Habakuka 2
2
Latuyalaka Ambukaluya Habakuka Diui
1Dimi layemala lu dihuli diami
diatumukungaka,
Layudjase ladiku diʼetangelu.
Layukunga dia mena kene kayumvutela
Latuyalaka,
Ndu diui diayumukaluya lu dikambu
dia delu diami.
2Latuyalaka akankaluye diui,
Akamvutela ati: Ufundi enelo kene.
Ufundi aui ato lʼutshimo lu pasi
diʼave,
Wuhu wukuki untu latalawo mbeya
mbala.
3Enelo kene keko ne dia etena
kakasonwama.
To kutsha nkuma lu ekumelu kato,
to huta kashi.
Kuyanga to kayutshimbatshimba,
nyukikungeli.
To kayuya mete, hakiutshimbatshimba.#2:3 Heb. 10:37.
4Nyendi, one leli kema la utema
wʼuluwanyi, ayokomo.
Keli untu ololo ayuyala la lumu uma
lu mbetawo kandi.#2:4 Rom. 1:17; Ngal. 3:11; Heb. 10:38.
5Dikambu dikina, wanu eli ukesanyi.
Untu lukanga lahi, hatutshikalaka la
lumu.
Ndi tufudiaka saki kandi uku Udimu
a Pengandu.
Ndi eli uku nyoi lahatulutaka.
Ndi atusanganyaka wedja tshe le ndi,
Atomotshaka antu tshe uku wandi.
Mananu le Antu wa Kolo
6Undi, antu tshe hawuwukanela, ndu hawuwukela yukedi ya lotengo vati:
Mananu kayali le one latufudiaka
diango dieli kema diandi?
Edja ndu kaandi?
Mananu kayali le wane watuyafudiyaka
abasa!
7Wane wukukuli abasa hawunela esadi,
Hawuya dia ndjukohenyahenya,
Dia we ndjala engo ka dimbu le wo?
8We akambi wedja efula dimbu.
Okone atshikadi tshe wa wedja ako
wayukumba dimbu,
Ne dia dikila dia antu la akambu a
ngala wakatshama lʼusumba,
Ndu le wane tshe wudjashi loko.
9Mananu kayali le one latulungamelaka
waho wa kolo ne dia luudu landi,
Dia ndi nkitsha edjaselu kandi lu
dihuli dia ladiku,
Dia ndi mpanda uma lu lunya
lʼelanyelu!
10We akasanguya dikambu dia sonyi le
luudu laye,
Dia ndjaka antu efula.
Ndu we akatshela lumu laye kolo.
11Dive diayuhangohango uma lʼeheli.
Ku usimbi a luudu wayudikaluya diui.
12Mananu kayali le one lahika usumba
la dikila,
Ndu lahika dihata la akambu wa kolo.
13Nyulungi, aha uma le Latuyalaka
Kanga lulimbilimbi
Mbatukambaka antu elimu dikambu
dia dja,
Ndu mbatokomoka wedja alimba
anyanya?
14Ne dia kete yayulula too la ewu ka
lutumbu la Latuyalaka,
Uku atululaka ashi lu ashi a waki.#2:14 Is. 11:9.
15Mananu kayali le one latonoshaka
anyandi
Dikoho dia kele kandi,
Ndu latuwadjuyaka, dia ndi mena
utakataka awo!
16We ambulula too la sonyi, aha la
lutumbu;
Ono ndu we, usukosuko!
Dikoho dia lunya la pami la
Latuyalaka diayukuma le ye.
Sonyi ka wononyi kayuyala ladiku dia
lutumbu laye.
17Akambu wa ngala wakatshama la
Lebanona wayukukumba,
La elanyelu ka nyama kayukutsha
woma,
Ne dia dikila dia antu la akambu wa
ngala wakatshama lu kete,
Lʼusumba ndu le wane tshe wudjashi
loko.
18Waho akona weli le efanelu ka losela,
wakakisele osedi?
Waho akona weli le efanelu ka lolelola?
Le umbetsha wa kashi, lakatshi efanelu
kako,
Katundekamaka dia ntshaka dikishi
dia nyumi?
19Mananu kayali le one latela utamba
ati: Emo!
La dive dia lumi ati: Unela!
Undi, to mbeyaka mbetsha?
Nyendi, to kambukumbama la paunyi
la fesa.
To kema la lumu lʼatei ato nduku
yema!
20Keli Latuyalaka eko lʼetemwelo kandi
kʼekila.
Kete tshe yayali ki la ntundu kandi.
Trenutno izbrano:
Habakuka 2: TLL
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
La Bible en Otetela © Allianee Biblique de la Republique Democratique du Congo, 1991