Hosea 4
4
Tamu ta Latuyalaka la Isariyele
1Nyulungi diui dia Latuyalaka, nyu
asi Isariyele!
Latuyalaka eko la wane wudjashi lu
kete dikambu,
Ne dia nduku kolamelu kuyanga
ololo,
Nduku ewu ka Unyashungu lu kete.
2Paka atshibelu la kashi, diakanelu,
Uvi la munanyi atu mbatutumbaka,
La dikila ladiku dia dikila.
3Diako mbayuyala kete la utanda,
Mbayukiyana wane tshe wudjashi
loko.
Nyama ya la kete la fudu ya lʼulungu
Ndu nsi ya la ashi a waki wayunyema.
4Keli untu tadjaki tamu, tahangohangoki,
Ne dia dikambu ne dieko lʼasami la ye,
we olombedi.
5We ayoko la vanyi, umvutshi
ayutakana kame la ye lʼutshu.
Dimi layudiaka nyo.
6Wudja ami wambulanyema ne dia
uhumba wʼewu.
Ne dia we akatuni ewu, dimi
layukutuna ntu,
Ndu layukunya uma lʼulimu ami
wʼolombedi.
Ne dia we akuhela elembe wa
Unyashungu aye,
Osoku ndu dimi layuhela anʼaye.
7Uku akawafulanela, mbakawantshaka
kolo efula.
Dimi layukadimula lutumbu lawo
sonyi.
8Vo watolekaka kolo ya wudja ami;
Vo ndjalaka la pusa kʼehedia wa
wudja
9Uku ayuyala le wudja, mbayuyala le
olombedi.
Dimi layasuya uku kolo yawo,
Layalumbuya uku etsha awo.
10Vo wayole, keli hawuluta.
Vo wayunana, keli hawutana,
Ne dia vo wakantuni, dimi
Latuyalaka, la elembe ami.
11Wanu la ashi lʼelua watunyaka ewu.
12Wudja ami watumbulaka utamba awo
akambu,
Ku etenyi kawo kʼutamba katalimbitshiyaka;
Ne dia saki ka ntemola dikishi
kambuwanganyia.
Vo watotemolaka ditemolatemola,
Wambumo etali uma le Unyashungu
awo.
13Vo watulambulaka elambu lʼete
wʼekungu,
Watutshumbaka malashi ladiku
diʼakuna,
La tshina diʼutamba wʼulungu,
diʼusumba la diʼuwamba,
Ne dia dedi diawo ndjalaka yoo-yoo.
Uma lu dikambu so, mbatunanaka
anʼanyu wʼamantu,
Ndu mbatuyalaka alokayi anyu la
luseka.
14Dimi halusuya anʼanyu wʼamantu
lamʼunanawo,
Kuyanga alokayi anyu lamʼayalawo
akanga a munanyi efula,
Ne dia apami vame watetolaka le
akanga a munanyi,
Ndu watulambulaka elambu kame la
akanga a luseka.
Wudja waha la yimba, watulanyemaka
esadi.
15Isariyele, kuyanga we atotemolaka
ditemolatemola,
Juda tayalaki la unungu lu dikambu ne.
Tanyutshokaki la Ngilingala.
Tanyumbelaki utsha la Bete-Avena,
Ndu tanyutshibaki nyati: Uku eli
Latuyalaka la lumu!
16Isariyele wambushikikala uku ngombe
ka wadi kahateke a lokoho.
Ku kakiane, Latuyalaka ayalesha
Uku onʼa okoko lʼusui a wuki uka?
17Efarayima ambumamema dikishi
diawo, nyukimo ndame.
18Ului wʼambidjoki mbewo, vo
watunanaka tena tshe.
Vo watulekaka nanga akambu wa
sonyi.
Uleki lutumbu lawo.
19Lopepe layakhundunganya,
La vo wayutshama sonyi lu dikambu
dia diakelu diawo.
Trenutno izbrano:
Hosea 4: TLL
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
La Bible en Otetela © Allianee Biblique de la Republique Democratique du Congo, 1991