เสคาลิยา 13
13
หฑาว ฒุ์ย เหธา สา หวุย เญย เจ๊า
1“วั้ว ฮนอย อ๋อย ม่าย นอม ววม-ฒี้ง คอย ฆอย เหว่ย ดาวิด เญย เฒ้ย-ฟุน เหธา เยลูซาเลม เญย เมี่ยน หฑาว ฒุ์ย, สา หวุย.”
2เน่น เจี๋ย เญย เฒี้ยว ก๊อง, “วั้ว ฮนอย เยีย อ๋อย ไพ กวั่ง เยียม เต่ย-ปูง เญย หมิ่ว-ฝัง เญย บั๋ว, เหว่ย ไม้ ปุน หาย เต้า แอ๋ง ไฮ่ จั๋ง ตุ๊ นิ่น บัว. เยีย อ๋อย หฒุ่น ฆอย จ๊า โต่ว หว่า เมี่ยน เหธา เฮญี้ยว ไม้ ธีง-เหฑ่ง เญย เมี่ยน, ไม้ ปุน เยียม เต่ย-ปูง. 3สี ก๊อง ม่าย น้าย หญู่ง โต่ว หว่า เมี่ยน แอ๋ง ธ้วด ต้าย, นิ่น เญย เธียน เตีย มา อ๋อย หฒุ บั๋ว นิ่น, ‘เม่ย อ๋อย หฒุ ไต่ อ๊ะ, เหว่ย หฒุ เม่ย เต๊ง เฒี้ยว เญย เม่ง ก๊อง-แปะ.’ นิ่น โต่ว หว่า เญย เฒี่ยง โห่ นิ่น กั้น เญย เตีย มา อ๋อย หฒุ ฑบ ทง นิ่น.
4“วั้ว ฮนอย เต้าๆ โต่ว หว่า เมี่ยน หลาย นิ่น บัว โต่ว หว่า ก๊อง หล่าว ย่าง เญย สี่ หฒุ ไญ้. นิ่น บัว ฯฒฯ ไม้ ฒุ ม่าย เปยย เญย ลุย เหว่ย ดั๊ว เมี่ยน.#13:4 โล์-ฮนอย โต่ว หว่า เมี่ยน ฒุ ม่าย เปย๊ย เญย ลุย. เมี่ยน ฯฒฯ เฒียะ ตุ๊ นิ่น บัว เป๋น โต่ว หว่า เมี่ยน. 5นิ่น ฒู้ง อ๋อย ก๊อง, ‘เยีย ไม้ เฒ์ย โต่ว หว่า เมี่ยน. เยีย เซ โหฒว เหลียง-เด่ย เญย เมี่ยน, เหว่ย หฒุ เยียม เยีย หลุน เญย เฒี่ยง โห่ น้าย เต๋ย เดา มต้าย เป๋น เยีย เญย.’#13:5 ไฟ “เยียม เยีย หลุน เญย เฒี่ยง โห่ ม่าย เต้า เมี่ยน หม่าย เยีย โหฒว โน่ว”. 6สี ก๊อง ม่าย เมี่ยน หน่าย นิ่น, ‘เม่ย เญย หละค้วด#13:6 ฟาน หฒะ ก๊อง “เม่ย เญย อี เจี๊ยะ ปั์ว บุด๋ง.” ม่าย เต๋ย โซว ฟาน ต้าย ก๊อง เม่ย เญย ติ ต์าน. ม่าย เต๋ย ก๊อง เม่ย เญย ซิน. โหฒว หาย หญู่ง ม่าย หนาน?’ นิ่น ฯฒฯ เตา, ‘น้าย เต๋ย หนาน เยีย เยียม เยีย เญย ต่อย เญย เปย๊า หฒุ ต้าย.’”
ทิน-ฮู่ง เญย โก๋ว ปะกี ยู่ง เมี่ยน หฒุ เบ๊าะ
7เน่น เจี๋ย เญย เฒี้ยว ก๊อง,
“หฑุ ด๊าว อ้า! เจี์ย ต้าย เหธา เยีย เญย โก๋ว ปะกี ยู่ง เมี่ยน เบ๊าะ จ๋า,
เซ เหธา เยีย หฒัวะ ต่อย เบ๊าะ จ๋า.
เบ๊าะ โก๋ว ยู่ง เมี่ยน,
ปะกี ยู่ง กวั้น ฯฒฯ หฑาน เหฑ่ง.
เยีย หย่า อ๋อย ฮล้วด ปั์ว ต้าย เบ๊าะ ปะกี ยู่ง ตอน.”#มัดทาย 26:31; มาโค 14:27
8 เฒี้ยว ก๊อง, “เยียม ก๋อม เต่ย-ปูง เญย เมี่ยน,
ปัว โก๊ว เญย อี โก๊ว อ๋อย หฒุ ไพ กวั่ง, หฒุ เหมียด,
เลี่ยว เหฌี่ย เญย ม่าย ปัว โก๊ว เญย เหยียด โก๊ว.
9เยีย อ๋อย เฒาะ วั้ว เต๋ย ปัว โก๊ว เญย เหยียด โก๊ว เจี๋ย โต่ว
สิน นิ่น บัว ฮนั้ง สิน ญ่าน,
เสย นิ่น บัว ฮนั้ง เสย เจียม.
นิ่น บัว อ๋อย เห่ว เจี๊ยน โจ้ว เยีย เญย เม่ง,
เยีย ฯฒฯ เตา นิ่น บัว.
เยีย อ๋อย ก๊อง, ‘นิ่น บัว เซ เยีย เญย แปะ ฝีง.’
นิ่น บัว หย่า อ๋อย ก๊อง, ‘เฒี้ยว เซ เยีย บัว เญย ทิน-ฮู่ง.’”
Trenutno izbrano:
เสคาลิยา 13: IuMiTH
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Mien Bible (Thai Script) © Thailand Bible Society, 2007