Hosea 11
11
Unvashungu Ambuka Wudja Andi Wakoseke Ketshi ka Mamba
1Lamʼaki Isariyele olongo a pami,
Dimi lakawukaka ngandji.
Dimi laketi onʼami a pami uma lu
Edjibitu.#11:1 Etum. 4:22; Mat. 2:15.
2Lamʼakamatetemala mbaeta,
Vo wakaleki mangana uma le mi.
Vo wakatetemala nambula WaBala
elambu,
La ntshumbela dikishi malashi.
3Dimi laketshaka Efarayima lokendo,
Latukimela lu anya.
Vo kumbeya vati: Dimi Kakakonoya.
4Dimi lakakutula la eshinga wa ketshi,
La ekodi wa ngandji.
Dimi lakayala le wo uku one
latunyaka kobo lu kingu yawo.
Dimi lakawasheka diango dia nde.
5Vo hawukalula lu kete ya Edjibitu,
Keli usi Asuriya ayuyala khumʼekanga
kawo,
Ne dia vo wakatuni nkalula le mi.
6Yombo yayoto lu esumba awo,
Yayulanya tukengeti ta asuku awo;
Yakashila ushiki ne dia sangweyu
diawo.
7Wudja ami watukikitshaka utema dia
mangana uma le mi;
Watuwaetaka uya le KhumʼUlungu,
Keli nduku otoi lʼatei awo atutumbulaka.
8Ukundi eyami nkukadja, we Efarayima?
Ukundi eyami nkukimo, we Isariyele?
Ukundi eyami nkete uku Adem?
Ukundi eyami nkutshela uku
Zeboyima?#11:8 Euh. 29:23.
Utema ami ambulungula;
Ketshi kami kambuyala otekoya.
9Dimi halutsha uku kele kami ka
wulu.
Dimi handjulanya Efarayima ntu,
Ne dia dimi keli Unyashungu,
aha untu.
Dimi keli lʼEkila lʼatei anyu,
Dimi haluya dia ndjunyulanya.
10Vo wayuyela Latuyalaka layudikita
uku tambwe.
Lamʼayundudikita, ana wʼapami
wayuya
Uma lʼedjelu ka unya wayadidima.
11Vo wayukhunguso uku fudu uma
lʼEdjibitu,
Uku inga uma lu kete yʼAsuriya.
Dimi layakaluya lu mvudu yawo,
mbata Latuyalaka.
12Efarayima atunyingaka la kashi,
Ku khumbu ka Isariyele la lukesu.
Keli Juda ambeyama le Unyashungu;
Ndi eko la kolamelu lʼEkila.
Trenutno izbrano:
Hosea 11: TLL
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
La Bible en Otetela © Allianee Biblique de la Republique Democratique du Congo, 1991