जकर्याह 13
13
मूर्तिपूजा का सर्वनाश
1“उसे दिन दाऊद के कुण्बे अर यरुशलेम के माणसां कै खात्तर पाप अर मलिनता धोण कै खात्तर एक बैहन्दा होया सोता फूटैगा।”
2“सेनाओं के यहोवा की या वाणी सै, के उस बखत मै इस देश म्ह तै मूरतां के नाम मिटा दियुँगा#13:2 मै इस देश म्ह तै मूरतां के नाम मिटा दियुँगा यो मूर्तिपूजा की रोक का बाड़ा था बुराई का नाम लेणा बुराई का मोह सै।, अर वे फेर याद न्ही रहवैंगी; अर मै नबियाँ अर अशुद्ध आत्मा नै इस देश म्ह तै लिकाड़ देऊँगा। 3अर जै कोए फेर भविष्यवाणी करै, तो उसके माता-पिता, जिनतै वो पैदा होया, उसतै कहवैंगे, ‘तू जिन्दा ना बचैगा, क्यूँके तन्नै यहोवा के नाम तै झूठ कह्या सै;’ इस करकै जिब वो भविष्यवाणी करै, फेर उसके माता-पिता जिनतै वो पैदा होया उसनै बेध डाल्लैगें। 4उस बखत हर एक भविष्यवक्ता भविष्यवाणी करदे होए अपणे-अपणे दर्शन तै लज्जित होवैंगे, अर धोक्खा देण कै खात्तर काम्बळ के कपड़े#13:4 काम्बळ के कपड़े भविष्यवक्ता जरिये पहरे जाण आळा कपड़ा। ना पहैरेंगे, 5लेकिन वो कहवैगा, ‘मै उन झूठ्ठे भविष्यवक्ता म्ह तै न्ही, किसान सूं; क्यूँके बाळकपण तै ए मै दुसरयां का दास सूं#13:5 बाळकपण तै ए मै दुसरयां का दास सूं यानिके मन्नै बचपन तै किसान के रूप म्ह काम करया सै।।’ 6फेर जै उसतै यो पूच्छया जावै, ‘तेरी छात्ती पै ये घाव किस तरियां होए,’ फेर वो कहवैगा, ‘ये वेए सैं जो मेरे प्यार करण आळयां के घर म्ह मेरे ताहीं लाग्गे सैं।’”
प्रभु के चरवाहे ताहीं मार देण का हुकम
7सेनाओं के यहोवा की या वाणी सै, “हे तलवार, मेरे ठहराए होए पाळी कै खिलाफ यानिके जो माणस मेरा स्वजाति सै, उसके बिरुध्द चाल। तू उस पाळी नै काट, फेर भेड़-बकरी आस्सै-पास्सै हो जावैंगी; अर बच्यां पै मै अपणे हाथ बढ़ाऊँगा। 8यहोवा की या भी वाणी सै, के इस देश के सारे निवासियां की दो तिहाई आबादी मार डाल्ली जावैंगी अर बची होई एक तिहाई उस म्ह बणी रहवैगी। 9उस एक तिहाई नै मै आग म्ह देकै इसा निर्मल करुँगा, जिसा चाँदी ताहीं निर्मल करया जावै सै, अर इसा जाचुँगा जिसा सोन्ना जाँच्या जावै सै। वे मेरे तै प्रार्थना करया करैंगे#13:9 वे मेरे तै प्रार्थना करया करैंगे भगति अर आराधना म्ह। पूर्व संकल्प अर अनुग्रह के निवेश कै गैल।, अर मै उनकी सुणूँगा। मै उनके बारे म्ह कहूँगा, ‘ये मेरी प्रजा सैं,’ अर वे मेरे बारे म्ह कहवैंगे, ‘यहोवा म्हारा परमेसवर सै।’”#13:9 1 पत. 1:7; भजन. 91:15; यिर्म. 30:22
Trenutno izbrano:
जकर्याह 13: BGC
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.