ỤBANỤ TƐKAPƐSHƐNGA TI IYI NƐ ZWENI NU UTAKADA GA ỤBANỤ
TƐKAPƐSHƐNGA TI IYI NƐ ZWENI NU UTAKADA GA ỤBANỤ
Egini Ụbanụ, i shɛ ti'ishɛga, maa beni no olugwo oko maa zhe no ofwo anya. Ama inɛ gɛ shɛ rụrụkwụkwụ ri iyi nɛ teneni la atwa Isrɛl, inɛɛ nɛ kaa ee 'nyeci iwɛ ibɛ nu utakada ga, ibɛ shɛ iwɛ ti'ishɛga ta atwa Isrɛl ni Ijipti no ofwo na aa shɛ la ajama.
Utakada ga 'yajɛ tudwotwogonu tu tukpororo tu tatụ.
(1) Tubanangana te Ehibru na tijama ta aba maa e zhe tahaŋnụ e ci Ishɛmɛ Sainai.
(2) Unu na Agwatana twa na atwa ata ni Ishɛmɛ ɛtɛ Sainai, ibɛ shɛ gana na maa ga tunama ta aba tɛ shɛ nu undwa bụtụ na aa ndana iyi.
(3) Tɛnda kwo kaa tuma to ofwo na maa atwa Isrɛl ata na zhɛba Agwatana, keeni andwa na shɛ a na onongbo gana na shɛ maa a na zhɛba Agwatana.
Inɛɛ nɛ hwuri nu utakada ga hwɛɛ, i shɛ tụdụma ti iyi nɛ Agwatana njɛ, aka na ti bɛɛ bɛcinjɛ atwa ubwa na tijama, baa njɛ aŋ maa a shɛ udenji uko iwɛ ashɛlatụ geri-be-eshe.
Bụtụ na shɛ rishe ri iyi nɛ namɛ nu utakada ga i shɛ go Moses, ubwa shɛ bụtụ na Agwatana teri maa hwulono atwa Isrɛl ata umbe maa e beni ni Ijipti. Ụpadụ ụ'wụtụ na atwa mepi nu utakada ga, ubwa shɛ uhiuhiu 20 na ee 'nyeci Unu-tupana Umpwa.
Tudwotwogonu ti Iyi nɛ Zweni nu utakada ga na
Atwa Isrɛl benengeni Ijipti 1:1—15:21
a. A shɛ la ajama ni Ijipti 1:1-22
b. Tumata tu Moses keeni aka cɛnɛnɛ tu bwa 2:1—4:31
c. Go Moses na Aron holono agwuma Ijipti 5:1—11:10
d. Iyimɛyɛ tɛkashɛka tɛnda keeni ti'ishɛga ta aba ni Ijipti 12:1—15:21
Iyi nɛ njɛ te kwuni nu Urefu ushenje tutu i ci Ishɛmɛ Sainai 15:22—18:27
Undwa keeni unu-tutwa na Agwatana peni aŋ 19:1—24:18
Udulo unu-tutwa keeni tusokokono iwɛ tɛzhɛba 25:1—40:38
Currently Selected:
ỤBANỤ TƐKAPƐSHƐNGA TI IYI NƐ ZWENI NU UTAKADA GA ỤBANỤ: RBT
Označeno
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008