1 โคลินโท 9
9
กง-โฒ่ ม่าย เล์ย โหฒว หาย หญู่ง
1เยีย ไม้ เฒ์ย ปู๋ง ฆอย เญย เมี่ยน ไฟ? เยีย ไม้ เฒ์ย โหฒว กง-โฒ่ ไฟ? เยีย ไม้ ปวัด เจี๋ย บัว เญย เฒี้ยว เยซู ไฟ? เยีย เถง เฒี้ยว โหฒว กง เม่ย บัว หธีง ต้าย เสียน ไม้ เฒ์ย? 2ไม้ กุ๊น เมี่ยน ไม้ แล์ง เยีย โหฒว กง-โฒ่, เม่ย บัว ด่ง หาย หย่า แล์ง อ๊ะ. เหว่ย หฒุ เม่ย บัว เหธา เฒี้ยว เยซู จวั่ง แหม่ง เฒี่ยง, เซ โหฒว ฒอง-เหฒง ปุน ธีง เยีย หฒะเก้ง โหฒว กง-โฒ่.
3สี ก๊อง เมี่ยน ฒ่า หน่าย เยีย, เยีย ฮนั้ง น้าย นอ เตา นิ่น บัว. 4โหฒว กง-โฒ่, เยีย ไม้ เฒ์ย ม่าย เล์ย ตุ๊ หญั่น ตุ๊ ฮบ ไฟ? 5เยีย ไม้ เฒ์ย ม่าย เล์ย หล่ง เสียน เยซู เญย เมี่ยน โหฒว เอ๊า, หย่า ฮนั้ง วั้ว เต๋ย กง-โฒ่ เหธา เฒี้ยว เญย โย์ว บัว เหธา ปีเต#9:5 ฟาน หฒะ ก๊อง เคฟ้าด. เป๊ย หมั่ง โยฮัน 1:42. ต้อ เอ๊า กัน เจี๊ยน มี่ง ไฟ? 6ขูง ม่าย บานาบัด เหธา เยีย อ๋อย หฒุ โหฒว กง โต่ว แหม่ง ฮนั้ง ไฟ? 7ม่าย หาย เต้า โหฒว แปง อ๋อย หฒุ ธ้วด กั้น เญย เปี้ยน ฝุย? ม่าย หาย เต้า โหฒว หฮวีง หฒวัง อะหงุ่น เปี๊ยว หย่า ไม้ ตุ๊ นิ่น กั้น เญย เปี๊ยว หญั่น? ม่าย หาย เต้า ยู์ง ปะกี ยู่ง หย่า ไม้ ตุ๊ ฮบ นิ่น กั้น เญย ยู่ง หญอ?
8เยีย ฮนั้ง น้าย ก๊อง เซ ไม้ เฒ์ย ขูง เอย ป้าม เมี่ยน เญย หฒะเอ๋ย. เล์ย-หลัด หย่า ฟี่ ฮนั้ง เญย ก๊อง ไม้ เฒ์ย? 9โมเซ เญย เล์ย เฟี้ย เจี๊ยน ก๊อง,
“ง่ง หลิ่น เบย้า เญย เฒี่ยง โห่
ไม้ ตู๋ง โตว ง่ง เญย ฑุ่ย แป๋ง.”#หฑั่ม เล์ย-หลัด 25:4; 1 ทิโมไท 5:18
ฮนั้ง หน่าย, ทิน-ฮู่ง ขูง เฑ่า ง่ง ไฟ? 10ทิน-ฮู่ง ก๊อง น้าย เต๋ย หว่า, นิ่น ไม้ เฒ์ย เหว่ย บัว ก๊อง ไฟ? เฒ์ย เญย. น้าย เซ เฟี้ย เจี๊ยน เหว่ย เถง บัว. ไล่ ลี่ง เญย เมี่ยน เหธา เบ๊าะ เบย้า เญย เมี่ยน ม่าย ลั่ม ฮนั้ม อ๋อย ตุ๊ นิ่น บัว โหฒว เญย ป่วน. 11เยีย บัว ฒุ่น คู้ เฝียน ฮนั้ง หฒวัง สีง ลี่ง เญย ญิม เยียม เม่ย บัว เญย เฮญี้ยว นอ. วั้ว หญู่ง, เยีย บัว เยียม เม่ย บัว หน่าย เซียว เยีย บัว เฉียม หล่ง เญย กะน้าย, เม่ย บัว ฝุน ธั้ม ไห่ ไฟ?#โลมา 15:27 12สี ก๊อง กั้น เต๋ย เมี่ยน ม่าย เล์ย เห่ว เม่ย บัว จวัง นิ่น บัว, เยีย บัว ไม้ เฒ์ย เก้า ม่าย เล์ย เห่ว เม่ย บัว จวัง เยีย บัว ไฟ?
มป่า น้าย หญู่ง เล์ย เยีย บัว ไม้ หล่ง เจี๋ย เหยียด หฑุ่น. ต๋าว หฑวน เยีย บัว เสี่ยว หญู่งๆ โค้ว เหว่ย ไม้ ปุน หาย หญู่ง ล่าน กีตู่ เญย คู้ เฝียน. 13เม่ย บัว ไม้ ฮิ้ว ตุ๊ ไฟ? เยียม หฒั่ง ทิน-ฮู่ง เญย เปย๊า โหฒว กง เญย เมี่ยน ตุ๊ วั้ว นอม เปย๊า เญย หญั่น ฮบ. เยียม เหฒี่ย-ต้อง หล่ง แซง-คู้ เหฒี่ย ปุน ทิน-ฮู่ง วั้ว เต๋ย ไซ เมี่ยน หย่า ตุ๊ ป่วน วั้ว เต๋ย อ๊อ.#หฑั่ม เล์ย-หลัด 18:1 14ฟี่ ฮนั้ง เญย, เฒี้ยว หย่า พ้าย ตะฟ่าน ฒุ่น คู้ เฝียน เญย เมี่ยน อ๋อย หฒุ เขา คู้ เฝียน ยู์ง แหม่ง.#มัดทาย 10:10; ลูกา 10:7
15มป่า น้าย เต๋ย เล์ย เยีย ไม้ แก้ง หล่ง เจี๋ย เหยียด หฑุ่น. อี้ หฒั่น เยีย เฟี้ย น้าย เต๋ย หว่า หย่า ไม้ เฒ์ย อ๋อย โท้ หาย หญู่ง หล่ง. เยีย ไต่ เก้า หลง เหว่ย หฒุ ไม้ อ๋อย หาย เต้า เฒาะ เยีย ปู๋ง เญย หว่า-เหมา ทิ้ว เป๋น เฮ่น หว่า. 16เยีย ฒุ่น คู้ เฝียน มป่า น้าย ไม้ เฒ์ย ปุน เยีย ม่าย กอน-แป๋ง ปู๋ง หว่า-เหมา. เยีย เฝย-หญู่ง ฒู้ง อ๋อย หฒุ ฒุ่น คู้ เฝียน. สี ก๊อง ไม้ ฒุ่น นอ, เยีย ฒู้ง อ๋อย หฒุ โค้ว อ๊ะ. 17สี ก๊อง เยีย กั้น เหลียบ เฮญี้ยว ฒุ่น คู้ เฝียน, เยีย ฯฒฯ ฝุน ตุ๊ กง-ฒิ่น. มป่า สี ก๊อง ไม้ เฒ์ย เยีย กั้น เหลียบ เฮญี้ยว โหฒว, เซ ทิน-ฮู่ง พ้าย เยีย โหฒว, 18เยีย ฯฒฯ ตุ๊ หาย หญู่ง ฟิน-โค้ว? ต้ง น้าย อ๊ะ. เยีย ฒุ่น คู้ เฝียน หย่า ไม้ หฒุ เห่ว เมี่ยน ธ้วด ฟิน-โค้ว. เหว่ย ฒุ่น คู้ เฝียน ม่าย เล์ย ตุ๊ หาย หญู่ง เยีย หย่า ไม้ เถง เมี่ยน โท้.
19เยีย ไม้ โหฒว หาย เต้า เญย โน่ว เก๊า. มป่า เยีย หญุ่น โหฒว หฒวัง เมี่ยน เญย โน่ว, เหว่ย ตุ๊ เมี่ยน ธั้ม ต้าย เสียน เยซู. 20เยีย เหธา ยิวไท เมี่ยน เยียม, เยีย ฯฒฯ โหฒว ฮนั้ง ยิวไท เมี่ยน, เหว่ย ตุ๊ ยิวไท เมี่ยน เสียน. ไม้ กุ๊น เยีย ไม้ เฒ์ย เยียม เล์ย-หลัด กะเดี๊ย, เยีย เหธา เยียม เล์ย-หลัด กะเดี๊ย เญย เมี่ยน เยียม. เยีย โหฒว ฮนั้ง นิ่น บัว โหฒว, เหว่ย ตุ๊ เยียม เล์ย-หลัด กะเดี๊ย เญย เมี่ยน เสียน. 21ฟี่ ฮนั้ง เญย, เยีย เหธา ไม้ หล่ง ยิวไท เมี่ยน เญย เล์ย-หลัด วั้ว เต๋ย จั๋น เยียม, เยีย ฯฒฯ เยียม ฮนั้ง วั้ว เต๋ย จั๋น เยียม นอ, เหว่ย ตุ๊ จั๋น เสียน เยซู. เยีย ไม้ เฒ์ย ก๊อง เยีย ไม้ เอย ทิน-ฮู่ง เญย เล์ย-หลัด โหฒว, มป่า เยีย เยียม กีตู่ เญย เล์ย-หลัด กะเดี๊ย. 22เยีย เหธา เสียน ไม้ เฮ้น เญย เมี่ยน เยียม, เยีย ฯฒฯ โหฒว ฮนั้ง เสียน ไม้ เฮ้น เญย เมี่ยน, เหว่ย เถง นิ่น บัว เสียน เก้า เฮ้น. เยีย โหฒว ผุย หญู่งๆ เมี่ยน หย่า หล่ง หญู่งๆ หฒะเอ๋ย เหว่ย ปุน เต๋ย วั้ว เต๋ย เมี่ยน ตุ๊ เหฌียว.
23เยีย ฮนั้ง น้าย นอ โหฒว เญย เหยียด ฒู้ง เซ เหว่ย คู้ เฝียน, เยีย หธีง ต้าย ตุ๊ ป่วน คู้ เฝียน เญย ฟุ. 24เม่ย บัว ฮิ้ว เญย, สาย ถิว เญย เมี่ยน เหยียด ฒู้ง ถิว มป่า ม่าย ดุ เต้า ฮนั้ง ตุ๊ ฒี่ง เหญ่ย. ฮนั้ง หน่าย, อ๋อย หฒุ เหฌี่ย ชะ ถิว เถา ตุ๊ ฒี่ง เหญ่ย. 25โด๊ว สาย เญย เมี่ยน เต้าๆ อ๋อย หฒุ กุ๊น กั้น, โหะ กั้น เญย ซิน เฮ้น, เหว่ย ตุ๊ นอม นี้ง. นี้ง หย่า ไฮ่ หว่าย เญย. มป่า เยีย บัว โหฒว เหว่ย ตุ๊ เหยียด ลิ์ว ไม้ ไฮ่ หว่าย เญย นี้ง. 26เหว่ย น้าย เยีย ถิว มี่ง ไม้ เฒ์ย ฮนั้ง ไม้ ม่าย ตี่ง เหฒียง เญย ต๋อง. เยีย ฮนั้ง เบ๊าะ จ๋า, มป่า ไม้ เฒ์ย ฮนั้ง เมี่ยน หละไกว้ หล่ง ปั์ว-จ้วน เบ๊าะ หฑยาว. 27เยีย โหะ เยีย กั้น เญย ซิน เฮ้น, ปุน กั้น ไฮ่ กุ๊น ตุ๊ ฮี่ง กั้น. เฑ่า เหย เห่ว เมี่ยน สาย ถิว, ฆะฮ้า เยีย กั้น หฒุ เฆ่ม.
Trenutno izbrano:
1 โคลินโท 9: IuMiTH
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Mien Bible (Thai Script) © Thailand Bible Society, 2007