GENESIS 50
50
Ti Pannacaitabon ni Jacob sadiay Macpela. Ti Kinaimbag ni Jose cadagiti Cacabsatna. Ti Ipapatay ni Jose.
1Ket ni Jose inapungolna ti rupa ni amana, #2 Ar. 13:14.ket sinangitanna, ket inagcanna.
2Ket ni Jose imbilinna cadagiti #bil. 26. 2 Cron. 16:14. Luc. 24:1. Juan 19:39-40.ad-adipenna a mangngagas nga embalsamarenda ni amana nga balcutenda; ket dagiti mangngagas binalcutda ni Israel nga iniccanda ti balsamo.
3Ket tinungpalda kencuana dagiti uppat a pulo nga aldaw; ta casta ti panagtungpal idi dagiti al-aldaw ti panagembalsamar: #Num. 20:29. Deut. 34:8.ket dagiti Egipcios sinangitanda bayat ti pitopulo nga aldaw.
4Ket iti calpasan dagiti al-aldaw a panagsangit kencuana, ni Jose sinaona cadagiti adda iti balay ni Faraon, cuncunana, No ita nacasaracac ti parabur cadagiti matayo, dawatec cadacayo, saoenyo coma, cadagiti lapayag ni Faraon, a cunayo.
5Ni amac insapatana caniac a kinunana, Adtoy, matayac; #2 Cron. 16:14. Isa. 22:16. Mat. 27:60.iti tanemco a kinutcotco nga agservi caniac sadiay daga a Canaan, idiayto ti pangiponponam caniac. Ita ngarud, dawatec kenca, ipalubosmo nga sumang-atac, ken iponponco ni amac, saacto agsubli.
6Ket ni Faraon kinunana, Inca sumang-at, ket iponponmo ni amam, a cas insapatana kenca.
7Ket ni Jose simmang-at a nangiponpon ken amana; ket kimmuyog kencuana amin dagiti ad-adipen ni Faraon, ken amin dagiti pangpanglacayen iti balayna ken amin dagiti pangpanglacayen iti daga nga Egipto,
8Ken amin dagiti sangacabbalay ni Jose, ken dagiti cacabsatna a lallaki, ken dagiti sangacabbalay ni amana: isuna la nga imbatida sadiay daga a Gosen dagiti annacda a babassit, ken dagiti an-animalda a dadackel.
9Ket simmang-at a kimmuyog kencuana dagiti luglugan ken tattao nga agcabcabayo: ket isu idi ti dackel unay a bunggoy.
10Ket nacagtengda agingga iti pagtaltagan idiay Atad, nga adda iti casumbangir ti Jordan, ket sadiay nagdung-awda iti dackel unay ken napalalo a panagdung-aw: ket inaramidna ti maysa a panangdung-aw ken amana cadagiti pito nga aldaw.
11Ket idi nakita dagiti agnaed sadiay a daga, dagiti Cananeo, daydi dung-aw idiay pagtaltagan idiay Atad, kinunada, Daytoy isu ti nalabes a dung-aw iti biang dagiti taga Egipto: isu ti gapuna a napanaganan iti Abel-mizraim, nga adda iti casumbangir ti Jordan.
12Ket dagiti annacna inaramidda kencuana cas imbilinna cadacuada:
13 #
Gen. 49:29-30. D. Ara. 7:16. Ta dagiti annacna impanda idiay daga a Canaan, ket imponponda iti rukib ti talon a Macpela, #Gen. 23:16.isu a ginatang ni Abraham tapno tagicuaenna a pagtamtamnan, ken Ephron a Heth, iti sango ti Mamre agraman ti talon.
14Ket ni Jose nagsubli sadiay Egipto, isu, ken dagiti cacabsatna a lallaki, ken amin dagiti simmurot kencuana a nangiponpon ken amana, iti calpasan ti panangiponponna ken amana.
15Ket idi a nakita dagiti cacabsat ni Jose a natay ni amada, kinunada, Nalabit a guraennatayto, ni Jose, ket supapacannatayto nga awan curangna cadagiti amin a dakes nga inaramidtayo kencuana.
16Ket pinaibagada ken Jose, kinunada, Ni amam imbilinna idi di pay natay a kinunana,
17Saoenyonto ti castoy ken Jose, Dawatec kenca ita, Pacawanem, ti salungasing dagiti cacabsatmo, ken ti basolda ta dakes ti inaramidda kenca. Ket ita, dawatenmi kenca, Pacawanem ti salungasing dagiti ad-adipen ti #Gen. 49:25.Dios ni amam. Ket ni Jose nagsangit idi nakisaoda kencuana.
18Ket dagiti cacabsatna napanda met ket nagpaclebda iti sangoanan ti rupana, ket kinunada, Adtoy, dacami dagiti ad-adipenmo.
19Ket ni Jose kinunana cadacuada, Dicayo agbuteng: #Gen. 30:2. 2 Ar. 5:7.ta siac addaac aya iti akem ti Dios?
20Ket dacayo, pinanagemyo ti dakes; caniac #Gen. 45:5, 7.ngem pinanagem ti Dios a naimbag, tapno pagbanagenna cas adda ita, tapno ispalenna dagiti adu a tattao a sibibiag.
21Ita ngarud, dicayo agbuteng: #Gen. 47:12.siac taraonancayto, ken dagiti annacyo a babassit. Ket liniwliwana ida, ket nagsao a siaayat cadacuada.
22Ket ni Jose nagnaed sadi Egipto, isu ken dagiti sangacabbalay ni amana: ket nagbiag ni Jose cadagiti sangagasut ket sangapulo a tawen.
23Ket ni Jose nakitana dagiti appococ iti tuud ni Ephraim: dagiti met #Num. 32:39. 1 Cron. 7:14. annac ni Maquir, nga anac a lalaki ni Manases, nayanacda cadagiti tumtumeng ni Jose.
24Ket ni Jose kinunana cadagiti cacabsatna, Matayac; #Gen. 15:14; 46:4; 48:21. Ex. 3:16-17. D. Ara. 11:21.ngem ti Dios sarungcarannacayto a di bumurong, ket pasangatennacayto ditoy a daga a mapan iti #Gen. 15:18. daga nga incarina a sisasapata ken Abraham, ken Isaac, ken Jacob.
25 #
Ex. 13:19. Jos. 24:32. Ket ni Jose sinapataanna cadagiti annac ni Israel, cuncunana, Ti Dios sarungcarannacayto a di bumurong, ket dacayo alaenyonto ditoy dagiti tultulangco.
26Ket ni Jose natay idi nagtawen iti sangagasut ket sangapulo: ket #bil. 2.inimbalsamarda, ket naicabil iti maysa a lungon sadi Egipto.
Trenutno izbrano:
GENESIS 50: TB1973
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
Ti Biblia © 1973 Philippine Bible Society