Sơnròp Gơlik Gơs 15
15
Yàng Tom Trồ ho bal mơ Abram
1Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.” 2Abram đơs lah: “Ơ Yàng Jehôwa, ñchi phan Yàng rơp ai añ in taih? Añ chơt tơn ò gơs kòn, cau pal pơrdòn tòm hìu nhă añ la Eliese cau Damas.” 3Abram đơs tai lah: “Do, Yàng lơh añ in tồc lồi, dô nă cau dĭ añ, deh tòm hìu añ, rơp la cau pơrdòn añ jê.”
4Yàng Jehôwa đơs mơ Abram lah: “Cau hơ̆ ò di la cau pơrdòn mê ò, mơya cau lik bơh pròc tòm mê dê, rơp la cau pơrdòn mê.” 5 Gen Kơnràñ lam khai lik dê bơdìh mơ đơs lah: “Mê tơnggòr sền tĕ hơđang trồ, mơ dilah mê rgơi kòp jơh ală sơmañ gen kòp tĕ.” Kơnràñ đơs tai lah: “Jơi bơtiàn mê kung rơp behơ̆ sơl.” 6 Abram dòn Yàng Jehôwa, gen Kơnràñ sơnđan bơta hơ̆ la song ring khai in.
Phan pơdơng duh khoai mơ bơta mpau Abram dê
7Yàng Jehôwa đơs mơ Abram lah: “Añ la Yàng Jehôwa neh lam mê lik bơh dê Ur, lơgar Kalde dê nàng ai mê in lơgar do tồ lơh gơs sre brê.” 8Abram ho lah: “Ơ Yàng Jehôwa, tài bơh ñchi añ git lah añ rơp geh lơgar do gơs sre brê taih?” 9Yàng Jehôwa đơs mơ khai lah: “Mê kup tĕ cèng Añ in dô nơm kơnrồ me pe nam, dô nơm be me pe nam, dô nơm belàt dam pe nam, dô nơm ntòp mơ dô nơm ntòp hui” 10Abram kup tơl ală phan hơ̆, blah bàr pơnah mơ ơn sơrplàng kòp nơm bàr đah, mơya khai ò blah ală sềm. 11Ală sềm sa poac mù dê ală phan chơt hơ̆, mơ Abram ting bơtrơh gơ.
12 Tŭ mattơngai mut, gen Abram bic lơhă ngan, dô bơta klam jơngo cik mơ rngòt rngơt ngan tus jơm gòm khai. 13 Yàng Jehôwa đơs mơ Abram lah: “Mê git tĕ nền lah jơi bơtiàn mê rơp ơm ing tòm dô nơm lơgar ò di bal mơ bol khai, lơh dĭ làng bol hơ̆ in mơ kong bol khai rồn bơklơn tòm poan rhiang nam. 14 Mơya Añ rơp cahrña ală cau mơ jơi bơtiàn mê lơh dĭ, tơnơ̆ wơl bol khai rơp lik klàs bal mơ ală phan mơna lìu làc. 15Mê rơp rê lơngap lơngai tus hơ mò pàng mê dê, mê rơp kis jŏ ngan sồng mê chơt tơp tòm ù. 16Tus dê rài poan, gen jơi bơtiàn mê rơp rê wơl hơ do, tài bơh tồi glài cau Amôrit dê òhềt bềng lìu.” 17Tŭ mattơngai neh mut, gơs bơta jơngo ngan, ne, gơs dô nơm bơnhă ồs mơ gơlik ñhŭ, mơ dô nơm lơmpiat ồs lòt gan digùl ală poac neh blah.
18 Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat, 19la lơgar ală cau Kenit, Kenesit, Katmônit, 20Hetit, Pherijit, Rephaim, 21Amôrit, Kanaan, Gergasit, mơ Jebusit dê.”
Currently Selected:
Sơnròp Gơlik Gơs 15: KPM2018
Označeno
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.