèɛ̀ cu-pĩ̀à ɓěɔ̀ kèɛ̀ kɔ̃-cɛ̃̀ìn-cù ɓěɔ̀ kèɛ̀ cúè-ɓò ɓěɔ̀ ɔ kè cúè-ɓò ɓěɔ̀ kɔ̃-dè-ɖɛ̀ ɓě. 12Ɖɛ ɓěɔ̀ ɖíɛ́ ɓě mɛ mɔ̀ gma-gbɔ̀ɖɔ̀ɔ̀ kè ɔ ɓéɖéìn-cù ɓěɔ̀ kè Bounɓoɔ̀ nyɔ-wìì-kɔ̃-ɓéɖéìn-naín nìà ɓó gbɔ̀ɖɔ̀ɔ̀ kɔ̃ɛ kè ɔ nììn faà-ɖɔ̀ɔ̀ 13kè téɓèɖèɔ̀ kèɛ̀ nììn ɓéɖéìn-cù ɓěɔ̀ kè kũ̀à-mú-nyùìn-ɖɛ̀ séín ɓá téɓèɖèɔ̀ dyíɛ ɔ kè bɛɖɛɛ̀ ɓɛ́ wa kéà ɓó téɓèɖèɔ̀ kɔ̃ dè ɓó Bounɓoɔ̀ bììɛ. 14Ké ɖɛ ɓěɔ̀ ɖíɛ́ ɓě mɛ mɔ̀ ɖáùnpò-kɔ̃-dè-ɖɛ̀ɔ̀ kè kũ̀à-mú-nyùìn-ɖɛ̀ ɓě ɓá ɖáùnpò-kɔ̃-dè-ɖɛ̀ɔ̀ dyíɛ kè ɖáùnpò ɓěɔ̀ mìɔùn kè cáná ɓó ɖáùnpò ɓěɔ̀ jè 15kè nyɔ́ún-nɔ̀mɔ̀-ɖɛ̀ kɔ̃-fɔ̃̀ìn-gbààɔ̀ kèɛ̀ nììn ɓéɖéìn-cù ɓěɔ̀ kè bũ̌-po-cànàɔ̀ kè nyɔ́ún-nɔ̀mɔ̀-ɖɛ̀ ɓɛ́ wa ké fɔ̃ɛ kè faà-ɖɔ̀ ɓó jàɖàìn-gbò-wɔ̃̀ɔ̀ jè 16kè sáa-kɔ̃-zàìn-gbààɔ̀ kè ɔ nììn tɔ̀ɔ̌ ɓɛ́ ɔ mɔ̀à bàɖàsǐ kɛ kè ɔ nììn ɓéɖéìn-cù ɓěɔ̀ kè kũ̀à-mú-nyùìn-ɖɛ̀ séín ɓá gbààɔ̀ dyíɛ kè mú-dèɖèìn-ɖɛ̀ ɓɛ́ ɔ mɔ̀à bàɖàsǐ kɛ kèɛ̀ kɔ̃-dè-ɖɛ̀ɔ̀ 17kè faà-ɖɔ̀ ɓɛ́ wa ké gba-gbaɔ̀ cɛ̃̀ìn nyɛ kè gba-gbaɔ̀ cúè-ɓò ɓěɔ̀ kè wa nììn kɔ̃-dè-ɖɛ̀ ɓěɔ̀ kè faà-ɖɔ̀ ɓó gba-gba-wɔ̃̀ɔ̀ jè 18ɔ kè ɖúú ɓě kè ɓóɖóún-kɔ-cù ɓě kéà jàɖàìn-gbòɔ̀ kè gba-gbaɔ̀ ɓóɖóún dyi kpɔ̃ɛ. 19Ké ɖɛ ɓěɔ̀ ɖíɛ́ ɓě mɛ mɔ̀ mú-po-ɖɔ̀ hwɛ̀ǐn-hwɛ̀ǐn ɓě ɓɛ́ wa ɖaɓa ɓó Eɖóún mɔ̀à sáa-zà-nyɔ̀ vɛ̀nɛ̀ɔ̀ kɛ kè ɔ dyú-gàà ɓěɔ̀ bìì, ɓɛ́ wa kéà mú po ti wa mu sáa-zà-kũ̀àɔ̀ nyuɛń nììn ɖé pá hwɛ̀ǐn-hwɛ̀ǐnɔ̀ múɛ.”
Nyɔ ɓěɔ̀ dyà waà nyíí-ɖɛ̀ ɓě
20Ti ɓɛ́ Mózè ɖǎ ma wuɖu jaɖaa, púɛɛ, Éézùɖùɛ̀-nyɔ̀ séín ɓěɔ̀ mu ma wa ɓíɖí-taún ɖe. 21Ké nyɔ séín kɔ̃̀ hwòɖǒ wɔ̃́ ma kɛɛ dyà ma nyíí-ɖɛ̀ ɓě ɓó Bounɓoɔ̀ jàɖàìn-gbòɔ̀ po jè kè ɓó ɖɛ séín ɓá jàɖàìn-gbòɔ̀ dyíɛɛ nyu jè ɔ kè ɓó mú-po-ɖɔ̀ hwɛ̀ǐn-hwɛ̀ǐn ɓěɔ̀ jè. 22Gàa kè màa séín kɔ̃̀ hwòɖǒ wɔ̃́ ma kɛɛ dyà ma góò-bɛ̃̀ìn-ɖɛ̀ kò-kò ɓě. Wa mɔ̀ kɛ́ín-po-ɖɛ̀ ɓě kè ɖùǔn-po-ɖɛ̀ ɓě kè jìǐn-po-ɖɛ̀ ɓě kè ɖɔ-po-ɖɛ̀ ɓě ɔ kè bɛ̃̀ìn-ɖɛ̀ tɔ̀ɔ̀ ɓě. Ké wa séín tòɛ̀ ma, ɓɛ́ ɔ ké nyíí-ɖɛ̀ kpa ɖɛ jǔ ɓó Bounɓoɔ̀ bìì. 23Ké nyɔ séín ɓɛ́ wa ɓéɖé ma dyèě-ɖúú ɖàɓàìn kpèɛ̀ kɛɛ dú kò-kò ɓě mɔɔ dyèě-ɖúú zĩ-zã mɔɔ ɖénì-ɖɔ̀ nɔ̀mɔ̀ dyíin mɔɔ wiɖi-mì-ɖɔ̀ mɔɔ ɓáɖáá-ɓíɔ́-kùɖùù ɓɛ́ wa nyu ké ɔ nì zĩ-zã kɛ mɔɔ dyóún-ɓìɖǐɛ̀ kúɖúù kɛɛ dyà ma wa ní. 24Nyɔ séín ɓɛ́ wa ɓéɖé ma séɓàɖà mɔɔ bàɖàsǐ kɛɛ nyíɛ ma Bounɓoɔ̀ ní, ké nyɔ séín ɓɛ́ wa ɓéɖé ma àkésìà-cù ɓó kũ̀àɔ̀ jèɛɛ dyàà ma ní. 25Màa séín ɓɛ́ wa dyuò ɖɔ ɖaɓaa kɛɛ ɖaɓa ma ɖénì-ɖɔ̀ nɔ̀mɔ̀ dyíin, ké wa páná ma dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã, ké wa dyàà ma ɓó kũ̀àɔ̀ jè. 26Ké màa séín ɓɛ́ wa dyuò wiɖi-mì-ɖɔ̀ ɖaɓaa, ké waà hwòɖǒ wɔ̃́ kɛɛ ɖaɓa ma wiɖi-mì-ɖɔ̀ ɓó kũ̀àɔ̀ jè. 27Éézùɖùɛ̀-nyɔ̀ ɓěɔ̀ nyɔ vɛ̀nɛ̀ ɓěɔ̀ dyà ma ɔ́nɛ̀-sɔ̀ɔ̌ ɔ kè sɔ́ɔ́ kpa ɖɛ ɖíɛ́ ɓě ɓɛ́ wa ké ɓó sáa-zà-nyɔ̀ vɛ̀nɛ̀ɔ̀ ífɔ̀ɔ̀ kè ɔ kɛ́í-jìɖǐ-ɖɛ̀ɔ̀ dyéɖéín dyi nɛ́ìn nyɛ. 28Ké wa dyà ma ɔ́ɖè-cànà ɓó ɖáùnpò ɓěɔ̀ jè kè nyɔ́ún-nɔ̀mɔ̀-ɖɛ̀ ɓě ɓó bũ̌-po-cànàɔ̀ caìn jè ɔ kè nyɔ́ún-nɔ̀mɔ̀-ɖɛ̀ ɓě ɓɛ́ wa ké fɔ̃ɛ. 29Kǎà Éézùɖùɛ̀-nyɔ̀ séín ɓěɔ̀ gàa kè màa nyu ma Bounɓoɔ̀ hwòɖǒ-wáɖáá-nyìǐ-ɖɛ̀ nyíɛ ɓó kũ̀à séín kɔ̃̀ jè ɓɛ́ Bounɓoɔ̀ cɛ̃ ma kà Mózè gbo, ɓɛ́ nyɔ ɓěɔ̀ ké ma kà nyuɛɛ jè.
Sɛ́ɖɛ́-dyuò-nyɔ̀ ɓě ké Bounɓoɔ̀ jàɖàìn-gbòɔ̀ poɛ
(Ɛ́séɖɔ̀ 31:1-11)
30Hwɛ̀ ké Mózè cɛ̃ɛ ma Éézùɖùɛ̀-nyɔ̀ ɓěɔ̀ gbo, ké ɔ ɖá, “Ɓě dyé Bɛ̀záɖèò ɓɛ́ ɔ mɔ̀à Húɔ̀ɛ̀ nyúà-dyú, kɔ̃̀ ɓǎ mɔ̀à Dyúwìɖì, ké ɔ sɔ̀à ɖé Júɖàà xwéɖé-dùɔ̀ múɛ. Bounɓoɔ̀ ɖǎ ɔ gã, 31ké ɔ ɖǎ ɔ Zùùɔ̀ ɔ múin dyíìn, ɓɛ́ ɔ ké sɛ́ɖɛ́ ɓá kũ̀à-dù kò-kò ɓě nyu-nyu dyíɛɛ dyuò. Ɔ ɖǎ xwíníín dyi cɛ̃̀, 32ɓɛ́ ɔ ké kà góò-ɖɛ̀ ɓě kè séɓàɖà-ɖɛ̀ ɓě ɔ kè bàɖàsǐ-ɖɛ̀ ɓě mú-mɛ-ɖɛ̀ ɓě jè ɓíín zà. 33Ké ɔ ɖǎ sɔ́ɔ́ kpa ɖɛ ɓě sɛɛ dyuò, ɓɛ́ wa kéɛ dè, ké ɔ ɖǎ sɛ́ɖɛ́-ɖɛ̀ ɓě ɓá cu-kũ̀à mú nyùìn jè dyíɛɛ dyuò, ké ɔ ɖǎ sɛ́ɖɛ́-kũ̀à-dù tɔ̀ɔ̀ séín dyuò. 34Ɓó kɔ̃in ɖeɛɛ, Bounɓoɔ̀ ɖǎ ɔ kè Àhòɖíà mɔ̀à Àhìsámàà dyú-gàà, ɓɛ́ ɔ sɔ̀à ɖé Dɛ̃́ìn xwéɖé-dùɔ̀ múɛɛ fɔ̀nɔ̀-hwòɖǒ nyí, ɓɛ́ wa ké nyɔ tɔ̀ɔ̀ ɓě waà sɛ́ɖɛ́ɔ̀ tɛ̀mɛ̀ìn. 35Ké Bounɓoɔ̀ ɖǎ wa fɔ̀nɔ̀-hwòɖǒ nyí, ɓɛ́ wa ké sɛ́ɖɛ́-kũ̀à ɓě mɔ̀à ɖɛ-sɔ̃-bɛ̃̀-kɔ̃-pòìn-ɖɛ̀ nyu-nyɔ̀ ɓě kè ɖɛ kò-kò ɓě mú-mɛ-ɖɛ̀ ɓě jè ɓíín-zà-nyɔ̀ ɓě kè ɖɔ-ɖaɓa-nyɔ̀ ɓě ɔ kè ɖɛ kò-kò ɓě ɖɔ-kɔ̃-ɖaɓa-nyɔ̀ ɓěɛ̀ nyuu-kũ̀à ɓěɔ̀ kɛɛ nyu. Wa dyuò dyèě-ɖúú ɖàɓàìn kpèɛ̀ kɛɛ dú kò-kò ɓě kèɛ̀ dyéɖé zĩ-zã ɓě ɖénì-ɖɔ̀ nɔ̀mɔ̀ dyíin ɓě kɔ̃ ɖàɓàìn. Nyɔ ɓěɛ̀ mɔ̀ sɛ́ɖɛ́-dyuò-nyɔ̀ ɓě kè kũ̀à-dyí-sɔ́-nyɔ̀ ɓě.
Trenutno izbrano:
:
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Bassa Bible © Bible Society Liberia, 2002.