Jona 4
4
Lunyangu la Jona
1Keli dikambu so diakanyangia Jona utamanya. Ku ndi akuki kele 2Ndi akalombe Latuyalaka ati: Latuyalaka li, ulungi, aha dikambu ne mbakamatakutedi lamʼakimi lu kete yasu? Uma lu dikambu diako, mbakamasamanya dia ndawo utsha la Tarashishi. Dimi lakeyi nti. We eli Unyashungu, kanga ngandji ka mamba, lahatukaka kele esadi, luludi too la ngandji ka shikaa,#4:2 Etum. 34:6. latolembaka utema, diaha ntshela antu kolo. 3Okone we Latuyalaka, lambukosengasenga nti: Ose lumu lami kakiane, ne dia ndeka ololo dimi mvo uleki ntshikala la lumu. 4Latuyalaka akawumbula ati: Undi, ololo mbatshaye lamʼumalaye aku? 5Ku Jona akatumbi uma lʼusumba. Ndi akatudjase lu leke lʼehutwelu ka unya lʼusumba. Ndi akatuyahikela tshumbutumbu leko. Ndi akadjase lu dedi diayo edja ndu ndi ambena kene kayuyala lʼusumba.
6Unyashungu, Latuyalaka, akatundja dimoke, akadilambia ladiku dia Jona, dia dio ndjala dedi lʼote andi, dia dio mbushimbela uma lu pa kandi. Okone Jona akangenangena otekoya dia dimoke diako. 7Keli la wedi a pindju, Unyashungu akatumi dikiyu. Dio diakahimbula dimoke, ku dimoke diakalengela. 8Lamʼakahuto unya, Unyashungu akapepia lopepe la eumbi uma lʼehutwelu ka unya. Yanyi yakahete wulu lʼote wa Jona edja ndu ndi akakomo. Ku ndi akakumbula nyoi, akati ati: Ndeka ololo dimi mvo uleki ntshikala la lumu. 9Unyashungu akambula Jona ati: Undi, ololo mbatshaye lamʼumalaye kele lu dikambu dia dimoke? Ku ndi akûkaluya diui ati: Dimi lambutsha ololo dia mumala kele edja ndu lu nyoi. 10Latuyalaka akawutela ati: We ambuka dimoke diakiye kumune kuyanga mbudia ngandji, diakatumbi lʼutshu ndu diakalana lʼutshu. 11Taki ololo dimi mbuka usumba a wuki uku wa Niniva ngandji, weli la antu ndeka nunu ukama la akumi ahendi, waheyi ntshikitanya lunya lawo la pami kana lunya lawo la lomoso, ndu dungalunga efula?
Trenutno izbrano:
Jona 4: TLL
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
La Bible en Otetela © Allianee Biblique de la Republique Democratique du Congo, 1991